Home » » ရခိုင်စကားသံနန့် ရခိုင်စာလုံးပေါင်း

ရခိုင်စကားသံနန့် ရခိုင်စာလုံးပေါင်း


ရခိုင်လူမျိုးအချင်းချင်း ဆက်ဆံပြောဆိုသောစကားရေ ရခိုင်စကားဖြစ်တေလို့ အကြမ်းဖျင်းပြော
နှိုင်ရေပိုင် ရခိုင်ပြည်က ရခိုင်လူမျိုးရို့ပြောရေစကားတိနန့် ရှီးရခိုင်နိုင်ငံဧရိယာဖြစ်တေ သက်
ထောင်၊ဖလံထောင်၊ဘိုမင်းထောင်၊တြိပူရ ဒေသက ရခိုင်လူမျိုးရို့ပြောရေစကားတိကိုလေ့ ရခိုင်
စကားဖြစ်တေလို့ ဆိုနှိုင်ပါရေ။ရခိုင်ပြည်ရေ မြစ်ချောင်း၊အင်းအိုင်နန့် တောတောင်များရေ တိုင်း
ပြည်ဖြစ်ပြီး တစ်နီရာနန့်တစ်နီရာ လားလာရခက်ခဲရေအတွက်ကြောင့် ရခိုင်လူမျိုးရို့လေ့ သူရို့နီ

ထိုင်ရာ အရပ်ဒေသကိုလိုက်ပနာ စကားအမျိုးအစားကွဲကတ်ပါရေ။ အထူးသဖြင့် ရခိုင်နိုင်ငံတော်
ကျဆုံးရေနောက်ပိုင်းမာ အိန္ဒိယနိုင်ငံဧ့ အစိတ်အပိုင်းဖြစ်လားရေရခိုင်ဒေသက ရခိုင်လူမျိုးရို့က
အိန္ဒိယစာ၊ ဘင်္ဂလားနိုင်ငံဧ့ အစိတ်အပိုင်းဖြစ်လားရေ ရခိုင်ဒေသက ရခိုင်လူမျိုးရို့က ဘင်္ဂလီစာ
နန့် ဗမာနိုင်ငံဧ့ အစိတ်အပိုင်းဖြစ်လားရေ ရခိုင်ပြည်မက ရခိုင်လူမျိုးရို့က ဗမာစာကို သင်ယူကတ်
ရပြီး ရခိုင်လူမျိုးရို့တန်ဖိုးထားအပ်တေရခိုင်စာပီကား ပျောက်ခြင်းမလှ ပျောက်ဆုံးလားခပနာရခိုင်
စကားသံတိလေ့ တဆတ်ဆတ်နန့် ကွဲလားကတ်ပါရေ။ ကိုယ်ပိုင်နိုင်ငံပျောက်ဆုံးနီရေ ရခိုင်လူမျိုး
ရို့အနီနန့် ကိုယ်ပိုင်ရခိုင်စာပီကို သင်ကြားခွင့်မရခကေလေ့ မိမိရို့ဧ့ ကိုယ်ပိုင်ရခိုင်စကားတိကိုကား အတတ်နှိုင်ဆုံး ထိန်းသိမ်းထားနှိုင်ခကတ်ပါရေ။နှစ်ဆယ်ရာစုအလယ်ပိုင်းအထိ ရခိုင်ဘာသာစကား
ရေ (အောက်သားတိနန့် ဆက်ဆံမှုများရေ ဒေသတချို့ကလွဲလို့) မြောက်ဦးခေတ်ရခိုင်စကားတိနန့် တဆိချေလောက်ရာကွဲရေလို့ ယူဆမိပါရေ။ နှစ်ဆယ်ရာစုနှောင်းပိုင်းမာဆက်သွယ်ရီးနည်းပညာ
တိုးတက်မှုကြောင့် အောက်သားဗွီဒီယိုနန့် အောက်သားတေးခြင်းရို့ လွှမ်းမိုးလာကာ အောက်သား
စကားနန့် ရခိုင်ရို့ အကျွမ်းဝင်ပနာ နားယဉ်လှာပါရေ။ တခြားတစ်ဖက်မာ ရခိုင်လူမျိုးရို့အမျိုးသား
