ကြောင်းကျိုးပြ ကြိယာများ (ရခိုင်ဝေါဟာရအဘိဓါန်အတွက်)

ကြောင်းကျိုးပြ ကြိယာများ (ရခိုင်ဝေါဟာရအဘိဓါန်အတွက်)
--------------------------------------------------------------
ရခိုင်ဝေါဟာရအဘိဓါန်အတွက် ကြောင်းကျိုးပြကြိယာ စုစုပေါင်း (၇၇) လုံးအား စုဆောင်းဖော်ပြအပ်သည်။

(ခ)

(ခွာ) ကေ (ကွာ) ရေ။ (အကာ)
(ခွဲ) ကေ (ကွဲ) ရေ။ (အုန်းသီး)
(ခေါက်) ကေ (ကောက်) တေ။ (သံ)
(ချ) ကေ (ကျ) ရေ။ (ကျင်)
(ချုံ့) ကေ (ကျုံ) ရေ။ (အရီ)
(ချိုး) ကေ (ကျိုး) ရေ။ (သွား)
(ချက်) ကေ (ကျက်) တေ။ (ထမင်း) ***
(ချန်) ကေ (ကျန်) ရေ။ (ဟင်း)
(ချယ်) ကေ (ကျယ်) ရေ။ (ဇကာ)
(ချွတ်) ကေ (ကျွတ်) တေ။ (အရောင်)
(ချွန်) ကေ (ချွန်း) ရေ။ (မြှား) (မြှားကို (ချွန်း) အောင် (ချွန်) ပစ်လိုက်)
(ခြား) ကေ (ကြား) ရေ။ (၀ါး)
(ခြီ) ကေ (ကြီ) ရေ။ (အခဲ)
(ခြွီ) ကေ (ကြွီ) ရေ။ (အသီး)
(ခြဲ) ကေ (ကြဲ) ရေ။ (အစွယ်) (အစွယ်ကို (ခြဲ) ပြကေ (ကြဲ) နီယင့်။)
(ခြစ်) ကေ (ပြစ်) တေ။ (မှန်)
(ခြစ်) ကေ (ကြစ်) တေ။ (အကြောင်း)
(ခြင်း) ကေ (ကြင်း) ရေ။ (ငါးခြောက်)
(ခြောက်) ကေ (ကြောက်) တေ။ (တဆီ)

(ဆ)

(ဆုတ်) ကေ (စုတ်) တေ။ (စာရွက်) ***
(ဆန့်) ကေ (စန့်) ရေ။ (အခြီ) ***
(ဆွတ်) ကေ (စွတ်) တေ။ (ရီ) ***

(ဖ)

(ဖိ) ကေ (ပိ) ရေ။ (ပိဿာ)
(ဖဲ့) ကေ (ပဲ့) ရေ။ (အနား)
(ဖုံး) ကေ (ပုံး) ရေ။ (ဣနြေ္ဒ)
(ဖော့) ကေ (ပေါ့) ရေ။ (ကုလားကောင်)
(ဖော်) ကေ (ပေါ်) ရေ။ (လောင်း)
(ဖောက်) ကေ (ပေါက်) တေ။ (၀ါးပြောက်)
(ဖွ) ကေ (ပွ) ရေ။ (အညှက်) ***
(ဖွင့်) ကေ (ပွင့်) ရေ။ (တန်းခါး)
(ဖွတ်) ကေ (ပွတ်) တေ။ (၀ါးလုံး)
(ဖျက်) ကေ (ပျက်) တေ။ (လူ)
(ဖျောင်) ကေ (ပျောင်) ရေ။ (ဗူး) ^^^
(ဖျစ်) ကေ (ပျစ်) တေ။ (ကြမ်းပိုး)
(ဖျို) ကေ (ပျို) ရေ။ (သံ)
(ဖျော့) ကေ (ပျော့) ရေ။ (ဖယောင်း) (ဖယောင်း မီးနှင့်ဖျော့ ပျော့နီယင့်။)
(ဖျော်) ကေ (ပျော်) ရေ။ (သကြား)
(ဖျောက်) ကေ (ပျောက်) တေ။ (ကိုယ်ရောင်)
(ဖျောင်း) ကေ (ပျောင်း) ရေ။ (ကျမန်း)

(ဖြီ) ကေ (ပြီ) ရေ။ (ကြိုး)
(ဖြဲ) ကေ (ပြဲ) ရေ။ (အနာ)
(ဖြို) ကေ (ပြို) ရေ။ (တောင်)
(ဖြန့်) ကေ (ပြန့်) ရေ။ (အတောင်) ***
(ဖြုတ်) ကေ (ပြုတ်) တေ။ (ရာထူး)
(ဖြုန်း) ကေ (ပြုန်း) ရေ။ (အစိုင်)
(ဖြောင့်) ကေ (ပြောင့်) ရေ။ (ကြိမ်)
(ဖြည့်) ကေ (ပြည့်) ရေ။ (ရီ) (ရီကို (ဖြည့်) ကေ (ပြည့်) ရေ။) (မဖွတ်ဘဲဖြူ မဖြည့်ဘဲပြည့်) (အုန်းသီး)။
(ဖြတ်) ကေ (ပြတ်) တေ။ (ဓါး)

(မ)

( မွှိ ) ကေ ( မွိ ) ရေ။ (ဂျင်)
(မျှိုး) ကေ (မျိုး) ရေ။ (၀ါးဖောင်)
(မြှင့်) ကေ (မြင့်) ရေ။ (အဆင့်)
(မြှုတ်) ကေ (မြုတ်) တေ။ (သမ္ပာန်)
(မြှောက်) ကေ (မြောက်) တေ။ (လူဗိန်း)

(န)

(နှဲ့) ကေ (နဲ့) ရေ။ (ခါး) *** (ကစွာမှာ ခါးကို (နှဲ့) ထားစွာချေ (နဲ့) နီယင့်။)
(နှုး) ကေ (နူး) ရေ။ (ထမင်းခြောက်) (ထမင်းခြောက်ကို ရီနန့် (နှုး) ကေ (နူး) ရေ။)
( နွှာ ) ကေ ( နွာ ) ရေ။ (အခွံ) (အခွံ (နွာ) အောင် ( နွှာ ) ပစ်လိုက်။)
(နှိုး) ကေ (နိုး) ရေ။ (အချေ)
(နှုတ်) ကေ (နုတ်) တေ။ (အမွှီး) (ငှက်မွှီး (နှုတ်) ပစ်လိုက်၊ (နုတ်) လီပါတ်စီ။)
(နှစ်) ကေ (နစ်) တေ။ (ခဲ)
(နှပ်) ကေ (နပ်) တေ။ (ထမင်း)
(နှိပ်) ကေ (နိပ်) တေ။ (နံ)
(နှိမ့်) ကေ (နိမ့်) ရေ။ (ကြမ်း) ***
( နွှီး ) ကေ ( နွီး ) ရေ။ (ရီအိုး) *** (ရီအိုးကို (နွီး) အောင် ( နွှီး ) ထား။)
(နှောက်) ကေ (နောက်) တေ။ (သောက်ရီ) (သောက်ရီကို (နောက်) အောင် (မနှောက်) ကဲ့။)

(ယ)

(ယှင်း) ကေ (ကျင်း) ရေ။ (အမှိုက်)

(ရ)

(ရွှင့်) ကေ (လွင့်) ရေ။ (စပါး) *** (လီထလို့ စပါး ( ရွှင့်) ကေ စပါးဖျင်းတိ (လွင့်) လားလိမ့်မေ။)

(လ)

(လှူး) ကေ (လူး) ရေ။ (လောင်း)
(လှဲ) ကေ (လဲ) ရေ။ (အပင်)
(လွှဲ) ကေ (လွဲ) ရေ။ (ယိုင်း)
(လွှတ်) ကေ (လွတ်) တေ။ (ခွီး) ***
(လွှင့်) ကေ (ရွင့်) ရေ။ (ရွက်) *** (ရွက် (လွှင့်) ကေ (ရွင့်) ရေ။)
(လှည့်) ကေ (လည့်) ရေ။ (အဂေါင်း)
(လှပ်) ကေ (လပ်) တေ။ (တောင်း)
(လှန်) ကေ (လန်) ရေ။ (ဖျာ)
(လှန့်) ကေ (လန့်) ရေ။ (ငကြောက်)
(လှောက်) ကေ (လောက်) တေ။ (အပို) (ဆန်စကေ အပို (လှောက်) ထည့်လိုက်။ မဟုတ်ကေ (လောက်) ဖို့မဟုတ်။)

(စုစုပေါင်း ရခိုင် (ကြောင်းကျိုးပြကြိယာ) ဝေါဟာရစကားလုံး (၇၇) လုံးရထားပြီးဖြစ်ပါသည်။ ထပ်မံ လှောက်ထည့်ဖြည့်စွက်ရန်လည်း တောင်းပန်အပ်သည်။)

*** ပြထားသည်များမှာ ကိုကျော်ဖြိုးဝေဖြည့်စွက်ချက်များဖြစ်သည်။
^^^ ကိုယ်တော် Eindaobatha ပို့တင်ထားခြင်းဖြစ်သည်။


(ရက္ခိရို့ဆုံရပ်မြီဘလော့မှ)

ရေးသားတင်ပြသူ Arakan Indobhasa အချိန် 3:00 AM

Read more »

(ဗြီး) (ပြီး) (ဂတ်)(ကတ်) (ဗျာယ် ) ( ပျာယ်)(တေ) (ရေ) (ရခိုင်သဒ္ဒါ)

(ဗြီး) (ပြီး) (ဂတ်)(ကတ်) (ဗျာယ် ) ( ပျာယ်)(တေ) (ရေ) (ရခိုင်သဒ္ဒါ)
--------------------------------------------------------------------
ရခိုင်စာမှာ ဗျည်းသုံးဆယ့်သုံးလုံးကို စနစ်တကျ ဖွဲ့စည်းထားခြင်းဖြစ်ပါသည်။

(ဥပမာ)

(၁) က၊ ခ၊ ဂ၊ ဃ၊ င
(၂) စ၊ ဆ၊ ဇ၊ စ်၊ ည
(၃) တ၊ ထ၊ ဒ၊ ဓ၊ န
(၄) ပ၊ ဖ၊ ဗ၊ ဘ၊ မ
(၅) ယ၊ ရ၊ လ၊ ၀၊ သ

ဆိုသောဖွဲ့စည်းမှုတွင် ပထမအတန်း၌ အစအဆုံး (က) နှင့် (င)၊ ဒုတိယအတန်း၌ အစအဆုံး (စ) နှင့် (ည)၊ တတိယအတန်း အစအဆုံး (တ) နှင့် (န) စတုတအတန်း အစအဆုံး (ပ) နှင့် (မ) ပဉ္စမအတန်း အစအဆုံး (ယ) နှင့် (သ) စာလုံးများသည် အသတ်စာလုံးများဖြစ်ပါသည်။

ဥပမာ- (ကြက်၊ ချောင်း၊ ချစ်၊ ပြည်၊ တတ်၊ ကန်၊ ချပ်၊ လမ်း) ဟု တွိရပါလိမ့်မည်။

ပိုယှင်းအောင် (က၊ စ၊ တ၊ ပ) ကို အကျွန်ုပ် (ရှိတန်းအသတ်) ဟု သုံးပြီး (င၊ ည၊ န၊ မ) ကို (နောက်တန်းအသတ်) ဟု သုံးပါမည်။

(သောက်ပြီး စားပြီးပျာယ်လား) ၀ါကျကိုလေ့လာကြည့်ကတ်ပါမည်။ ပဇာဖြစ်လို့ (သောက်) နောက်က (ပြီး) ဟု အသံထွက်ပြီး (စား) နောက်က (ဗြီး) ဟု အသံထွက်ရပါသနည်း။

(အဖြေက)

(က၊ စ၊ တ၊ ပ) (ရှိတန်းအသတ်) နောက်ကပါလာသော (ပြီး) ကို မူရင်းအတိုင်း (ပြီး) ဟု အသံထွက်ပြီး (င၊ ည၊ န၊ မ) (နောက်တန်းအသတ်) နောက်ကပါလာသော် (ပြီး) ကို (ဗြီး) ဟု အသံထွက်ပါသည်။

ပဇာဖြစ်လို့လဲဆိုသော် (က၊ စ၊ တ၊ ပ) (ရှိတန်းအသတ်) များသည် သံတိုသံပြတ်ဖြစ်ပါသည်။ (င၊ ည၊ န၊ မ) (နောက်တန်းအသတ်) များသည် သံရှည်သံပွားပါသည်။

(က၊ စ၊ တ၊ ပ) သံတိုသံပြတ်အသတ်သည် သုံးသံမပွားပါ။ (င၊ ည၊ န၊ မ) သံရှည်သံပွားအသတ်သည် သုံးသံပွားပါသည်။

(ဥပမာ)

(ကြက်၊ ကြက့်၊ ကြက်း) (ချစ်၊ ချစ့်၊ ချစ်း) (တတ်၊ တတ့်၊ တတ်း) (ချပ်၊ ချပ့်၊ ချပ်း) ဟု သုံးသံပွား၍ မရပါ၊ သို့သော် (င၊ ည၊ န၊ မ) (နောက်တန်းအသတ်) (ချောင်၊ ချောင့်၊ ချောင်း) (ပြည်၊ ပြည့်၊ ပြည့်) (ကန်၊ ကန့်၊ ကန်း) (လမ်၊ လမ့်၊ လမ်း) များသည် သုံးသံပွား၍ရပါသည်။

(သုံးသံပွား၍မရသော) သံတိုသံပြတ် အသတ်များနောက်ကပါလာသော (ပြီး) သည် မူရင်းအတိုင်း (ပြီး) ဟု အသံထွက်ပြီး (သုံးသံပွား၍ရသော) သံရှည်သံပွားအသတ်၊ (သို့မဟုတ်) (အ၊ အိ၊ အု၊ အေ၊ အဲ၊ သြ၊ အံ၊ အို) သရသျှစ်လုံးနှင့် ယင်း၏မူပွားများနောက်ကပါလာသော (ပြီး) သည် (ဗြီး) ဟု အသံပြောင်းထွက်ပါသည်။

