ကျွန်စကားနန့်စာပီစစ် (ဂျွင်မိုးစက်ချေ)

နိုင်ငံဟိကေ လူမျိုးဆိုစွာဟိပါရေ။ လူမျိုးမာ ယဉ်ကျေးမှုဆိုစွာဟိပါရေ။ ယကေ ယဉ်ကျေးမှုမာ
စာပီဆိုစွာ ဟိရပါဖို့။ ကကြီးကကျယ်ပြောရကေ စာပီမြင့်မှ လူမျိုးတင့်ပါဖို့။လူမျိုးတင့်မှ နိုင်ငံအ
ဆင့် မွီဖို့ဖြစ်ပါရေ။ စာပီဆိုစွာကို ယဉ်ကျေးမှုဧ့ရီသောက်မြစ်လို့ အကျွန်က သတ်မှတ်ပါရေ။
လက်ဟိမာဖော်ဆောင်အသုံးချနီကတ်တေ (က)နိုင်ငံရီးအမြင်၊ (ခ)လူမှုရီးအမြင်၊ (ဂ)အုပ်ချုပ်
ရီးအမြင်၊ (ဃ)စည်းရုံးရီးအမြင်နန့် (င)စီးပွါးရီးအမြင် တိကြားထဲမာ အကျွန်ရို့က စာပီအမြင်
တစ်ခုကိုပေါင်းထည့်ဖို့ လိုအပ်လာနီဗျာလ်ဖြစ်ပါရေ။ ဇာအတွက်ကြောင့်ဆိုကေ ဒေဂုခေတ်ကာ
လ သားသမီးတိ (အကျွန်အပါအ၀င်)ရခိုင်သား၊ ရခိုင်သမတိနန့် အထက်က အစ်ကိုကြီး အစ်မ
ကြီးတချို့ရို့စွာအောက်သားစကား (အကျွန်ကတော့ ကျွန်စကားလို့တင်စားချင်ပါရေ)၊ ကျွန်စကား
ကို လိုအပ်လို့ တစ်မျိုး၊ မလိုအပ်ဘဲတစ်မျိုး လွှမ်းမိုးခံနီကတ်စွာ တွိလာရပါရေ။
ယင်းပိုင် လွှမ်းမိုးခံနီရရေထဲက အတိုင်းအတာတစ်ခုထိ ရုန်းထွက်ဖို့ကြိုးစားသင့်ပါဗျာလ်။ မဟုတ်
ဘဲနန့် အကျွန်ရို့သည် လူများလက်အောက်မာ ကျွန်ခံ၊ လူများစကားကို လျှာဖျားကမချဘဲ အ
လိုက်သင့်ချေပြောနီကတ်ပါဖို့လား။ ယကေတော့ခါ ကိုယ်ပိုင်စာပီ၊ ကိုယ်ပိုင်ယဉ်ကျေးမှု ပျောက်
လားဖို့ စွာ သီချာသလောက်ဖြစ်ခပါဗျာလ်။ စာပီမဟိ၊ ယဉ်ကျေးမှုမဟိကေ ဇာအမျိုးကို စောင့်
ယှောက်ကတ်ပါဖို့။ ရခိုင်စာပီအကြောင်းနန့်  ပတ်သက်လာကေ၊ ရခိုင်စကားပြောခြင်းနန့် ပတ်
သက်လာကေ ရက်ပြတ်မျက်စောင်းထိုးခံရပါရေ။ ဇာကြောင့်ပါချင့်။ အမြင်မတူလို့ရာဟိပါဖို့။ ယင်း
ပိုင် မတူရေအမြင်ချေတိကို တိုင်ပင်ယင်းနန့် လိုရေခရီးကိုရောက်အောင် လားကတ်ရဖို့ ဖြစ်ပါရေ။ မဟုတ်ကေ အကျွန် ရို့လူမျိုးဧ့စာပီဆိုစွာ ကျောက်စာထက်မာလောက်ရာ ဟိလီရပါဖို့ဗျာလ်။
အကျွန်ရို့ရိုးရာဝတ်စုံကိုဝတ်လို့ လူများစာကိုရာ ရီးပြနီကတ်ပါဖို့လား။ လူများစကားကိုရာ ပြော နီကတ်ပါဖို့လား။ ဒေနိ့လူတိုင်းသုံးနီကတ်တေ အွင်လိုင်းမာတွိရရေ ကဗျာချေတိ၊ ပို့စ်တိနန့် ကမန်း ပီးစွာတိမာ ရခိုင်အချင်းချင်းကြားမာတောင်မှ ရခိုင်စကားပြောဟန်၊ ရခိုင်လီသံတိ ပျောက်ဆုံးလာ
စွာ (ဝါ) ကျွန်စကားလွှမ်းမိုးခံနီရစွာကို တွိလာရပါရေ။ စာပီ၊ ယင်းကိစ္စကောင်းမြင့်လွန်းပါရေ။စကား
က စပြောကတ်ရပါဖို့။ စကားကနီ စာပီသရုပ်၊ စာပီရုပ်လုံးပေါ်လာဖို့ ယုံကြည်ပါရေ။ ရခိုင်စကား
ပြောရေလူ ရခိုင်စကားနန့် ရခိုင်ကဗျာကိုရီး၊ ရခိုင်လီသံနန့် အနီးစပ်ဆုံးသတ်ပုံကိုလိုက်ရှာ၊ ယကေ အကျွန်ရို့လိုချင်ရေ ရခိုင့်စာပီ သီးခြားထွက်မလာနိုင်ပါလား။ ပြောကေလွယ်ပါရေ။ လက်တွိမာခက်