ရီးစိတ်ဓါတ်တိ ပြန်လည်နိုးကြားလှာကေလေ့ ရခိုင်ပြည်နီရာတိုင်းမာ အောက်သားစစ်သားတိ မကန်
မကန်ဖြစ်လှာရေအတွက် ရခိုင်လူမျိုးရို့ရေ အောက်သားစကားကို နားထောင်ရုံသတ်သတ်အဆင့်
ထက်ကျော်ပနာ မပြောမဖြစ်တေဘာသာစကားအဖြစ်ပြောလှာရပါရေ။ အကျွန်ရို့ရခိုင်လူမျိုးရို့ရေ
ယင်းအချိန်ကစပြီးကေ အောက်သားစကားကို ရခိုင်မှုပြုရေအကျင့်ကို ရလှာကတ်ပါရေ။ ယင်းအချိန်
ကပင်စပြီးကေ ရခိုင်ဘာသာစကားတိရေ ခေတ်ပညာတတ်ရခိုင်တိနန့် မြို့ပြရခိုင်ရို့ဧ့ ဂျောင်ထိုးစွာ
ကို ခံရပနာ ရခိုင်မှုပြုအောက်သားစကားတိ ခေတ်စားလှာပါရေ။အကျွန်ကြားဖူးရေ စကားအတိုင်း
ဆိုကေ ကပျက်(ဗန္ဒတ်) တိရေ မျိုးစစ်တေလူတိထက် သာလွန်ဥာဏ်ကောင်းကတ်တေပိုင် ရခိုင်စ
ကားမစစ်တေ အောက်သားတစ်ပိုင်းကပျက်စကားတိလေ့ ရခိုင်လူမျိုးရို့ခံတွင်းကို အရာဝင်လွှမ်းမိုး
နှိုင်စွာဖြစ်တေလို့ ယူဆပါက ယူဆနှိုင်ပါလိမေ။
ဒေနိ့ရခိုင်လူမျိုးရို့လူမှုဘဝထဲကို အောင်သားစကားက အားကောင်းကောင်းနန့် ထိုးဖောက်ဝင်
ရောက်လှာပါရေ။ယင်းအတွက်နန့် ရခိုင်ဘာသာစကားနန့် စာပီတော်လှန်ရီးကို အဟိန်ပြင်းပြင်းနန့် လုပ်ဆောင်လာကတ်စွာဖြစ်တေလို့ ဆိုနှိုင်ပါရေ။ယေရာလေ့ နှစ်ပေါင်းနှစ်ရာကျော်တောင်မှ ကိုယ့်
စာကိုယ့်ပီနန့် ဝီးနီခသော ရခိုင်လူမျိုးရို့ရေ ကိုယ့်စကားသံတိကို ဇာပိုင်စာလုံးပေါင်းပနာ ဇာပိုင်ချရီး
ရဖို့စွာကိုကား သိသူကယှား မသိသူတိများနီစွာကိုတွိရပါရေ။ ယေခါ ခွတ်ရာတခြား ပြတ်ရာတခြား
ဖြစ်ပနာ အမှားမှားအယွင်းယွင်းဖြစ်ကတ်ပါရေ။အောက်သားစကားနန့် ဆက်နွယ်ဖြစ်ပေါ်လာရေ ကပျက်စကားတိကို အောက်သားတိရီးရေပိုင်ရီးကတ်ပြီးကေ အောက်သားစကားနန့်မတူရေ ဒေသိ
ယရခိုင်စကားတိကိုကျခါ အောက်သားစကားသံကို အခြီပြုပနာ ရီးလာကတ်စွာကိုတွိရပါရေ။ တခြား
တစ်ဖက်မာလေ့ အောက်သားစကားနန့် အောက်သားစာပီကို ယှောင်လွှဲနိုင်ဖို့ကြိုးစားရာက မသုံးသင့်