ဥပမာ။ (သတ်ပြီး ခွတ်ပြီး သုတ်သင်ဗြီးလို့ စားဗြီး) လားခဗျာယ်။

(သတ်) နှင့် (ခွတ်) သည် သံတိုသံပြတ်အသတ်ဖြစ်သည့်အတွက် (ပြီး) ဟု မူရင်းအတိုင်းအသံထွက်ပြီး (သင်) သည် သံရှည်သံပွား (စား) သည်သရဖြစ်သည့်အတွက် (ဗြီး) ဟု အသံပြောင်းထွက်ပါသည်။

ထို့ကြောင့် စာရွီးသောအခါ အသံထွက်ကိုလိုက်၍ တနီရာတွင် (ပြီး) တခြားတနီရာတွင် (ဗြီး) ဟု ရွီး၍မဖြစ်ပါ။

(၅) (ယ၊ ရ၊ လ၊ ၀၊ သ) အတန်းရာ ချွင်းချက်ဖြစ်ပါသည်။ ပဇာကြောင့်ဆိုသော် (ယ) သည် သံရှည်သံပွားအသတ်ဖြစ်သောကြောင့်ဖြစ်ပါသည်။

အထက်ကပြခသည့် ဥပမာပိုင် (ကတ်) နှင့် (ဂတ်) (ပျာယ်) နှင့် (ဗျာယ်) ပြဿနာကိုလည်း ထိုနည်းအတိုင်း ယှင်း၍ဖြစ်ပါသည်။

(က၊ စ၊ တ၊ ပ) သံတိုသံပြတ် (ရှိတန်းအသတ်) များနောက်ကပါလာသော (ကတ်) ကို (ကတ်)၊ (ပျာယ်) ကို (ပျာယ်) ဟု မူရင်းအတိုင်းအသံထွက်ပြီး (င၊ ည၊ န၊ မ) သံရှည်သံပွား (နောက်တန်းအသတ်) နှင့် (အ အိ အု အေ အဲ သြ အံ အို) သရသျှစ်လုံးနှင့် ယင်း၏မူပွားနောက်ကပါလာသော (ကတ်) ကို (ဂတ်)၊ (ပျာယ်) ကို (ဗျာယ်) ဟု အသံပြောင်းထွက်ပါသည်။

(ဥပမာ)

(စားဂတ် သောက်ကတ်ပါ)

(စား) သည် သရဖြစ်သည့်အတွက် (ဂတ်) ဟု အသံထွက်ပြီး (သောက်) သည် သံတိုသံပြတ် ဖြစ်သည့်အတွက် (သောက်) နောက်ကပါလာသော (ကတ်) ကို မူရင်းအသံထွက်အတိုင်း (ကတ်) ဟု အမှန်အသံထွက်ပါသည်။

ထို့ကြောင့် စာရွီးသောအခါ ပင်ရင်း (က) အက္ခရာကိုပုံသီထားပြီး (စားကတ် သောက်ကတ်ပါ) ဟု ရွီးရခြင်းဖြစ်ပါသည်။ တနီရာတွင် (ကတ်) နောက်တနီရာတွင် (ဂတ်) ဟု စာရွီးသောအခါ အသံထွက်ကိုလိုက်၍ ရွီး၍မဖြစ်။

ထိုနည်း၎င်း (စားဗျာယ် သောက်ပျာယ် အိပ်နီဂတ်ပျာယ်) ဆိုသောစကားတွင်လည်း (စား) သည် သရဖြစ်၍ (ဗျာယ်) ဟု အသံထွက်ပြီး (သောက်) သည် သံတိုသံပြတ်ဖြစ်သည့်အတွက် (ပျာယ်) ဟု မူရင်းအတိုင်း အသံထွက်ရခြင်းဖြစ်ပါသည်။

(အိပ်နီကတ်ပျာယ်) ဟူသော စကားတွင် (နီ) သည် သရဖြစ်၍ နီနောက်ကပါလာသော (ကတ်) ကို (ဂတ်) ဟု အသံပြောင်းထွက်ပါသည်။

(ကတ်) သည် သံတိုသံပြတ်ဖြစ်သည့်အတွက် (ကတ်) နောက်က (ပျာယ်) သည် မူရင်းအတိုင်း (ပျာယ်) ဟု အသံထွက်ရခြင်းဖြစ်ပါသည်။

ထို့ကြောင့် စာရွီးသောအခါ

(စားပျာယ် သောက်ပျာယ် အိပ်နီကတ်ပျာယ်) ဟု ပင်ရင်းအက္ခရာများနှင့် ရွီးရခြင်းဖြစ်ပါသည်။

ဖတ်သောအခါ (စားဗျာယ် သောက်ပျာယ် အိပ်နီဂတ်ပျာယ်) ဟု အသံထွက်လားပါလိမ့်မည်။ (အသံထွက်အတိုင်းလိုက်ရွီးနီလျှင် မသင့်တော်ပါ။)

(ကတ်) အရွီးအသားနှင့်ပတ်သက်၍ ဓည၀တီနိဂုံးရွာများသာမိုင်းသာခြင်းမှ ဥပမာပြရပါသော်

(၁) (မချွတ်ဧကန်၊ လူများစွာ၏၊ ကျမ္မာမှုကို၊ ပြုကတ်ပြန်ဟု) ဆိုသော ၀ါကျ၌ (ကတ်) သည် (ဂတ်) ဟု အသံထွက်ပါသည်။ ပဇာကြောင့်ဆိုသော် (ကတ်) ရှိက (ပြု) သည် သရဖြစ်သောကြောင့်ဖြစ်ပါသည်။

(၂) (အများခင်မှာ၊ နားဆင်လတ်ကေ၊ မှတ်ကတ်ပေနှောင်း) ဆိုသောဝါကျ၌ (ကတ်) သည် (ကတ်) ဟု မူရင်းအတိုင်း အသံထွက်ပါသည်။ ပဇာကြောင့်ဆိုသော (ကတ်) ရှိက (မှတ်) သည် သံတိုသံပြတ်ဖြစ်သောကြောင့်ဖြစ်ပါသည်။

(၃) (ဆီးမရသော်၊ အစာများနှင့်၊ ကုစားကတ်ပါ) ဆိုသည့်ဝါကျ၌ (ကတ်) သည် (ဂတ်) ဟု အသံထွက်ပါသည်။ (ကတ်) ရှိက (စား) သည် သရဖြစ်သောကြောင့်ဖြစ်ပါသည်။

(၄) (မျိုးရခိုင်ရို့၊ စိုင်မပြတ်လျှင်၊ သင်ကတ်ပေ၍) ဆိုသောနီရာတွင်လည်း (ကတ်) သည် (ဂတ်) ဟု အသံထွက်ပါသည်။ (ကတ်) ရှိက (သင်) သည် သံရှည်သံပွားဖြစ်သောကြောင့်ဖြစ်ပါသည်။

ယလောက်ဆိုလျှင် (ဂတ်) ပြဿနာနှင့်ပတ်သက်၍ လုံလောက်မည်ဟုထင်ပါသည်။

စာရွီးသောအခါ (ကတ်) ဟု ပင်ရင်းသံဖြင့် ရွီးကတ်ရမည်ဖြစ်ပါသည်။ (ဂတ်) ဟု မရွီးအပ်ပါ။

(နောက်တခု သိရန်တချက်မှာ)

ရခိုင်စကားတွင် စကားပြောသောအခါ ရိုးရိုးဝါကျများ၌ (တေ) သို့မဟုတ် (ရေ) နှင့် အဆုံးသတ်သည်ကို သတိပြုမိပါလိမ့်မည်။

ဥပဒေသက အထက်ကပြခသည့်အတိုင်း သံတိုသံပြတ်အသတ်နှင့်ဆုံးသောဝါကျသည် (တေ) နှင့်ဆုံးပြီးလျှင် သံရှည်သံပွားအသတ် (သို့မဟုတ်) သရသျှစ်လုံး၊ ယင်း၏မူပွားများနှင့် ဆုံးသောဝါကျများသည် (ရေ) နှင့် အဆုံးသတ်ပါသည်။

(ဥပမာ)
ဓည၀တီနိဂုံးရွာများသမိုင်းသာခြင်း (တတိယပိုင်း) မှ (ရေ) နှင့်ဆုံးသော ၀ါကျများကို တင်ပြပါမည်။

(၁) ကိုးပါးဂုဏ်ကို၊ အာရုံမှတ်လို့၊ ခိုးအပ်ပါရေ။
(၂) စိတ်ဘ၀င်မှာ၊ ထင်အောင်ပွားကေ၊ ထားသင့်ပေရေ။
(၃) လက်ဆယ်ဖြာကို၊ ထိပ်မှာမိုးကေ၊ ရှိခိုးကောင်းရေ။
(၄) ဘ၀ကွယ်၍၊ သင်္ချေခြားလည်း၊ ဖော်စားနိုင်ရေ။
(၅) ရုပ်နှင့်နာမ်လျှင်၊ ဖန်ဖန်ထပ်လို့၊ ဖြစ်တတ်ပါရေ။
(၆) မလွဲရန်ကေ၊ နည်းမှန်ကျဖို့၊ ပြောရရေနှောင်း။
(၇) ယုံကြည်လက်ခံ၊ သက်ဝင်သူရို့၊ အယူမှတ်ကေ၊ ဟိကတ်ပြန်ရေ။
(၈) ကြီးမြင့်ချမ်းသာ၊ အလီလီကေ၊ စည်းစိမ်မြတ်ကို၊ ရအပ်ပါရေ။
(၉) စောဗုဒ္ဓာက၊ မြွက်ခါကြားကေ၊ ဟောထားရေလေ။
(၁၀) အယူမှန်ကို၊ တဖန်လိုက်လို့၊ လုပ်ထိုက်ပေရေ။
(၁၁) ကျမ္မာမှုသည်၊ မှန်မချွတ်ကေ၊ ဖြစ်တတ်ပေရေ။
(၁၂) ရှိဟောင်းပီစာ၊ မြဒိုးဝေ၏၊ ရွီးသည့်ကျမ်းမှာ၊ ညွှန်းလို့ပါရေ။
(၁၃) ရှည်ဝီးကြာတင်၊ ရှိဆရာရို့၊ သညာထားကေ၊ ငှက်ဖျားတွင်ရေ။
(၁၄) သိန်းသောင်းချီ၍၊ ခြင်ရွီများမှာ၊ ငါးမျိုးတွိရေ။
(၁၅) ကျမ္မာသူလေ၊ လူတယောက်ကို၊ ကိုက်ဖောက်သောခါ၊ ငှက်ဖျားနာလျှင်၊ ဖြစ်တတ်ပါရေ။
(၁၆) ရှိသူမွန်ရို့၊ ကျမ်းဂန်များမှာ၊ ညွှန်းထားရေလေး။
(၁၇) ရှည်လျှားကာလ၊ မပျက်နိုင်ဘဲ၊ စိုင်မပြတ်ကေ၊ သိမှတ်ရရေ။
(၁၈) ကောင်းမွန်စိတ်ကေ၊ စာရိတ္တနှင့်၊ ပြည့်ဝညီစွာ၊ ကြီးတသွယ်လေ၊ ငယ်အလတ်ရို့၊ လုပ်အပ်ပါရေ။
(၁၉) မွီးဖဘုန်းမို၊ နန်းမညိုက၊ အလိုစမ်းကြ၊ ပမာဆိုကေ၊ ထိုအခဏ်းနှင့်၊ တူလွန်းလှရေ။
(၂၀) ဆီးကွမ်းယာကို၊ လှမ်းကာစားကေ၊ ရပ်နားရေလေး။
(၂၁) နောက်နောင်လာကေ၊ ပညာဟိရို့၊ တွိသောခါတွင်၊ ပြန်ကာဖာထီး၊ ပြုပျင်ရန်ကို၊ ကျွန်ခွင့်ပီးရေ။

စုစုပေါင်း (၂၁) ကြောင်းကို တွိရပါသည်။

(တေ) ကို သုံးသော ၀ါကျများကို ထုတ်ပြရလျှင်

(၁) ကမ္ဘာပြင်ကို၊ အသျှင်မြတ်မှာ၊ စိုးလတ်တေဟု၊
(၂) ယင်ကြောင့်သာလျှင်၊ ရောဂါညှက်မှာ၊ ကူးစက်တေနှောင်း။
(၃) လူသားအန္တရာယ်၊ ခြင်ကိုက်မူလျှင်၊ အပူများ၍၊ ဖျားတတ်တေဇု၊
(၄) ကျားထက်ပင်လေ၊ ခြင်ရန်ဖီးမှာ၊ ကြီးလတ်တေဟု၊
(၅) အနည်းငယ်လျှင်၊ သံခေပဖြင့်၊ ပြောပြလိုက်တေ။
(၆) အမှိုက်ပုံနှင့်၊ တောခြုံများလည်း၊ ခြင်ပွားတတ်တေ။
(၇) တခြားပြည်ရွာ၊ လူများစွာ၏၊ ဘာသာစကား၊ အက္ခရာနှင့်၊ ပညာများပါ၊ သင်ကြားအပ်တေ။

စုစုပေါင်း (၇) ကြောင်းကို တွိရပါသည်။

သုံးသပ်ရမည်ဆိုပါသော် (ရေ) နှင့်ဆုံးသော ၀ါကျများမှာ (ရေ) ရှိကပါလာသော (၁) ပါ (၂) ပေ (၃) ကောင်း (၄) နိုင် (၅) ပါ (၆) ရ (၇) ပြန် (၈) ပါ (၉) ထား (၁၀) ပေ (၁၁) ပေ (၁၂) ပါ (၁၃) တွင် (၁၄) တွိ (၁၅) ပါ (၁၆) ထား (၁၇) ရ (၁၈) ပါ (၁၉) လှ (၂၀) နား (၂၁) ပီး ဆိုသောစကားလုံးများကို သတိထားမိပါလိမ့်မည်။

