ရာဇသခင်
ဘဝသျှင်ကောင်း"မင်းဖလောင်း"အား
လေးစားဦးညွတ်၊တွားခဝပ်ကာ
လိုရာခြွေဆု၊ကောင်းမူ့ပြုသည်
သာဓုခေါ်ယူနိူင်စေသော်ဝ်..........။
စိတ်မှာရည်စူး၊ဦးတင်ဖူးလျှက်
ဆုထူးပန်ဆင်၊"ဘဝအသျှင်"နှင့်
နောင်လျှင်မခြား၊ကုသိုလ်ပွားယူ
ချစ်ကြည်ဖြူသည့်၊ကြင်သူသက်ထား
ပတ္တမြားဒေဝီ၊"စိုးမဲကျီ"လျှင်
စိတ်ဘဝင်ကြွေ၊မြင်ယောင်လေကါး
လေးစားလိူက်ဖို၊လွန်ကြည့်ညိုမိ........။
အို..............
ရာဇာဘုန်းမြတ်၊ပြည့်ထွဋ်သခင်
"ဘဝအသျှင်"
အသျှင်တည်ထား၊မြတ်ဘုရားကါး
ထင်ရှားလက်ရှာ၊ပြောင်ပြောစွာနှင့်
ဂုဏ်တင့်ဝေဖြိူး၊ကျက်သရေတိုးကာ
ပြည်ရွာအနှံ၊မွှီးသင့်ပျံ့စွ
ဗုဒ္ဓအမွီ၊ရခိုင်မြီတွင်
အစဉ်တည်တံ့၊ထွန်းပြန့်စီရန်
စိတ်ရည်သန်ကာ၊တည်ထားပါသည်
ရာဇသခင်၊ဘဝသျှင်အား
ဝတ်တွားခညောင်၊ဆုမွန်တောင်း၍
ကောင်းမူ့စုစု၊မျှဝေပြုလျှက်
သာထုခေါ်သံ၊မိုးသို့လျှံသည်
နိဗ္ဗာန်သောင်ကမ်းလှမ်းစီသော်ဝ်...............။