ပါရေ။ မှန်ပါရေ။ လောင်ပေါ်မထိုးဘဲ လောင်ပေါ်တစ်ခါတောင်မပေါက်ဖူးလို့ပြောလို့ မရပိုင်ပါဗျာလ်။ ဧဂုဆိုကေ စာပီကိုလက်ထဲမာ လက်တွိဖော်ထုတ်ခွင့်ရလာရေ စာပီသင်ရိုးတိ ရနီကတ်ပါဗျာလ်။ အားရစရာဖြစ် လောက်အောင် ကြိုးစားပြထားကတ်ပါဗျာလ်။
ယင်းပိုင်တစ်တိုင်က ဖော်ထုတ်နီရေအချိန်မာ အကျွန်ရို့က မဆိုင်ဆိုပနာယှောင်ပြီးလို့လိုအပ်သည်
ထက်ပိုသော လွှမ်းမိုးမှုတိကို ဆက်လို့ထိန်းနီကတ်ပါဖို့လား။ လူမျိုးရီးကို မိ့ထားကတ်ပါဖို့လား။ကျွန်
ဘဝရှည်လို့ကျွန်စကားရာ သိကတ်တေအကျွန်ရို့တိ မြန်မာဖတ်စာအုပ်မာ သင်ဖူးခရေကျွန်စကား၊ ကျွန်စာပီတိကို အယုံမှတ် ပုံအပ်နီခြင်းက ရုန်းမထွက်သင့်ပါလား။ စာပီကိုအသုံးပြုပနာ ရခိုင့်အမျိုး
သားစိတ်ဓါတ်စစ်ဆင်ရီးကို ဖန်တီးယူနိုင်ပါရေ။ စာပီပျောက်ဆုံးနီခြင်းသည် ပြည်တွင်းလူမျိုးရီးစိတ်
ဓါတ် ပျက်စီးခြင်းကို အစပြုနီခြင်း၊ ယဉ်ကျေးမူပိတ်ပင်ခံနီရခြင်းဖြစ်ပါရေ။
တချို့ကပြောကတ်ပါရေ။ ရခိုင်ပိုင်အသံထွက်နန့် ကဗျာရီးလို့ မကောင်း၊ ဖွဲ့ နွဲ့လို့ မရ၊ စာလုံးပေါင်း
သတ်ပုံကိုလူတိုင်းက ဖတ်မရလို့ပြောပါသိ့ရေ။ဗမာပြည်က ဗမာစာရီးဆရာတိ မြန်မာစာကိုဗမာပိုင်
အသံထွက်နန့် ရီးပါရေ။ ယင်းချင့်တိကို လူတိုင်းနားလည်ရေလို့ အသူပြောပါလေ။ အသီအချာတွေး
ကြည့်ကေ ရခိုင့်ထီးနန်းပြိုပျက်ပြီးခါကပင် အင်္ဂလိပ်၊ ဂျပန်၊ ဗမာတိ လက်ဝါးကြီးအုပ် ကြီးစိုးခ ကတ်
ပါရေ။ ဂုချိန်ထိလူများလက်အောက်မာ အသက်ကြီးလာရေ အကျွန်ရို့ရခိုင်ပြည်ဧ့ စာပီနန့် လီသံ
သည် ရခိုင်သားရို့ပေါ့ဆမှုကြောင့်၊ သတိမမူခြင်းကြောင့်၊ကျွန်စကားကို ချစ်စိတ်ကြောင့်၊ကျွန်စကား
ကို အထင်ကြီးမှုကြောင့်၊ ကျွန်သွီးရောနီခြင်းကြောင့်ရာ ပျောက်ပျက်ခြင်းတိနန့် ကြုံရစွာဖြစ်ပါရေ။ မြီမျိုလို့လူမျိုးမပျောက်၊ လူမျိုမှလူမျိုးပျောက်တေအတွက်ကြောင့် ကျွန်စကားမျိုလို့ စာပီမပျောက်
အောင် အကျွန်ရို့ ထိန်းသိမ်းကတ်ရဖို့ဖြစ်ပါရေ။
ဂုချိန်ထိဖက်လို့အိပ်လာရေ ကျွန်သဘောက်ကို နိုင်ရေလုပ်အားနန့် ဖြိုဖျက်လားကတ်ပါမေ။စာပီလက်
နား ထုတ်ကတ်ပါမေ။ စာပီစစ်ကို ဆင်ကတ်ပါမေ။ စာပီကို ချစ်ကတ်ပါမေ။ ငါရို့လူမျိုးမာ ငါရို့စာဟိ
ရေဆိုစွာကို ပြကတ်ပါမေ။ နောက်လာဖို့ မျိုးဆက်သစ်ချေတိနန့်တတူ ရခိုင်စာသင်ရိုးသင်ဖို့ အားပြု
ယင်းနန့် ကျွန်စကားကို စာပီစစ်ဆင်ပနာ တိုက်ထုတ်ကတ်ပါမေ။

ရခိုင့်အက္ခရာစာပီဆိုင်ရာစာတမ်းများနန့် ရခိုင့်စာပီချစ်သူတိကို လေးစားယင်း

(ဂျွင်မိုးစက်ချေ)


         ဝန်ခံချက် ။ ကျွန်တော်၏ ဘလော့ တွင်ဖော်ပြထားသောအကြောင်းအရာများသည် 
            ကျွန်တော်၏ ကိုင်ပိုင်စိတ်ကူး ကိုင်ပိုင်အိုင်တီ နဲ့ ဖန်တီးထားတာ မဟုတ်ပါကြောင်း ... 
                 ကျွန်တော်ရဲ့ ဘလော့ ဧည့်သည်များကိုအမြဲခင်မင်လျှက်ပါ။ 
                                               ကျေးဇူးတင်ပါတယ်