(ပါ၊ ပေ၊ ရ၊ ပါ၊ ထား၊ တွိ၊ လှ၊ နား၊ ပီး) ဆိုသောစကားလုံးများသည် သရဖြစ်ပြီး (ကောင်း၊ နိုင်၊ ပြန်၊ တွင်) ဆိုသောစကားလုံးများသည် သံရှည်သံပွားအသတ်များဖြစ်သည့်အတွက် ၄င်းဝါကျများသည် (ရေ) နှင့် အဆုံးသတ်ရခြင်းဖြစ်ပါသည်။

(တေ) နှင့်ဆုံးသော ၀ါကျများတွင် (တေ) ရှိကပါလာသော

ဝါကျ (၁) လတ် (၂) စက် (၃) တတ် (၄) လတ် (၅) လိုက် (၆) တတ် (၇) အပ် ဆိုသော စကားလုံးများကို တွိရပါလိမ့်မည်။

(လတ်၊ စက်၊ တတ်၊ လိုက်၊ အပ်) ဆိုသောစကားလုံးများသည် သံတိုသံပြတ်ဖြစ်သည့်အတွက် ၄င်းဝါကျများသည် (တေ) နှင့် အဆုံးသတ်ရခြင်းဖြစ်ပါသည်။

ဇာဖြစ်လို့ (တေ) နှင့် (ရေ) မှာ (တေ) အသုံးနည်းရေလဲဆိုပါသော် (တေ) သည် သံတိုသံပြတ်နောက်တွင် သုံးသဖြင့် ဦးရေတွက်စစ်သော် သံတိုသံပြတ်အသတ်သည် သံရှည်သံပွားကဲ့သို့ သုံးသံပွားမရသဖြင့် ဦးရေသုံးဆနည်းရခြင်းဖြစ်ပါသည်။

နောက်တချက်က (ရေ) ကို သရစာလုံးနောက်က တွဲသုံးသည့်အတွက် (ရေ) မှာ (တေ) ထက် ဦးရေပိုများခြင်းဖြစ်ပါသည်။

ယင်းလောက်ဆိုလျှင် ရခိုင်စာတွင် (ပြီး) (ကတ်) (ပျာယ်) (တေ) (ရေ) ဆိုသောအသုံးများကို ယှင်းပြီးဖြစ်ပါလိမ့်မည်။

(ဂတ်၊ ဗျာယ်) လက်တွိကြုံနီရသောပြဿနာ (နှစ်ပါး) ကိုလည်း ဖြေယှင်ပြီးဖြစ်ပါလိမ့်မည်။

(အဖိုးသျှင်)


(ရက္ခိတရို့ဆုံရပ်မြီဘလော့မှ)

ရေးသားတင်ပြသူ Arakan Indobhasa အချိန် 3:57 AM

Read more »

ရခိုင်စာအရီးအသား တစ်ရပ်ပေါ်ပေါက်ရေးအတွက် ရခိုင်ပါတီ ဆွေးနွေး

ရခိုင်သူ/သား တစ်ရပ်လုံးသို့ ပီးပို့လိုက်ပါယင့်

ကျွန်တော်ရို့ ရခိုင်တိုင်းရင်းသားများ တိုးတက်ရေးပါတီ မှ ကမကထ လုပ်ပြီး
ရခိုင်စာအရီးအသား တစ်ရပ်ပေါ်ပေါက်ရေးအတွက် ဆွေးနွေးထားချက် များကို တခြား
ရခိုင်သူ/သား များလည်း ပါဝင်ပူးပေါင်းပြီး ဆွေးနွေးပီးနိုင်ရန်
ပီးပို့လိုက်ပါရယ်။

အခုပို့ပီးရယ် စာတန်းတိကို ဖတ်ပြီးကေ အားလုံးလက်ခံနိုင်သော ရခိုင်စာ
အရီးအသား တစ်ရပ်ပေါ်ပေါက်အောင် ဆွေးနွေး အကြံပြုပီးကတ်ပါလို့ နိုးဆော်
တိုက်တွန်းလိုက်ရပါရယ်။

ရခိုင်စာ အရီးအသား တစ်ရပ်ပေါ်ပေါက်ရေး ကော်မတီ
ရခိုင်တိုင်းရင်းသားများတိုးတက်

ရေးပါတီ
စစ်တွေမြို့

ရေးသားတင်ပြသူ ညိုသာထွန်း အချိန် 11:15 AM


 

Read more »

မြို့တော်လခြမ်းမြီ

ကျားဆိုးကြီးတစ်ကောင်၊ သားကောင်တစ်ကောင် ဖမ်းအုပ်၊ မလွတ်တမ်းကိုက်စား၊ ညဉ့်လည်း ကြွတ်ကြွတ်။ နိန်လည်းကြွတ်ကြွတ်မွား။ ဇာအချန်ကပင် ဖမ်းစားထားစွာလေ့မသိ။ အေအကြောင်းနန့်ပတ်သက်ပြီးကေ ဇာလူကလေ့ ရေရာစွာသိနိုင်လိမ့်မေမဟုတ်ထင့်ယင့်လေ။
သို့သော်….မျက်လုံးကိုဖွင့်ကြည့်လိုက်ချိန်မှာတော့ မိမိ၏ မဟူရာတောင်ထက်မှာ ဗျိုင်းကောင်တိတစ်ချို့ လာအိပ်နိန်ကတ်ယာ။ မို့အိအိ လယ်ကွင်းထဲမှာ မြီကွဲတိ ဖြာယာကွဲလို့။

လိုက်ဖမ်းထားရေ ကျားဆိုးကြီးလက်ထဲက သားကောင်၏ပုံပန်းက အထိုက်အလျောက် ပျက်နီယာ။ အချိန် မှန်မှန် တွန်တတ်တေ ခြီထောက်ရှည်ရှည်နန့် ကြက်ဖကြီး၏ အသံကိုတမ်းတ။ အမွှီး၊ အတောင် မစုံလင် သိရေ ကြက်ဖသျှေကလေ့ မတွန်တတ်သိ။
အက္ခရာမဲ့ ဂဏန်းပိုင်ကားနီရာမှာ ၆က-တိ၊ ၇က-တိကိုပါ တွိလာရ။ ခြာချဉ်အုံကို တုတ်နန့်ထိုးရေပိုင် တပြုတ်ပြုတ်၊ တရွရွနန့် ဆိုက်ကားတိ ယှုပ်ယှက်ခတ်။

လမ်းမကြီးထက်မှာ ဂန္တ၀င်အိမ်တိပျောက်၊ မော်ဒန်အိမ်တိရောက်၊ အချို့ကတော့ မော်ဒန်အိမ်ကို ဂန္တ၀င်ပုံစံ ဆောက်။
ဒူနာလမ်းတိရေ ရေစီးထဲမှာမျောပါလား။ အောက်ခံကျောက်တုံးတိက သရဲသဘက်ပိုင် ပြူးပြဲခြိမ်းခြောက်။ အချို့နီရာမှာ လမ်းသစ်ထပ်တိုးလာ။

‘ဟိုတယ်’လတ်။
‘တည်းခိုခန်း’လတ်။
‘ဧည့်ရိပ်မွန်’လတ်။

ဈီးကွက်စီးပွါးရေးနန့် အတူပေါ်လာရေ စကားလုံးတိ။ အသိုက်အမြုံတိ။



‘အ-ထ-က(၁) ’အယင့် အယင့်ကတော့ ‘ဂါမန်း’။ ယင်းတက်စာ စာလုံးအသစ်တိ တစ်လုံးပြီးတစ်လုံး ပြောင်းလို့ ပြောင်းလို့ လာလတ်စွာ ကြည့်….

‘ဒေသကောလိကပ်’လတ်။

ယင်းပြီးနောက် အဂုတစ်ကိမ်တော့ အန္တိမအဆင့် ရောက်လာယာထင်ယင့်။

‘……တက္ကသိုလ်’

ပြောင်းလဲလာမှုတိ။ အမှတ်အတေးပြုမိမှုတိ။

အယင့်အယင့်ကဆိုကေ ဆန်စက်တိ တဂြုန်းဂြုန်း လည်ပတ်သံ။ ဖွဲပြာတိ တဖြုတ်ဖြုတ်လွင့်ပျံ့။ ဖြုတ်ဆန်နံ့တိက ပွင့်အန် အဂုတော့ ယင်းယှင့်တိကွယ်ပ။

တစ်ခါတစ်ရီ အလိုက်သင့်ကေ ပိုက်ဆိုက်ကရွင့်လာရေ အနံ့တိကြောင့် နှာခေါင်းကို ပိတ်ဆို့ခရစွာလည်း အမှတ်သတိပြုမိတုန်း။ အဂုအခါမှာတော့ ဒုံနာလမ်းမထက်မှာ ပလာတူးတိ ထလန်းကား။ ဂဏန်းတိ ဆောင်းဒူထဲက ထွက်ပျာ ရက်ချန်ဖျားတတ်တဲ့သူ။ ရောက်ရာရပ်ကွက်ကို နားမလည်နိုင်စွာကြည့်။ ပုစွန်တိက ရီးပုံးထဲမှာအိပ်ကာ လီယာဉ်ပျံစီးဖို့စောင့်ဆိုင်း။

လမ်းမထက်က ဈီးသည်မဗန်းခံမှာ ‘ငါးကမ္မဌာန်း’ ကောင်တိ ခေါင်းတစ်လုံးနန့် အရိုးသတ်သတ်။ အလယ်ကောင်က အသားကို အသူက စားလား…? ဖျံနှစ်ကောင် ရန်ဖြစ်တေ ၀တ္တုကို အသျှေက သင်ရရေ။ ခဲဝါက လူပါးဝပြီးကေ ၀မ်းပျဉ်းသားကို ယူပနာ ထွက်ပြီးလားစွာ။

အဂု….ခဲဝါယူလားစွာလား…?

ထိုအိမ်၊ ဒေအိမ်၊ ဆိုင်ကြီး၊ ဆိုင်သျှေ မြင်မြင်သမျှမှာ ခဲဝါပုံ။ မဟုတ်သိကား။ မျက်မှန်တပ်မှ ၊ စိစိကြည့်ခါမှရာ။ ခဲဝါမဟုတ်။

Tiger ကျား၊ ကျား…၊ကျား…..။ အိမ်တိုင်းလိုလိုကျား။ ဆိုင်တိုင်းလိုလိုကျား။ ကရ၀ိတ်ဖေါင်စီးနီရေကျား။
ငါးအလယ်သားကိုစားစွာ၊ ခဲဝါမဟုတ်စွာသေချာပေါက်။ ကျားစားစွာရာဖြစ်လိမ့်မေဟန်။ ဒေအတိုင်းဆိုကေ မလွယ်သိ။ တောကကျား လူကြားထဲဝင်လာကေ မလွယ်သိ။

သမ္မုဒ္ဓေ၊ အဋ္ဌ၀ီသဉ္စ…သဉ္စ။ မလုံလောက်သိ။ ဥုံ…ကိုပါထည့် ပီးမှထင်ရေကား။ ဥုံကိုလည်း ရင်သံနန့်ရွတ်ရဖို့။ ယေမှ…။ ယေမှ…။
ဥုံ…သမ္မုဒ္ဓေ အဋ္ဌ၀ီသဉ္စ ဒွဒသဉ္စ
ဥုံ... ဣတိပိသော ဘဂ၀ါ
ဥုံ... ဣတိပိသောအရဟံ
ဥုံ… အဋ္ဌနမေတံ၊ ဥုံ…ဥုံ

ရွတ်ကတ်၊ ဖတ်ကတ်။ ယဿနုဘာဝတောယက္ခ။

ပရိတ်ကြီး(၁၁) သုတ်ပါထည့်ကတ်လူရို့။

အိမ်း…သိယာ။ အမြောင်အမြင် ဟိရေ လူကြီးလူကောင်းတိ ဟိစွာရာမလားယေ။ ယေနန့်ထင်ရရေလေ။ ရပ်ကွက်တိုင်းမှာ

ပဋ္ဌာန်းရွတ်ပွဲနန့် ဗုဒ္ဓပူဇနိယ ဓမ္မသဘင်ကျင်းပကတ်စွာ။ ဟုတ်နိုင်ယင့်။
သို့သော်ရွက်ဖတ်ရုံနန့်မပြီးသိ။ တရားရုံးနန့်မပြီးသိ။ ကျားကအများကြီး။ တစ်ကောင်မဟုတ်။ အကျိုင်ပြတ်။ ယေနန့် တရားဆိုစွာရွတ်ဖတ်၊ နာကြားရုံမဟုတ်။ ကျင့်ကြံအားထုတ်ပါမှ။

ကျားစာမဖြစ်အောင် ကျင့်တတ်မှ။ ကျင့်- ဆိုစွာ အလေ့အထ။ အလေ့အထကို သီလလို့ခေါ်ရေလတ်။ သီလဟိမှ။ အထက်က ကိုယ်ရုံတံဘက်တင်ရုံ၊ လက်မှာ စိတ်ပုတီပတ်ရုံနန့်မရ။ ကိုယ်ရုံတင်စွာက အပြင်ပန်း။ ပုတီ ပတ်စာက ဟန်ပြ။ အကယောင်းက ကိုယ့်ဘာသာကိုယ် ထိန်းသိမ်းဖို့။

ထော….။
ပန်လင်ရွက်ခတ်သံနန့် ရောပြီးကေ အသံတစ်သံ။ နားထောင်…။
“အမျိုးသီလ နှစ်ဌာနကို …
ပြည့်ဝမဏ္ဍိုင်စောင့်စွမ်းနိုင်ရေ”လတ်။
ဟုတ်ပါယင့်။ အရှင်နာဂိန္ဒမော်ကွန်းလတ်ယေ။ ဆုံးအောင်မရထင်ယင့်။
က။….အမျိုး
ခ။…..သီလ

ကျားမစားရအောင်စောင့်မှ….
ကြည့်စမ်ချက်။ ဒေမှာတစ်တိုင်သား။
ကြွပ်ကြွပ်အိပ်ချေတိကိုင်လို့။ အသူရောင်။
လခြမ်းအရောင်က မှိန်မှိန်ပျပျသျှေ။ ကာဆီးထားရေ ကျောက်စိမ်းတံတိုင်းကို ထုခွဲပနာ ရုန်းထွက်လာရေ လခြမ်းရေ ဖန်သားကြမ်းပြင်ကို ငုံ့ကြည့်လို့။ ပျော့တော့အလင်းရောင်အောက်မှာ….
ဘီယာဖရာကလား……?
အီသီယိုပီးယားကလား….?
မိုင်ပေါင်းများစွာ ၀ီးရေနီရာတိက တိုင်းသားမဟုတ်နိုင်။ သူရို့မှာ အကောင်မပါ။ ခြီထောက်မပါ။
မင်းမသူရောင်….?
‘လမ်းခြ’ ကလူသား ဟုတ်လား…..? လမ်းခြဆိုစွာကဇာ?

ဈီးကွက်စီးပွါးရေးအာကာသယာဉ်ကို စီးလို့လာစွာ လတ်ယေ။ ၀မ်းချပူသျှေနန့် နံရိုးတိ ကြဲလို့။ ခေါင်းတစ်လုံးရာ အကြီးသန်။ ငါးကမဌာန်းရုပ်နန့် အတူတူယာထော နုံး နုံး/ နုံး။

သူလက်ထိပ်မှာ ကပ်နီရေ ထမင်းစိသျှေတိကို လျှာနန့်လျှက်ကာ လျှက်ကာ။

အယင်က သူရို့တိကို မမြင်ဖူး၊ မတွိဖူး၊ အဂုတွိမြင်လာရရေ လခြမ်းမြီက ဂြိုလ်သားချေတိ။
သူရို့မှာ ကျောင်းစိမ်းခယောက်/ ထဗီမဟိ။
သင်ပုန်းမဟိ၊ ကျောက်တံမဟိ။
လွယ်အိတ်မဟိ။ အဟိ….အဟိ…အဟိ

ဇာဟိဖို့လဲလေ။ သူကေ ဒေကလူကမဟုတ်။ လခြမ်းမြီကလူ။ လ,ကလာရေလူ။ သူ့ဝတ်စုံရေ၊ ဒေကလူဝတ်စုံနန့်မတူနိုင်။ ဒေကစွာတိ၊ ဒေကယဉ်ကျေးမှုရေ သူ့အတွက်အသုံးမ၀င်။

လွယ်အိတ်တက်စား ကြွပ်ကြွပ်အိပ်ရေ အရီးအကြီးဆုံး။ သူ့မှာ သင်ပုန်းမလို ကျောက်တံမလို။ မလို….မလို။
လခြမ်းသျှေရီချိုးမဆက်ခင်မှာ သူ့ရို့ကြွပ်ကြွပ်အိပ်ထဲကို တစ်စုံတစ်ရာ ရောက်လာဖို့ကိုလို ရီပြနိန်ယင့်။

သို့သော်….
သူ့ရို့၏ချစ်ခြင်းကို ဇာလူကတာဝန်ယူဖို့။
ဇာလူက အာမခံနိုင်ဖို့….။

ဝါကြီးတစ်ယောက်က သူ့နီရာက မဆုတ်ချင် ဆုတ်ချင်နန့်ဆုတ်။
ကလေသျှေတစ်ယောက်က သရူးပြီးလာနိန်ချိန်။ ကြက်ဦးတွန်သံကို ကြားရ။

ထိုမှ…..ထော!
မိုးသောက်ထကြယ် ရှုးလို့။
နက်ဖြန်ဇာရက်လဲယှင့်။

မိုက်ခရိုဝေ့ဗ်တိုင်မှာတော့ ငွိရဲဖြီးခုံးတစ်လက် ညှပ်လို့။ ပန်လင် ရွက်ခတ်သံနန့် ပါလာရေ လီညင်းထဲမှာ ဆားအငွိ့နှောရေ သဇင်ရနံ့။ ဟိင့်….မဟုတ်ကာ။ သဇင်ကလေ သဇင်စစ်မဟုတ်ယာ။ ဂျိုင်းနိစ်တိစ်နည်းနန့် မျိုးပွါးသဇင်။ ရနံ့က ရီမွှီးမျိုးစုံရနံ့။
နက်ဖြန်ခါ ကြွပ်ကြွပ်အိတ်ကိုင် လူသားသျှေတိရေ ရီမွှီးရနံ့ပါရေ သဇင်ရနံ့သစ်ကို ယှူယှိုက်ခွင့်လိုင်စင်ဟိ..မဟိ။ ကွန်ပျူတာထဲထည့်ပနာ
မီးကြည့်ကတ်မေ။

အဖြေဇာယှောင်လဲလို့ သိရအောင်လေ။

ပန်းအောင်

မူရင်း။ ။ လခြမ်းမြီမဂ္ဂဇိန်း၊ အမှတ် ၂၊ စာ ၉၇၊ ၁၉၉၉ ခုနှစ်၊ ရခိုင်သားကြီးစာပီ၊ အမှတ် ၅၅/ခ၊ ကျွန်းရွှေဝါလမ်း၊ ဘုရင့်နောင်ပွဲရုံတန်း၊ ရန်ကုန်

Read more »

ရခိုင်ကဗျာပြဿနာ

ဝေေ၀ (စစ်တွေ)

သတ္တ၀ါတိုင်းမှာ ပြင်ပအာရုံထိတွိမှုကို တုန့်ပြန်ရေ စနစ်ဟိရေ။ လူမှာပိုလာစွာက အဆင့်မြင့်တုန့်ပြန်မှု စံနစ်ဖြစ် တေ ဘာသာစကားပါ၊ ဘာသာစကားရေ လူသားတိကြားမှာ ဆယ်သွယ်ရေး ကြိယာဖြစ်တေ၊ အသိအမြင် ဖလှယ်ပီးရေ ကြိယာဖြစ်တေ။ ဘာသာစကားဆိုစွာ လူ့အဖွဲ့အစည်းတစ်ခုမှာ သမိုင်းအရ ကောင်းအရေးပါရေ။ လူမှုပုံသဏ္ဍာန်တစ်ခုအဖြစ် လှုပ်ယှားပြောင်းလဲနီရေ။ ပြောစွာကိုမှတ်ဖို့ လိုအပ်တေလို့ သိမြင်လာရေ သမိုင်း တစ်ကွေ့မှာ စာအရီးအသားစပါရေ။ အပြောနန့်အရီး ဇာသူယင်လေ ယှင်းနီစွာပါရာ။

သမိုင်းမှာလူမျိုးတိအဖြစ် စုစည်းလာကတ်တေစွာမှာ ဘာသာစကားလေ့ အခြီခံတစ်ချက်ပါရေ။ ယင်းဘာသာ စကားနန့် အမျိုးသားစာပီ ဖွံ့ဖြိုးလာရေ။ ယင်းစာပီက ဘာသာစကားကိုတစ်ဖန် ဖွံ့ဖြိုးကျယ်ပြန့်စီရေ။

စာပီကိစ္စမှာ ကဗျာအကြောင်းကို အဓိကပြောပါမေ။ ကဗျာဆိုစွာ ဘာသာစကား၏ အညွန့်အဖူးဖြစ်တေလို့ စာပီပညာသျှင်ရို့က ဆိုကတ်တေ။ “စာပီအနုပညာမှာ အမြင့်ဆုံးပုံသဏ္ဍာန်ရေ ကဗျာဖြစ်တေ”လို့ ဂျာမန်ဒဿန ပညာသျှင်ကြီး “ကန့်”က ပြောခရေ။ ကဗျာကိစ္စဆိုစွာ ဘာသာစကားကိစ္စဖြစ်တေ။ ရခိုင်စာပီဖွံ့ဖြိုးတိုးတက်ရေး အတွက် ရခိုင်ကဗျာရေ ကောင်းကောင်းအရေးကြီးရေ အခန်းကဏ္ဍက ပါဝင်နီရေ။ ပြဿနာက ရခိုင်ကဗျာဆိုစွာ ဇာလေ၊ ဇာယှင့်ကို ရခိုင်ကဗျာလို့ ခေါ်ကတ်ဖို့လေး။ ဂန္ဓ၀င် ရခိုင်ကဗျာက ယှင်းပါရေ။ အေနိ့မျက်မှောက်ကာလ မှာ ရခိုင်ကဗျာဆိုစွာ ဇာကဗျာတိကို ပြောစွာလဲလို့ မိန်းဖို့ကျဖို့ယေ။ ကျွန်တော်ရို့မှာ တင်ပြဖို့အသင့်ဟိနီရပါဖို့။

“အမျေလေ ရောက်မလေ
မှိုဟင်းးလေ့ခူး စူးလေ့စူး
အစူးလေးထွင် နီလေးဝင်
အိမ်ကိုလေးရောက် မိုးလေးသောက်”
“ငရုပ်သီး နားမှာပန်
နံနက်ရွက်ကို တို့လို့စား
စားကောင်းယင့်လား အောင်ကျော်ဇံ
အုံး ….. အာမခံ”
“ဘုရားလက်ဆောင် များမြောင်ဆီမီး
မုလေးပွားကေ ကုက္ကားထီးနန့်
တံခွန်ဒက်စွန် ကြက်လျှာလိပ်လက်
ပြာသာဒ်တင်ဗျယ်၊ ဆွမ်းတော်ကပ်လို့” အေယှင့်တိရေ ရခိုင်ကဗျာတိဖြစ်တေ။



ရခိုင်ကျွန်းသား တောသား တောင်သားတိရွက်ဆိုရေ ရခိုင်ကဗျာတိပါ။ အေကဗျာတိမှာ ထူးခြားချက်ကဇာလေ၊ ရခိုင်တိ နိစဉ်ပြောဆိုနီရေ ဘာသာစကားကို ဒါရိုက်သုံးထားစွာဖြစ်တေ။ ကာရန်ပါချင်ပါ မပါချင်နီ။ ရခိုင်လီ ရခိုင် အပြောနရီ သုံးထားစွာကို တွိရရေ။

“မှိုဟင်းခူးရန် သွားကြမည်”
“စားကောင်းသလား အောင်ကျော်ဇံ” လို့ စာစကားနန့် မရီးပါ။ အေနိ ရခိုင်မှာ ရီးနီကတ်သိရေ ကဗျာတစ်ချို့။ ရခိုင်အပြောဘာသာစကား မသုံးရေ ကဗျာတိ။ ယင်းကဗျာတိ အတတ်ပညာကောင်းကေ နောက်အနှစ် တစ်ဆယ် နှစ်ဆယ်မှာ ရခိုင်ကဗျာ ရခိုင်ကဗျာ ရခိုင်စာရင်းမှာပါဟိဖို့ မဟုတ်ပါ။ ပါဖို့ဆိုကေ ဗမာကဗျာ အန်သော်လော်ဂျီ (Anthalogy) ထဲကိုရာ ရောက်လီပါဖို့။

ရခိုင်ဘာသာစကား၊ ရခိုင်စာပီကို စိတ်ဝင်စားရေ နိုင်ငံခြားသား ဘာသာဗေဒ ပါမောက္ခတစ်ယောက် ရခိုင်သား ကဗျာဆရာတစ်ယောက်ကို မျက်မှောက်ရခိုင်ကဗျာတိ လိုချင်ရေ၊ အသံဖမ်းယူလားဖို့ တောင်းရေ။ ကျွန်တော်ရို့ က ပီးလိုက်ပါဗျယ် ကဗျာတိ။ ယင်းယှင့်ထဲမှာ အေနိရခိုင်သားတိ မသုံး၊ မပြောရေ ဝေါဟာရတိ၊ နောက်ဆက် ပစ္စည်းတိ ပါနီရေ။ ကဗျာလီကလေး ရခိုင်လီမဟုတ်။ ယင်းပိုင်ဆိုကေ ဗမာကဗျာကို ရခိုင်သံနန့်ဆိုစွာရာ ဖြစ်ပါဖို့။ ရခိုင်ကဗျာဖြစ်မလာပါ။

အေယှင့် ရခိုင်ကဗျာမဟုတ်ပါလို့ဆိုကေ အကျွန်ရို့ ဘဇောင်ခံစားရပါဖို့လေး။ သူက ဘာသာဗေဒ ပညာသျှင်အနီ နန့်ပြောစွာဖြစ်လို့ ၀မ်းနည်းပတ်လက်ဖြစ်ရဖို့။ ယေကေလေ့ ငြင်းလို့ကားမရပါ။ ကိုယ်ရို့ကိုယ်တိုင်က ကိုယ့် ဘာသာစကားကို တန်ဖိုးမထားလို့ မသုံးလို့ဖြစ်တေ ကိစ္စ။ ကိုယ်ပိုင်စာပီသမိုင်းလမ်းကို ကိုယ်ရို့မမြင်စွာ သူ့ကို ကျေးဇူးတောင် တင်ရဖို့သီး။

ယင်းအတွက်နန့် အေနိရခိုင်ကဗျာကို ဇာပိုင်ဖန်တီးကတ်ဖို့လေး အဓိကအကျဆုံး အချက်က ရခိုင်ဘာသာ စကားကို သုံးရဖို့ဖြစ်တေ။ ရခိုင်ဘာသာစကားဆိုစွာရေ အေနိ ရခိုင်တိပြောနီရေ ဘာသာစကားပင်ဖြစ်တေ။

အေနိကဗျာ Trend မှာ အဓိကထူးခြားချက်က ဇာလေးဆိုကေ အမျိုးသား ကဗျာတိုင်းရေ အပြောနရီဘက်ကို တစ်ဖြည်းဖြည်း ပါးပါလတ်တေ၊ ကပ်ပါလတ်တေဆိုစွာနန့် မဆိုင်ပါ။ နိုင်ငံတကာမှာ ပွဲပြတ်လားပါဗျယ်။ အပြောနန့် အရီးစွာ ကဗျာမှာ ထပ်တူကျလားပါဗျယ်။ ဗမာကဗျာတိမှာလေ့ အပြောနရီ အပြောစကားပါ။

အပြောနရီဆိုစွာ ဇာလေ၊ လူထုသုံးဘာသာစကားကို ရည်ညွှန်းစွာဖြစ်ပါရေ။ လူထုသုံးဘာသာစကားနန့် ရီးရဖို့ ဖြစ်ပါရေ။ ရခိုင်တိပြောရေ ရီးရေ နိစဉ်သုံးဘာသာစကားနန့် ကဗျာရီးရပါဖို့။

အေနိ ရီးနီကတ်တေ ရခိုင်ကဗျာဆိုစွာတိမှာ မျက်မှောက်ခေတ် ရခိုင်စကားမဟုတ်တေစွာတိ အများကြီးတွိနီရ ရေ။ ရခိုင်စကားထဲမှာ မဟိရေ “သည်၊ ၌၊ တွင်၊ ၏၊ သော” တိမကန် မကန်ဆိုစွာကို ကဗျာတိမှာ စိတ်ပျက် ကောင်းထမန်း တွိနီရရေ။ အေယှင့်တိ ရခိုင်စကားမှာ မဟိပါ။ မဟိရေစွာတိကို ဇာဖြစ်လို့ ထည့်သုံးနီကတ်လေ၊ အဂေါင့်ဟိနီစွာတိကို ဇာဖြစ်လို့ မသုံးဝံ့ကတ်လေး။

ရခိုင်ကဗျာ ဖွံ့ဖြိုးဖို့အတွက်၊ ရခိုင်စကား ဖွံ့ဖြိုးဖို့အတွက် ရခိုင်ကဗျာဆရာတိ ရခိုင်ပိုင်ရီးဖို့ လိုအပ်တေ။ ဘာသာ စကားတစ်ခုမှာဟိရေ အညွန့်အဖူးအလှချေတိကို ထည့်သုံးဖော်ထုတ်ဖို့ နီရာရေ ကဗျာဖြစ်တေ။

“ကျွီး” ဆိုရေ စကားတစ်လုံး၊ ရခိုင်သားကိုယ်ပိုင်၊ ကောင်းလှရေ၊ သံရှည်ဖြစ်တေ။ စူးယှရေ သဘောကိုဆောင် ရေ။ “ကျွီးရေလူ ဝေဒနာ” ကလေ့ ယင်းပိုင်ပါဗျယ်။ ကျွန်တော်ရို့ ပြောနီကတ်၊ ကြားနီကတ်ရရေ စကားတစ်လုံး၊ ရခိုင်ကဗျာစာပီမှာ မတွိရကေ စာထက်ပီထက် တင်ဖို့အလုပ်ကို ဇာသူရို့လုပ်ကတ်ဖို့လေး။ စာပီသမား ကဗျာ ဆရာတိ လုပ်ကတ်ရဖို့ပ။ ဘာသာဗေဒသမားက မှတ်တမ်းတင်၊ ဘာသာစကားလုံး ကျောက်ရိုင်းလုံးချေတိကို သွီးရေအလုပ်၊ ပန်းပင်ချေတိပျိုးပနာ ပွင့်အောင် လုပ်ဖို့အလုပ်။ ကဗျာဆရာမှာ ဘာသာစကားနန့် ပတ်သတ်ပြီး ကေ ယင်းတာဝန်ဟိပါရေ။ အေယှင့်ကို ရခိုင်သမိုင်းဆရာ မလုပ်နိုင်။ သူ့အလုပ်မဟုတ်ပါ။ ယေအတွက်နန့် ရခိုင်စာပီရှင်သန်ရေးမှာ ကဗျာဆရာအခန်းကဏ္ဍကို လျော့တွက်လို့မရပါ။

အပြောနရီဆုံကေ အဆန်းပိုင်ဖြစ်နီပါဖို့၊ အပြောနရီကို ဗမာဆရာတိထက် စောပြီးကေ အယင်ဆုံးသုံးခရေ ရခိုင်ကဗျာဆရာရေ ဥက္ကာပျံဖြစ်ပါတေ။ ၁၂ ရာသီရတုမှာ အပြောနရီ ကောင်းကောင်းတွိနိုင်ပါရေ။
တံပိုးသံကြား ၍၊ ကြက်များသောထွန်၊ မောင်ကမလာ၊ လိပ်ပြာပူးလာဟန်သို့ (ကဆုန်)
နှင်းလည်းတ၀ီဝီနှင့်၊ ၀ီရပ်မြီဟိမ၀န္တာ၊ လီညှင်းလာခါ၊ မေလွမ်းရာကို၊ မောင်တော်မသိ (၀ါကျွတ်)
မောင့်ကြောင့်မကြံသာတည်း၊ နီထိုင်သော် မပျော်ပိုက်၊ ထမင်းရီစာ မ၀င်ပါ၊ ပူဆာသွီး လီဖြတ်၍ (တန်ဆောင်မုန်း)
ဥက္ကာပျံ အပြောနရီသုံးခရေ၊ နိုင်ငံတကာမှာ အပြောနရီ၊ ဗမာမှာလေ့ အပြောနရီ၊ ကျွန်တော်ရို့ကကျကေ ကိုယ်မပြောရေ စကားနန့်ရီးနီကတ်တေ။

ကဗျာဆိုစွာ ဘာသာစကား အညွှန့်အဖူးပါ။ ဘာသာစကားထဲက အထိယှဆုံးစကားလုံးနန့် ခေတ်ပြိုင်ခံစားမှုတိ ပေါင်းပြီးကေ အမျိုးသားကဗျာကို ဖန်တီးရပါဖို့။ အေနိ ရခိုင်ကဗျာတိမှာ ဘာသာစကား အလှအညွှန့်တိကိုလေ့ မတွိရ။ ရခိုင်သားတိမပြောရေ ရခိုင်မဆန်ရေ ရခိုင်မဟုတ်တေ လီသံတိ ဝေါဟာရတိကို တွိနီရစွာ ရှက်ဖို့ ကောင်း၊ ရင်လီးဖို့ကောင်းရေ။

စာအုပ်ရှားသည့် သည်မြေမှာ
ဝါးတောတွေ ပိန်းပိန်းထပ်လို့
အဲဒီဝါးတွေကို စက္ကူလုပ်
အဲဒီစက္ကူတွေပေါ်မှာ
ငြိမ်းချမ်းလှပတဲ့ လေးမြို့သမိုင်းသစ်ကို
ဘယ်သူရေးပါ့မလဲ။ (မောင်ခိုင်အောင်)

ရခိုင်တန်ဆောင်မဂ္ဂဇိန်း အမှတ် (၁၈)မှာ ရှိဆုံးကပါရေ အဖွင့်ကဗျာ “လေးမြို့” ထဲက နောက်ဆုံးအပိုဒ်ဖြစ်တေ။ ရခိုင်ခံစားမှု ထက်မြတ်ကေလေ့ ရခိုင်ကဗျာမဟုတ်ပါ။ ၀မ်းနည်းမိပါယင့်။

ပြုပြင်ခွင့်လွှတ်၊ မပေါင်းစပ်က
မျိုးဇာတ်အမုန်း၊ မိုးသို့ချုန်းလျက်
ဆက်ထုံးမဖြေ၊ ဖြေလည်းမကျင်း
မြမလင်းက၊ မရှင်းကမ္ဘာမှောင်တော့မယ် (သျှင်အုန်း)
ရခိုင်မဂ္ဂဇိန်း အမှတ် (၁၈) မှာပါရေ အဖွင့်ကဗျာပါ။ ရခိုင်ကဗျာမဟုတ်ပါ။

ဝေသာလီတဲ့
နာမေကျော်ဟိုး၊ ရခိုင်မျိုး၏
မြတ်နိုးဖွယ်ရာ ရှေးမြို့တော် ……………….။ (မင်းနီခိုင် - မောင်တော)
ရခိုင်မဂ္ဂဇိန်း အမှတ် (၁၇) က အဖွင့်ကဗျာပါ။ ကဗျာမှာ “တဲ့” လေးပါ၊ “၏” လေးပါရေ။ စိတ်ညစ်မိပါယင့်။

ဂစ္ဆပနဒီ၊ မှုန်ရီမှိုင်းပြ
မြတ်အလှပေ၊ ကြည့်လေလှလေ
နှင်းမိုးဝေလျက်၊ တောင်ခြေတစ်ဝိုက်
ငှက်တစ်သိုက်လည်း၊ ၀ဲလိုက်ပျံလိုက်
တေးဆိုလိုက်နှင့်
သခင်ရင်မှာ မီတိဖြာဘိ
အမိရခိုင်မြေသာစွလေ။ (အနောက်သား - စစ်တွေ)
မုနိမြေမဂ္ဂဇိန်း အမှတ် (၂) ထဲက ကဗျာပါ။ လှပါယင့်၊ ယေကေလည်း ရခိုင်ကဗျာဖြစ်မလာပါ။ ရခိုင်လီမဟိပါ။ ခေတ်စမ်းနောက်ဆက်တွဲ ငွေတာရီ ငွေတာရီမဂ္ဂဇိန်းပါ ကဗျာပုံစံပါ။ စစ်တွေညိုသန့်ဆိုကေ ဒေပိုင်ကဗျာတိကို နုနုချေနန့် လှအောင်ရီးတတ်ပါယင့်။ ရခိုင်ကဗျာ မဟုတ်ပါကား။

ကြုံယက်ပင်း စိချေထုတ်ပြစွာပါရာ။ ရခိုင်ကဗျာလမ်းမှာ အားရဖို့ကောင်းစွာလေ့ ဟိပါရေ။ ရခိုင်တန်ဆောင်မှာ ရခိုင်ကဗျာ သက်သက်ပါလာစွာ၊ ရခိုင်သဟာယမဂ္ဂဇိန်း အမှတ် (၂) နန့် မြောက်ဦးမဂ္ဂဇိန်း အမှတ် (၁) မှာ ရခိုင် ကဗျာတိကို တလေတစားနန့် သီးသန့်နီရာပီးစွာက ၀မ်းသာအားရဖို့ ကောင်းပါရေ။ ကျွန်တော်ရို့ကတော့ ရခိုင် ကဗျာကို ဂုဏ်သိက္ခာဟိဟိ ခေတ်မှီမှီတစ်နီရာ ရစီချင်ပါရေ။

ကဗျာဆိုစွာ ဘာသာစကား အညွှန့်အဖူးဖြစ်တေအတွက် ကဗျာဆရာကောင်းတစ်ယောက်ဖြစ်ဖို့ ဘာသာစကား ကျွမ်းကျင်ရဖို့၊ အာရုံခံစားမှု ထက်မြတ်ရဖို့ဖြစ်တေ။ မြန်မာနိုင်ငံမှာ ထိပ်တန်းကဗျာဆရာကြီး မင်းသုဝဏ်ရေ ဘာသာဗေဒပညာသျှင်ပါ။ ဇော်ဂျီလေးယင်းပိုင်ပါဗျယ်။ သခင်ကိုယ်တော်မှိုင်းရေ ဘာသာဗေဒပညသျှင်မဟုတ် ယေကေလေ့ လူထုသုံးဘာသာစကားကို ကောင်းကောင်းကျွမ်းကျင်ရေ။ မြန်မာကဗျာ၊ မြန်မာစာပီဖွံ့ဖြိုးတိုးတက် မှုအတွက် သူရို့ ကြိုးပမ်းရေစွာတိကို လေ့လာတွိဟိရရေ။ မာယာကော့စကီးရေ ရုယှားဘာသာစကား အားကောာင်းချက်ကို လူထုသုံးအပြောနရီနန့်ပေါင်းပနာ ရုယှားကဗျာတစ်ခေတ်ကို တည်ထောင်ခရေ။

“ကဗျာဆိုစွာ ဘာသာစကား အနုပညာ။ အကောင်းဆုံး ဘာသာစကားရေ လက်ဟိဘ၀ကလာရေ။ အထိခိုက် နိုင်ဆုံး ဘာသာစကားရေ ဘ၀ကိုပီပြင်အောင် သရုပ်ဖော်ထားရေ ဘာသာစကားရာဖြစ်တေ။”

‘‘ခေတ်သုံ လူထုသုံးဘာသာစကားနန့် ပြောပါရွှီးပါ။ ကဗျာ ဘာသာစကားကို လူထုနားလည့်ရပါဖို့။”
`ကဗျာအကြောင်း`စာတမ်းမှာ ခေတ်သစ်တရုတ်ကဗျာ ခေါင်းဆောင် အိုက်ချင့်က ယင်းပိုင်ပြောထားရေ။ ကျွန်တော်ရို့ငြင်းဖို့ဟိပါဖို့လား။
ဝေါ့ဝှစ်တမင်းက “မြတ်ရွက်တိ” Leaves of Grass ကဗျာစာအုပ်နန့် စခရေ ခေတ်သစ် အမေရိကန်ကဗျာ ရီးစီးကြောင်းလေးသော့ ယင်းပိုင်ပါဗျာယ်။ လူထုဘာသာစကား၊ အပြောနရီအားကောင်း ထက်မြတ်တေ အာရုံခံစားမှု။
ယေတွက်နန့် ရခိုင်ကဗျာသမားတိရေ ရခိုင်ဘာသာစကားကို အသုံးကျွမ်းကျင်ဖို့ လိုပါရေ။ မိမိဘာသာစကားကို တတ်သိနားလည် ဖို့လိုပါရေ (ရခိုင်စကားပြောတတ်စွာကို ဆိုလိုစွာမဟုတ)

ရခိုင်ကဗျာဆိုစွာရခိုင်ဘာသာစကားနန့် ဖွဲ့စည်းထားရေ အတွက်မိမိဘာသာစကား မကျွမ်းကျင်ကေမိမိလူမျိုး ကဗျာဇာပိုင်ဖြစ်ပါဖို့လေးရခိုင်ဘာသာ စကားကိုစာရွက်ထက်ကွန်ပျူတာထက်တင့်ပြီးကေ ခန့်ခန့်ညားညား ပြောင်ပြောင်မြောင်မြောက်ရီးနိုင်ဖို့ လိုပါရေ။

ရခိုင်ကဗျာနန့် ပတ်သက်ပြီးကေ မြောင်ဦး၊ သဟာယ၊ ရခိုင်ညွန့်ဖူးရို့မှာ ထိုတပိုင်းဒေသပိုင်း ဖတ်ရရေ စာတမ်း တစ်စောင်တွိရရေ။ “နောင်အေး” ရီးရေ “ရခိုင်ကဗျာ ဖြစ်ပေါ်တိုးတက်မှု” စာတမ်းပါ။ စေတနာမှန်ရေ ဖွဲ့စည်းပုံ ကောင်းပါရေ။ ယှားယှားပါးပါး ထွက်လာရေ စာတမ်းပါ။ အရေးကြီးဆုံးတစ်ချက်က ပြဿနာပါ။ ရခိုင်ကဗျာလို့ သတ်မှတ်တေ ဘောင်ဖြစ်တေ။ ရခိုင်မဂ္ဂဇိန်းမှာပါရေ ကဗျာတိရေ ရခိုင်ကဗျာလို့ ဘောင်ခတ်မရပါ။ ဆိုကတ်ပါဖို့ ဗျယ်လို့ assume လုပ်လို့မရပါ။ “ရခိုင်ကဗျာ”ဆိုရေ အဓိပ္ပါယ်ဖွင့်ဆိုချက် ဟိပြီးသား၊ ဝေါဟာရတိကို လိုတိုးပို လျော့လုပ်လို့ မရပါ။ ဘာသာရပ်ဆိုင်ရာ ဝေါဟာရနယ်ပယ်ရေ သိပ္ပံနယ်ပယ်ပါ။ တိကျရပါရေ။

ရခိုင်မဂ္ဂဇိန်းမှာ ရခိုင်ကဗျာဟုတ်စွာလေးပါရေ၊ မဟုတ်စွာလေးပါရေ။ မဟုတ်စွာက များရေ။ ယင်းပိုင်ပါဗျယ် ရခိုင်တန်ဆောင်မှာလေ့သော့။ ကြားမှာပြောခရေ ရခိုင်တန်ဆောင် အမှတ် (၁၈) မှာ ပါဟိရေ မောင်ခိုင်အောင် ရီးရေ အဖွင့်ကဗျာ “လေးမြို့”ရေ အကြောင်းအရာ၊ အာရုံခံစားမှု၊ အတတ်ပညာပိုင်းမှာ တစ်ခုလေ့ ပြောစရာမဟိ ပါ။ သို့သော်လည်း ရခိုင်ကဗျာလို့ လုံးဝသတ်မှတ်ဖို့ မရ။

ရခိုင်ကထွက်တေ မဂ္ဂဇိန်းစာမျက်နှာတိမှာပါတိုင်း ရခိုင်ကဗျာလို့ မပြောနိုင်ရေပိုင်၊ ရခိုင်သားရီးတိုင်းလေး ရခိုင် ကဗျာလို့ မပြောနိုင်ပါ။ ရခိုင်မဂ္ဂဇိန်းမှာပါတိုင်း ရခိုင်ကဗျာလို့ပြောစွာရေ အမှားကြီးတစ်ခုပါရာ။ ရခိုင်ကဗျာ အဓိပ္ပါယ်ဖွင့်ဆိုချက် လွှဲမှားလာနိုင်ပါရေ။ ရခိုင်ဘာသာစကားကို မသုံး၊ ရခိုင်လီ၊ ရခိုင်အပြောနရီမပါကေ ရခိုင်ကဗျာ မဟုတ်ပါ။

ရခိုင်ကဗျာမှာ ပင်မနှလုံးအိမ်ရေ ရခိုင်ဘာသာစကားဖြစ်ပါရေ။ မျက်မှောက်ခေတ် ရခိုင်လူထုသုံး ဘာသာစကား၊ ယင်းဘာသာစကား အပြောနရီကို ကဗျာမှာ ဒါရိုက်သုံးမှရာ ရခိုင်ကဗျာဖြစ်ပါဖို့။ နောက်အချက်တိက အာရုံခံစား မှု၊ အလင်္ကာ၊ နိမိတ်ပုံကိစ္စတိပါ။ ကဗျာအတတ်ပညာကိစ္စပါ။

ရခိုင်ဂန္ဓ၀င်ကိုလေ့လာ၊ ရခိုင်ကျေးလက်ကဗျာတိကို လေ့လာ၊ ဗမာကဗျာ၊ နိုင်ငံတကာ ကဗျာတိကိုလေ့လာ၊ မုတ်ဆိုးစိုင်သင် အယူအဆနန့် ရခိုင်ကဗျာ ဂုဏ်သိက္ခာကို ကြီးမြင့်အောင် လုပ်လားရပါဖို့။ ချစ်ကေ ကြိုးစား ကတ်ပါမေ။

မူရင်း။ ။ ရခိုင်ညွှန့်ဖူး အမှတ် ၄၊ စာ ၁၂၁၊ ၁၉၉၇ စက်တင်ဘာလ၊ ရခိုင်သားကြီးစာပီ၊ ရန်ကုန်

Read more »

" လား " " လာ " ကိစ္စ (ရခိုင်သဒ္ဒါ)

" လား " " လာ " ကိစ္စ (ရခိုင်သဒ္ဒါ)

ရက္ခိုင့်ဘာသာစကားထဲမှာ သဒ္ဒါစကားလုံး သုံးမျိုး

အခုတင်ပြဖို့ ဖြစ်တေရခိုင့်သဒ္ဒါအမျိုးအစားရေရခိုင်ပြည်မြောက်ပိုင်းဘာသာစကားကိုအခြီခံပနာ တင်ပြထားစွာဖြစ်ပါရေ။ ယေနန့်တောင်ပိုင်းအသုံးအနှုံးတိနန့်အကွာအဝီးဟိပါရေ။ လိုအပ်စွာကို ဖြည့်ပီးကတ်ပါ။ရခိုင်ဘာသာစကားမှာ သဒ္ဒါစကားလုံးအမျိုးအစားကို ဘာသာဗေဒပညာသျှင်ရို့ 

က ( ၃ ) မျိုးရာဟိရေလို့ ရွီးသားကတ်ပါရေ။ ယင်းသုံးမျိုးမှာ -

၁။ နာမ်

၂။ ကြိယာ

၃။ ဝိဘတ် ဖြစ်ပါရေ။

နာမ်လို့ ဇာပိုင်သတ်မှတ်ကတ်ပါလဲဆိုစွာ ကြည့်ကတ်ပါမေ။ နာမ်ရေ ကြိယာထက် စကားလုံးဦး

ရေများပါရေ။ ဇာတွက်လဲဆိုကေ ရခိုင်ဝါကျတခုမှာ နာမ်ပုဒ်ဆိုစွာ မပါမဖြစ်ပါရပါရေ။ ယင်းပိုင်

ပါရေခါနာမ်ပုဒ်တိရေ ဝါကျတခုတည်းမှာ မကန်ပါနိုင်ပါရေ။ အကန့်အသတ်မဟိ ပါနိုင်ပါရေ။ ယေတာလည်း ကြိယာကျကေ တပုဒ်ရာပါစွာ တွိရပါရေ။ ယေနန့် နာမ်ပုဒ်ကများပြီးကေ ကြိ

ယာပုဒ်က နည်းခြင်းဖြစ်ပါရေ။

နာမ်

ကောင်းပါပျာယ်၊ ရက္ခိုင်စကားမှာ နာမ်ကို ဇာပိုင်သတ်မှတ်စစ်ဆီးပါဖို့လဲ။ တချက်ကြည့်ကတ်ပါမေ။

နာမ်လို့ သိရအောင် -

( က ) " .... လား၊ .... လား " ကွက်လပ်အစုံနန့်

( ခ ) " .... လာ၊ .... လား " ကွက်လပ်အစုံ

ကိုအသုံးပြုလို့ စီးစစ်ကြည့်ကေ၊ ယင်းကွက်လပ်မှာအစမ်းကိုအသုံးပြုလို့တနည်းဝင်ရောက်ဖြစ်တည်

နိုင်ကေ၊ အမီးဝါကျအစုံ ဖြစ်လားကေ နာမ်လို့ ဆိုနိုင်ပါရေ။

ရခိုင်စကားမှာ ...

(ဦး၊ ကြောင်၊ မြို့ ၊ ရွာ၊ ကျောင်း၊ အိမ်၊ အင်း၊ အိုင်၊ မီး၊ ရီ၊ လောင်း၊ သမ္ဗန်၊ ခြီထောက်၊ မျက်နှာ)

စသည် ... စသည် ...

( က )

ဦးလား၊ ကြောင်လား

မြို့လား၊ ရွာလား

ကျောင်းလား၊ အိမ်လား

အင်းလား၊ အိုင်လား

မီးလား၊ ရီလား

လောင်းလား၊ သမ္ဗန်လား

ခြီထောက်လား၊ မျက်နှာလား

ဆိုပြီးကေ တွိရပါရေ။ တခါက အထက်ကဖော်ပြရေ ကွက်လပ်အစုံကို ရှိနောက်ပြန်ကြည့်ကေ -

( ခ )

ကြောင်လာ၊ ဦးလား

ရွာလာ၊ မြို့ လား

အိမ်လာ၊ အင်းလား

ရီလာ၊ မီးလား

သမ္ဗန်လာ၊ လောင်းလား

မျက်နှာလာ၊ ခြီထောက်လား

ဆိုပြီးတွိရပါရေ။

အေမှာပြောစရာဟိစွာကတော့ " ... လာ " လို့ အမီးဝါကျကိုသုံးစွာ မြောက်ပိုင်းရခိုင်တိမှာရာ တွိ

ရပါရေ။ တောင်ပိုင်းရက္ခိုင်ဘာသာစကားမှာတော့ခါ ပုံစံ ( က ) ကွက်လပ်စုံကိုရာ တွိရပါရေ။

ပုံစံ ( ၂ ) ကွက်လပ်စုံကိုမတွိရပါ။

ကြိယာ

ကြိယာဆိုစွာ ရခိုင့်သဒ္ဒါစကားလုံးအမျိုးအစား ( ၃ ) မျိုးအနက် တခုဖြစ်ပါရေ။ ကြိယာကို နာမ်နန့်

ယှဉ်လို့ ဝါကျတည်ဆောက်မှုမှာ အသုံးခံရမှုကို အခြီခံပျာ သတ်မှတ်ပါရေ။

ရခိုင်စကားဟိ ကြိယာကိုသတ်မှတ်စီးစစ်တေအခါ ပုံစံကွက်တိကိုသုံးပနာ စမ်းသပ်နိုင်ပါရေ။အသုံး

ပြုရေကွက်လပ်မှာ " ... လာ၊ ... လား " ဖြစ်ပါရေ။ အစမ်းသပ်ခံစကားရေ ယင်းကွက်လပ်မှာဝင်

ရောက်ဖြစ်တည်နိုင်လို့ ဖြစ်လာရေစကားလုံး၊ အစီအစိုင်ကျရေ အမီးဝါကျ၊ အစမ်းသပ်ခံစကားလုံးကို ကြိယာလို့သတ်မှတ်နိုင်ပါရေ။

ရခိုင်စကား -

( က ) " စား၊ လား၊ ကြည့်၊ မြင်၊ စီး၊ နင်း "

( ခ ) " ချက်၊ ပြုတ်၊ တိုက်၊ ချွတ်၊ သတ်၊ ပုတ် "

( ဂ ) " သနား၊ ကြင်နာ၊ စော်ကား၊ ပုတ်ခတ် တိကို တွိနိုင်ပါရေ။

ကြိယာနောက်က အမီးဝါကျဝိဘတ် (လာ) ကိုသုံးရေပိုင်၊ (လား) ကိုလည်း သုံးစွာကိုတွိရပါရေ။

( က ) စားလာ၊ လားလာ၊ ကြည့်လာ၊ မြင်လာ၊ စီးလာ၊ နင်းလာ

( ခ ) ချက်လာ ၊ ပြုတ်လာ၊ တိုက်လာ၊ ချွတ်လာ၊ သတ်လာ၊ ပုတ်လာ။

( ဂ ) သနားလာ၊ ကြင်နာလာ၊ စော်ကားလာ၊ ပုတ်ခတ်လာ။

ဖော်ပြပါအမီးဝါကျမှာ (လာ) ရေ ကြိယာနောက်ဆက်ကျနီစွာကို တွိရပါဖို့။

အမှတ် ( က ) ကိုကြည့်ပါ။

(စားရေ၊ လားရေ၊ ကြည့်ရေ၊ မြင်ရေ) လို့ တွိရပါရေ။ ယင်းနောက်က အမီးဝါကျဝိဘတ် (လာ) ကို ထည့်ရေအခါ ကြိယာနောက်ဆက် (ရေ) ပျောက်လားပါရေ။

ထိုနည်းပါပျာ၊ အမှတ် ( ခ ) မှာ

(ချက်၊ ပြုတ်၊ တိုက်၊ ချွတ်၊ သတ်၊ ပုတ်) နောက်က အမီးဝါကျ ၀ိဘတ် (လာ) ကိုထည့်ရေအခါ

ကြိယာနောက်ဆက် (တေ) ပျောက်လားပါရေ။

အမှတ် ( ဂ )

(သနားရေ၊ကြင်နာရေ၊ စော်ကားရေ၊ပုတ်ခတ်တေ)ဆိုပြီးကေကြိယာနောက်ဆက် (ရေ၊ တေ) ပျောက်နီစွာကို တွိရပါရေ။

အကယ်၍ရာ ကြိယာနောက်ဆက်မကျပျောက်ဘဲ အမီးဝါကျလုပ်ကေ (လာ) ဆိုရေအမီးဝါကျဝိ

ဘတ်အစား (လား) ဆိုပြီးကေ ပြောင်းသုံးပါရေ။ ဥပမာ -

အမှတ်စဉ် ( က )

(စားလာ) အစား (စားရေလား)

(လားလာ) အစား (လားရေလား)

(ကြည့်လာ) အစား (ကြည့်ရေလား)

(မြင်လာ) အစား (မြင်ရေလား)

(စီးလာ) အစား (စီးရေလား)

(နင်းလာ) အစား (နင်းရေလား)

ဆိုပြီးကေ (လာ) ကနီ (လား) ကိုပြောင်းလားစွာ တွိရပါရေ။ အမှတ်စဉ် ( ခ ) မှာကျကေ ကြိယာ

နောက်ဆက် (တေ) က ကြိယာနောက်က ဝင်လာရေအခါ အမီးဝါကျဝိဘတ် (လာ) ကနီ (လား) ကိုပြောင်းလားပါရေ။

အမှတ်စဉ် ( ဂ ) မှာလည်း ၎င်းအတိုင်းပါရာ။ (ရေ) နန့်  (တေ) ဝင်လာကေ ကြိယာနောက်ဆက်

(လာ) ကနီ (လား) ပြောင်လားစွာ တွိရပါရေ။ ကြိယာနောက်ဆက်ကိုမဖြုတ်ဘဲနန့် အမီးဝါကျလုပ်

တေခါ အမီးဝါကျဝိဘတ်ရေ (လား) လို့ ပြောင်းလားရေသဘောဖြစ်ပါရေ။ (ရေ၊ တေ) ရို့ပိုင် (မေ၊

ဖို့) ကို ကြိယာနောက်ဆက်အဖြစ်သုံးနိုင်ပါရေ။ ယေနန့် ဖော်ပြပါ ( ... လာ၊ ... လား) ပုံစံကွက်

လပ်မှာထည့်သွင်းလို့ ဝင်ရောက်ဖြစ်တည်နိုင်ကေ (ကြိယာ) လို့ သတ်မှတ်နိုင်ပါရေ။

ဝိဘတ်

ရက္ခိုင်သဒ္ဒါမှာ (ဝိဘတ်) ကို (နာမ်) နန့် (ကြိယာ) ပိုင် ဖွဲ့စည်းပုံအရ အမျိုးအစားခွဲပြီး လေ့လာဖို့

မလိုလို့ ဆိုပါရေ။ ဇာတွက်လဲဆိုကေ (ဝိဘတ်) ဆိုစွာ ဧကဝဏ္ဏတိရာဖြစ်တေ။ ဝဏ္ဏတခုထက်ပို

ကေလည်း (ဝိဘတ်) တိရာဖြစ်ကတ်တေ။ ဝိဘတ်တွဲအတွင်းဟိ ဝိဘတ်တိကို နီရာပြောင်းလို့ ရ

စွာလည်းဟိ၊ မရစွာလည်းဟိပါရေ။ ယေနန့် ဝိဘတ်ကို (နာမ်၊ ကြိယာ) တိပိုင် ဖွဲ့စည်းပုံအရ

လေ့လာလို့မရကောင်းဆိုစွာ ဖြစ်ပါရေ။ ရခိုင်စကားမှာ (နာမ်) နန့် (ကြိယာ) မှအပ ကျန်စကား

လုံးတိနန့် (ရှိဆက်၊ ကြားဆက်၊ နောက်ဆက်) တိကို (ဝိဘတ်) လို့ သတ်မှတ်နိုင်ပါရေ။

(ဝိဘတ်) ဆိုစွာ သဒ္ဒါအနီနန့် အခြား (နာမ်၊ ကြိယာ) တိကို ကူပံ့ပီးရရေ စကားလုံးအမျိုးအစား

ရာဖြစ်တေ။ (နာမ်) နန့် (ကြိယာ) ပိုင် အပွင့်စကားလုံးမဟုတ်၊ အပိတ်စကားလုံးအမျိုးအစားတိ

ဖြစ်တေ။ အရွီအတွက်ပုံသီကားကျဖြစ်တေ။ ယေနန့် (နာမ်၊ ကြိယာ) ရို့၏ အရွီအတွက်ထက်

နည်းရေ။ ရခိုင်စကားမှာ (ဝိဘတ်) အမျိုးအစားက အကန့်အသတ်နန့်ရာဟိစွာ တွိရရေ။ ယေနန့်

(ဝိဘတ်) တခုချင်းကို သဒ္ဒါတာဝန်တခုစီနန့် သတ်မှတ်လို့မရ။ ဝိဘတ်တခုမှာ သဒ္ဒါတာဝန်တခု

ထက်ပိုပြီး ဟိနိုင်ပါရေ။ ယေနန့် ရခိုင်စကားမှာ (ဝိဘတ်) ကို သတ်မှတ်ရဖို့ဆိုကေ -

(ဝိဘတ်) ဆိုစွာ (နာမ်) ကိုဖြစ်စီ၊ (ကြိယာ) ကိုဖြစ်စီ သဒ္ဒါအရဆက်စပ်မှုမဟိဘဲ မိမိဘာသာသီး

ခြားလွတ်လပ်စွာမရပ်တည်နိုင်ရေစကားလုံးအမျိုးအစားရာဖြစ်တေ၊တနည်းပုဒ်ဖွဲ့ရာမှာဖြစ်စီ၊ ပုဒ်တိကိုပေါင်းစပ်လို့ ဝါကျဖွဲ့ရာမှာဖြစ်စီ သဒ္ဒါတာဝန်အရ ပါဝင်အသုံးခံရရေ စကားလုံးအမျိုးအ

စားရာဖြစ်တေဆိုပြီး သတ်မှတ်နိုင်ပါရေ။

ပုံစံပြရဖို့ဆိုကေ ရခိုင်စကားဟိ (နန့်၊ လို့၊ က၊ ကို၊ ရေ၊ တေ၊ မေ၊ ကြောင့်၊ စွာ၊ မှာ) အစဟိရေစ

ကားလုံးတိရေ (ဝိဘတ်) တိဖြစ်ကတ်တေ။ အေ (ဝိဘတ်) တိကို သဒ္ဒါတာဝန်အရခွဲကေ (ဝါကျ

ဖွဲ့ရာမှာဖြစ်စီ၊ ပုဒ်ဖွဲ့ရာမှာဖြစ်စီ၊ ဆက်စပ်ပီးရရေ စကားလုံးတိ) လို့ သတ်မှတ်နိုင်ပါရေ။

ယင်း (ဝိဘတ်) နန့်အတူ (ဝိဘတ်) လို့သတ်မှတ်ထားရေ (ရှိဆက်၊ ကြားဆက်၊ နောက်ဆက်) တိ

ကို စကားလုံးပွါးယူရာမှာ အဓိကအသုံးပြုရေ (ဝိဘတ်ကွဲ) များဖြစ်တေလို့ ယူမေဆိုကေ ယူနိုင်ပါရေ။

အသင်နှလုံးသွင်းပြီး လိုစွာဖြည့်၊ ပိုစွာဖြုတ်ကတ်ပါလို့။

ချမ်းမြိပါစီ ... ။

(အသျှင်ဇယန္တဗောဓိ)

ဝန်ခံချက်

မောင်ကိုလေး ( မဟာဝိဇ္ဇာ ) ၏ မြန်မာသဒ္ဒါ ( ဘာသာဗေဒလေ့လာချက် ) ပါရဂူဘွဲ့အတွက် တင်သွင်ရေကျမ်း ၂၀၀၃၊ မတ်လကို အမှီပြုပါရေ။

(Facebook ကတွိလို့ ကူးယူဖော်ပြပါရေ)

      ဝန်ခံချက် ။ ကျွန်တော်၏ ဘလော့ တွင်ဖော်ပြထားသောအကြောင်းအရာများသည် 

           ကျွန်တော်၏ ကိုင်ပိုင်စိတ်ကူး ကိုင်ပိုင်အိုင်တီ နဲ့ ဖန်တီးထားတာ မဟုတ်ပါကြောင်း ... 

                      ကျွန်တော်ရဲ့ ဘလော့ ဧည့်သည်များကိုအမြဲခင်မင်လျှက်ပါ။ 

                                          ကျေးဇူးတင်ပါတယ်

Read more »

(၁)  ရခိုင်ကဗျာနန့်အတွေးအခေါ်
(၂)  ရခိုင်ကာရန်များ
(၃)  ရခိုင်စတူပါကျောက်စေတီငယ်များ(မင်းပြားသိန်းဇံ)
(၄)  ရခိုင်စာဆိုတော်များ
(၅)  ရခိုင်စာလုံးပေါင်း
(၆)  ရခိုင်တန်ဆောင်ဆောင်းပါးများ(ဦးဦးသာထွန်း)
(၇)  ရခိုင်ဘာသာလမ်းညွှန်(အသျှင်စက္ကိန္ဒ)
(၈)  ရခိုင်မင်းသမီးဧချင်း(အဒူမင်းညို)
(၉)  ရခိုင်ရာဇ၀င်လင်္ကာ
(၁၀)ရခိုင်သုတ(ရခိုင်မဂ္ဂဇင်းဆောင်းပါးများ)
(၁၁)ရခိုင်ဘာသာစကားကိုသုတေသီတို့ယူဆချက်
(၁၂)ရခိုင်လျှောက်ထုံးများ
(၁၃)ရခိုင်ဇမ်းကဗျာများ
(၁၄)ရွက်နုပြန်ချိန်(ကဗျာ)
(၁၅)ဥပမာစုံရခိုင်စကားပုံ
(၁၆)ဦးမြ၀ါဒုံးယိမ်း
(၁၇)ရခိုင်စာပီအရီးအသားပြသာနာများ(မောင်ဗသိန်း)
(၁၈)ပြောလို့မကုန်ရခိုင်စကားပုံ
(၂၀)မြောက်ဦးခေတ်အလည်ရခိုင်စာပေ
(၂၁)လောကသာရဆုံးမစာ
(၂၂)လောကသာရအဖျား
 


           ဝန်ခံချက် ။ ကျွန်တော်၏ ဘလော့ တွင်ဖော်ပြထားသောအကြောင်းအရာများသည် 
             ကျွန်တော်၏ ကိုင်ပိုင်စိတ်ကူး ကိုင်ပိုင်အိုင်တီ နဲ့ ဖန်တီးထားတာ မဟုတ်ပါကြောင်း ...
                    ကျွန်တော်ရဲ့ ဘလော့ ဧည့်သည်များကိုအမြဲခင်မင်လျှက်ပါ။ 
                                          ကျေးဇူးတင်ပါတယ်

Read more »

မြန်မာ စကားပုံများ (က မှ အ ထိ)

က

၁. “ကြက်ကန်း ဆန်အိုးတိုး”
၂. “ကိုင်းကျွန်းမှီ ကျွန်းကိုင်းမှီ”
၃. “ကိုယ်ကကျူး ကိုယ့်ဒူးတောင်မယုံရ”
၎. “ကိုယ်ထင် ကုတင်ရွှေနန်း”
၅. “ကျွဲပါး စောင်းတီး”
၆. “ကတုံးပေါ် ထိပ်ကွက်”
၇. “ကျေးဇူးရှိမှ ကျေးစွပ်”
၈. “ကြမ်းကျွံရင် နှုတ်ရ..စကားကျွံရင် နှုတ်မရ”
၉. “ကျန်းမာခြင်းသည်..လဘ်တစ်ပါး”
၁၀. “ကြက်တူရွေးကတော်တော်...မယ်ဘော်က..ကဲ”
၁၁. “ကျူပင်ခုတ်..ကျူငုတ်ပါမကျန်”
၁၂. ကျားဆရာကြောင်...ကြောင်ဆရာကြွက်”
၁၃. “ကြွက်မနိုင်..ကျီမီးနဲ့ရှို့”
၁၄. “ကျီစားသန်က..ရန်များ၏”
၁၅. “က ရိုး မက ဆန်း၍က နှပ်ပစ်ခံရ”
၁၆. “ကျားကြောက်လို့...ရှင်ကြီးကိုး..ရှင်ကြီး.ကျားထက်ဆိုး”
၁၇. “ကံကိုယုံတော့..စုံလုံးကန်း”
၁၈. “ကျော်တော့..လှေသူကြီး...ညားတော့..လှေထိုးသား”
၁၉. “ကံကိုယုံပြီး...ဆူးပုံနင်း”
၂၀. “ကျားရှေ့...မှောက်ရက်လဲ”

၂၁. “ကြာကြာဝါးမှ..ခါးမှန်းသိ”
၂၂. “ကြာကြာဝါးမယ့်သွား...အရိုးကြည့်ရှောင်”
၂၃. “ကျားကြီး..ခြေရာကြီး”
၂၄. “ကံဆိုးမသွားရာ...မိုးလိုက်လို့ရွာ”
၂၅. “ကြွေတစ်လှည့်...ကြက်တစ်ခုန်”
၂၆. “ကြောင်သူတော်..ကြွက်သူခိုး”
၂၇. “ကျောသားကလည်းသား...ရင်သားကလည်းသား”
၂၈. “ကြွက်သေတစ်ခု....အရင်းပြု”
၂၉. “ကုသိုလ်တစ်ပဲ...ငရဲတစ်ပိဿာ”
၃၀. “ကုလားမနိုင်....ရခိုင်မဲ”
၃၁. “ကြောက်ရင်လာဘ်လွဲ...ရဲလျှင်မင်းဖြစ်”
၃၂. “ကွန်တစ်ချက်....ဟင်းတစ်ခွက်”
၃၃. “ကြောင်အိုတော့...ကြွက်မလေး”
၃၄. “ကြိုက်မရှက်...ငိုက်မရှက်”
၃၅. “ကျင်ကြီးစွန့်ရာ...ကျင်ငယ်ပါ”
၃၆. “ကြောင်ကဲ့သို့.ကျင့်လေ..ညောင်ကဲ့သို့..ကျင့်လေ”
၃၇. “ကောက်သော်..စားမလောက်...ဖြောင့်သော်..စားမနိုင်”
၃၈. “ကိုယ်ကောင်းရင်..ခေါင်းမရွေ့”
၃၉. “ကချင်ရက်...လက်ကျိုး”
၄၀. “ကံသာလျှင်အမိ..ကံသာလျှင်အဖ”
၄၁. “ကျည်ပွေ့ကောင်းလို့..ဆန်ဖြူ”
၄၂. “ကင်းခြေများ.ခြေတစ်ချောင်းကျိုး၍..အသွားမပျက်”
၄၃. “ကျားရဲလည်းသေ...တောလည်းကျေ”
၄၄. “ကြက်မ.တွန်လို့..မိုးမလင်း”
၄၅. “ကိုယ့်ဂုဏ်ကိုယ်ဖော်..မသူတော်ခုနစ်ပါး”
၄၆. “ကွမ်းသီးကြိုက်...တောင်ငူပို့”
၄၇. “ကိုယ့်ဒူး..ကိုယ်ချွန်”
၄၈. “ကြီးလျှင်မှီ..ငယ်လျှင်ချီ”
၄၉. “ကဆုန်.နယုန်..စွေ့စွေ့ခုန်”
၅၀. “ကျေးဇူးမတင်...-င်လှန်ပြ”
၅၁. “ကြပ်ပူထိုးလေ ရောင်လေ”
၅၂. “ကြက်မတွန်၍ မိုးမလင်း၊ ကြက်ဖတွန်မှ မိုးလင်းသည်”
၅၃. “ကိုယ်ဖြစ်.ကိုယ်ခံ”
၅၄. “ကုလားသိုက်...ကျားဝင်ကိုက်”
၅၅. “ကျီးကြည့်...ကြောင်ကြည့်”
၅၆. “ကြက်ကြော်မကြိုက်တဲ့....လူမိုက်”
၅၇. “ကြောင်မရှိ....ကြွက်ထ”
၅၈. “ကလေးကျမှ.လှေခါးထောင်....ရန်သူပြန်မှ..ဒူးလေးပြင်”
၅၉. “ကြိုက်မရှက်....ငိုက်မရှက်...ငတ်မရှက်”
၆၀. “ကြိုးကြာဆို....ဘာငှက်လဲမေး”
၆၁. “ကံကောင်းရင် တစ်ချက်....ကံမကောင်းရင် တစ်သက်”
၆၂. “ကံသည် အလုပ်....အလုပ်သည် ကံ”
၆၃. “ကုန်းပေါ်ရောက်မှ....ရေမမွန်းစေနှင့်”
၆၄. “ကိစ္စများမြောင်....လူတို့ဘောင်”

ခ

၁. “ခင်ရာဆွေမျိုး မြိန်ရာဟင်းကောင်း”
၂. “ခွေးလေးရောဝင် ပါးလျက်နားလျက်”
၃. “ခေါင်းတစ်လုံးနဲ့..အိုးနှစ်လုံးမရွက်နိုင်”
၎. “ချွေးထွက်များမှ...သွေးထွက်နည်းမည်”
၅. “ခလုတ်ထိမှ...အမိတ”
၆. “ခုစာကလေးကြော်...ခုဆီထမင်း”
၇. “ခွေးမြီးကောက်....ကျည်တောက်စွပ်”
၈. “ချစ်ခြင်းအစ...မျက်စိက”
၉. “ချက်ဆို...နားခွက်က...မီးတောက်”
၁၀. “ခဲလေသမျှ......သဲရေကျ”
၁၁. “ခရုခါးတောင်းကျိုက်ဖမ်း”
၁၂. “ခါချဉ်ကောင်မာန်ကြီးလို့..တောင်ကြီးဖြိုမယ်ကြံ...ခါးကမသန်”
၁၃. “ချောင်းကိုပစ်၍...မြစ်ကိုရှာ”
၁၄. “ခိုးစားတော့ခွေးဟောင်...လယ်လုပ်တော့မိုးခေါင်”
၁၅. “ခဲတစ်လုံးနဲ့...ငှက်နှစ်ကောင်ပစ်”
၁၆. “ချစ်စကိုရှည်စေ..မုန်းစကိုတိုစေ”
၁၇. “ချစ်တိုင်းလည်းမညား...ညားတိုင်းလည်းမချစ်”
၁၈. “ချဉ်ချဉ်တူးတူး...မူးပြီးရော”
၁၉. “ခြေမ.မကောင်း.ခြေမ...လက်မ.မကောင်း..လက်မ”
၂၀. “ခရမ်းသီးပိန်...ဓားတုံး”
၂၁. “ခြောက်ပစ်ကင်း...သဲလဲစင်”
၂၂. “ခွေးဟောင်တိုင်း..ထကြည့်လျှင်..အိပ်ရေးပျက်”
၂၃. “ခွေးရူးဖက်ကိုက်...ခွေးကောင်းနားရွက်ပျက်”
၂၄. “ချောင်းကြီးတော့....မြစ်ဖြစ်”
၂၅. “ချည်ပုဆိုးက..ပိုးပေါင်းချင်”
၂၆. “ချော့တစ်ခါ..ခြောက်တစ်လှည့်”
၂၇. “ခြောက်ပြော..မြှောက်ပြော”
၂၈. “ချီးမွမ်းခုနစ်ရက်..ကဲ့ရဲ့ခုနစ်ရက်”
၂၉. “ချော်လဲ..ရောထိုင်”
၃၀. “-ျီး..ပါခါနီးမှ....-ျီးခံတွင်းပေါက်ရှာ”
၃၁. “ခွေးဟောင်၍ တောင်ပို့မပြေး”
၃၂. “ခွေးဟောင်လို့...တောင်မရွေ့”
၃၃. “ခိုးစားမှ..လူမိ”
၃၄. “ခွေးရူးကောင်းစား...တစ်မွန်းတည့်”
၃၅. “ခုတ်ရာတစ်ခြား..ရှရာတစ်လွဲ”
၃၆. “ခြေမွှေးမီးမလောင်...လက်မွှေးမီးမလောင်”
၃၇. “ခေါင်ကမိုးမလုံလျှင်...တံစက်မြိတ်လည်း...မလုံနိုင်”

ဂ
၁. “ဂိုက်ကောင်း..ဆိုက်ကောင်း”

င

၁. “ငါးခုံးမတစ်ကောင်ကြောင့် တစ်လှေလုံးပုပ်”
၂. “ငါးပိနဲ့လောက်..ရွှေနဲ့ကျောက်”
၃. “ငိုချင်ရက်...လက်တို့”
၎. “ငွေမရှိ...စကားမတည်”

စ

၁. “စကား စကား ပြောပါများ စကားထဲက ဇာတိပြ”
၂. “စကားနောက် တရားပါ”
၃. “စုပ်လဲဆူး..စားလဲရူး”
၎. “စည်းကမ်းသည်..လူ့တန်ဖိုး”
၅. “စိန်ကောင်းကျောက်ကောင်းရောင်းဝယ်ရာ...ဆေးရိုးသည်က ကန့်လန့်”
၆. “စားရမှာလဲ...သဲနဲ့တရှပ်ရှပ်..ပစ်ရမှာလဲ...အဆီနဲ့တ၀င်းဝင်း”
၇. “စိုင်ကော်လို့...ချုံပေါ်ရောက်”
၈. “စကားနည်း...ရန်စဲ..”
၉. “စီးတဲ့ရေ ဆယ်တဲ့ကန်သင်း...”
၁၀. “စစ်မရောက်ခင်..မြှားကုန်”
၁၁. “စလယ်ဝင်... -င်မမည်းခင်.ကွဲ”
၁၂. “စာအုပ်စာပေ..လူ့မိတ်ဆွေ”
၁၃. “စားပြီးအိပ်နေ...ဘိက္ခဝေ”
၁၄. “စားရကံကြုံတော့...မုတ်ဆိတ်ပျားစွဲ”
၁၅. “စကောလောက်မှ..စောက်မနက်”
၁၆. “စားတော့ပြုံးပြုံး..ယိုတော့ကုန်းကုန်း”
၁၇. “စိုပြီးသောလက်...မခြောက်စေနှင့်”
၁၈. “စိန်နားကပ်ရောင်ကြောင့်..ပါးပြောင်”
၁၉. “စစ်ရောက်မှ...မြှားချွန်”

ဆ

၁. “ဆရာမပြ..နည်းမကျ”
၂. “ဆရာထက်..တပည့်လက်စောင်းထက်”
၃. “ဆင်သွားရင်.လမ်းဖြစ်တယ်”
၎. “ဆေးမင်ရည်စုတ်ထိုး...အိမ်ထောင်မှုဘုရားတည်”
၅. “ဆရာများ..သားသေ”
၆. “ဆင်ကျီစားရာ...ဆိတ်မခံသာ”
၇. “ဆင့်ပါးစပ်...နှမ်းပက်”
၈. “ဆင်ဖိုးထက်...ချွန်းဖိုးကကြီး”
၉. “ဆီကိုရေချိုး......ဆေးရိုးမီးလှုံ”
၁၀. “ဆန်စင်ရာ..ကျည်ပွေ့မလိုက်နိုင်”
၁၁. “ဆရာ့ထက်..သားတစ်လကြီး”
၁၂. “ဆင်ပြောင်ကြီး..အမြီးကျမှတစ်”
၁၃. “ဆင်သေကို..ဆိတ်သားရေနဲ့..မဖုံးနဲ့”
၁၄. “ဆုပ်လည်းစူး...စားလည်းရူး”
၁၅. “ဆပ်ပြာကောင်းလို့...ခေါင်းပေါင်းဖြူ”
၁၆. “ဆန်မရှိ...ေ-ာက်စားကြီး”
၁၇. “ဆင်စွယ်မှန်..ပိုးမစား”
၁၈. “ဆန်တစ်အိတ်နဲ့...ဆိတ်တစ်ကောင်”
၁၉. “ဆပ်ပြာသည်..လင်ပျောက်”
၂၀. “ဆင်ဖြူတော်မှီပြီး...ကြံစုပ်”

ည

၁. “ညားတိုင်းမချစ် ချစ်တိုင်းမညား”
၂. “ညောင်မြစ်တူး..ပုတ်သင်ဥပေါ်”
၃. “ညောင်စေ့လောက်လှူသော်လည်း..ညောင်ပင်ကြီးလောက်ကုသိုလ်ရ”
၎. “ညောင်ဦးကမ်းပါးပြို....စမ္မာနဂိုက..နွားမပေါင်ကျိုး”

တ

၁. “တောင်ကြီးဖ၀ါးအောက် လှိုင်းကြီးလှေအောက်”
၂. “တစ်ရွာမပြောင်း သူကောင်းမဖြစ်”
၃. “တလုတ်စားဖူး သူ့ကျေးဇူး”
၎. “တီးတိုးတီးတိုး သဖန်းပိုး”
၅. “တစ်ရွာ..တစ်ကျီဆောက်”
၆. “တပည့်မကောင်း ဆရာ့ခေါင်း”
၇. “တစ်နေ့တစ်လံ...ပုဂံဘယ်ရွေ့မလဲ”
၈. “တံငါနားနီး.တံငါ...မုဆိုးနားနီး.မုဆိုး”
၉. “တစ်လှေတည်းစီး..တစ်ခရီးတည်းသွား”
၁၀. “တုံးတိုက်တိုက်...ကျားကိုက်ကိုက်”
၁၁. “တရားမပျက်...ကျောင်းမခက်”
၁၂. “တစ်ယောက်စကား...တစ်ယောက်နား”
၁၃. “တစ်ခါသေဖူး...ပျဉ်ဖိုးနားလည်”
၁၄. “တောမီးလောင်....တောကြောင်လက်ခမောင်းခတ်”
၁၅. “တစ်ယောက်ဆိုတစ်ယောက်...ပိတောက်ဆို..ပိတောက်”
၁၆. “တစ်ပင်လဲမူ..တစ်ပင်ထူ”
၁၇. “တစ်နွယ်ငင်...တစ်စင်ပါ”
၁၈. “တစ်မိပေါက်...တစ်ယောက်ထွန်း”
၁၉. “တောပြော..တောင်ပြော”
၂၀. “တပည့်လိမ္မာ...ဆရာအာပတ်လွတ်”
၂၁. “တစ်လ.ကိုးသီတင်း”
၂၂. “တိတ်တိတ်နေ..ထောင်တန်”
၂၃. “တပည့်မကောင်း..ဆရာ့ခေါင်း”
၂၄. “တစ်ခြုံကွယ်..တစ်မယ်မေ့”
၂၅. “တော်သလင်းနေ ပုစွန်သေ”
၂၆. “တောင်းတစ်လုံးနဲ့..အလုပ်မဖြစ်”
၂၇. “တောင်လဲရာ...မြက်ပြတ်”
၂၈. “တစ်တက်စားလည်း ကြက်သွန်....နှစ်တက်စားလည်း ကြက်သွန်”
၂၉. “တတ်သည့်ပညာ...မနေသာ”
၃၀. “တောင်မှလာတဲ့မိုး....ဒေါင်ဒေါင်မြည်တဲ့အိုး”
၂၁. “တွေ့ရာသချို`င်္င်း....ဓားမဆိုင်း”
၂၂. “တောင်းဆိုး....ပလုံးဆိုးသာ....ပစ်ရိုးထုံးစံရှိ”

ထ

၁. “ထိုင်နေအကောင်းသား ထသွားမှကျိုးမှန်းသိ”
၂. “ထောင်မြင်ရင် ရာစွန့်”
၃. “ထမင်းရည်ပူ..လျှာလွှဲ”
၎. “ထမင်းကြမ်းက..အငွေ့ထွက်ချင်”
၅. “ထန်းသီးကြွေခိုက်...ကျီးနင်းခိုက်”
၆. “ထီးဖြူ..ဖိနပ်ပါး”
၇. “ထောင်အပြင်..တန်းမရှိ”
၈. “ထိပ်ပေါက်မှ..ထိမှန်းသိ”
၉. “ထိုးမယ့်ဆင်...နောက်တစ်လှမ်းဆုတ်”
၁၀. “ထောင်တန်တဲ့စကား...ရယ်ပေါ့”
၁၁. “ထင်ပေါ်ရင်..စင်တော်ကကောက်”

ဆက်လက်ဖတ်ရှူရန်»

Read more »