သောရခိုင်စာလုံးပေါင်းတိကို သုံးစွဲရီးသားကတ်ပနာ အမှားများလှာကတ်ပါရေ။ရခိုင်စာပီပညာသျှင်ရို့
က ရခိုင်စာပီကို စစ်တွေဒေသိယစကားနန့် ရမ်းဗြဲဒေသိယစကားဆိုပြီးကေ နှစ်မျိုးခွဲကတ်ပါရေ။အရပ်
သုံးစကားမာကျခါ ရခိုင်စကားနန့် ရမ်းဗြဲစကား ဆိုပနာပြောဆိုကတ်စွာကိုတွိရပါရေ။ယေခါ ရမ်းဗြဲစ
ကားရေ ရခိုင်စကားမဟုတ်ဆိုရေ အဓိပ္ပါယ်မျိုးသက်ရောက်လားရေအတွက် စစ်တွေဒေသိယရခိုင်
စကားနန့် ရမ်းဗြဲဒေသိယရခိုင်စကားဆိုပြီးကေ ရခိုင်စကားတက်စား စစ်တွေဒေသိယစကားကို ရီး
သားကတ်စွာဖြစ်ပါရေ။ စစ်တွေဒေသိယစကားနန့် ရမ်းဗြဲဒေသိယစကားရို့ရေ ‘အံ’သရ၊ ‘အင်’သရ၊
‘အော’သရနန့်အော်သရသံရို့ကို ပြောဆိုကတ်စွာမာ အဓိကကွဲလွဲကတ်ပါရေ။စစ်တွေဒေသိယစကား
ဧ့ ‘အံ’သရသံကို ရမ်းဗြဲဒေသိယစကားပြောသူရို့က ‘အင်’သရသံနန့်ပြောကတ်ပြီးကေ စစ်တွေဒေသိ
ယစကားဧ့ ‘အင်’သရသံကိုကျခါ ရမ်းဗြဲဒေသိယစကားပြောသူတိက ‘အံ’သရသံနန့် ပြောကတ်ပြန်ပါ
ရေ။ နောက်တစ်ခါ စစ်တွေဒေသိယစကားမာစကားမာ ‘အော’နန့် ‘အွား’သရသံတူပြီးကေ ရမ်းဗြဲဒေ
သိယစကားမာ ‘အော’နန့် ‘အိုး’ သရသံတူပါရေ။ယင်းအတိုင်းပင် စစ်တွေဒေသိယစကားမာ ‘အော်’နန့်
‘အွာ’၊ ရမ်းဗြဲဒေသိယစကားမာ ‘အော်’နန့် ‘အို’ သရသံတူစွာကို တွိရပါရေ။
အထက်ကတင်ပြခရေသရသံတိမာ ရမ်းဗြဲဒေသိယစကားသံတိရေ အစဉ်အလာအရ တည်မြဲခပြီးကေ စစ်တွေဒေသိယစကားရို့ဧ့ ‘အော’သရ နန့် ‘အော်’ သရသံတိကျခါ မူလစကားသံတိပျောက်ပနာ အောက်သားစကားသံတိ နီရာယူလှာကတ်ပါရေ။စစ်တွေဒေသိယစကားမာ နဂိုကပင် ‘အော်’ နန့် ‘အွာ’သရသံတူရေအတွက်နန့် ‘အော်’သရသံအခြီယိုင်ရာဖက်ကိုလိုက်ပနာ ‘အွာ’သရကလေ့ အခြီယိုင်ပနာ အသံထွက်ဖက်မာတောင်မက အရီးအသားဖက်မာပါ ‘စွာ’ တက်စား ‘စော်’ ဆိုရေ ဖောက်ပြန်ရေ အ
ရီးအသားတိကို တွိလှာရပါရေ။ဧဟင့်ရေ စစ်တွေဒေသိယစကားသံဧ့ ဖောက်ပြန်ပြောင်းလဲမှုပင်ဖြစ်ပါ
ရေ။ ရခိုင်စာပီနန့်ဘာသာစကားကို ထိန်းးသိမ်းပြောဆိုကတ်တေ လူအများစုရေ ‘စွာ’အရီးအသားကို
ထိန်းသိမ်းနှိုင်ကေလေ့ အပြောအဆိုဖက်မာ အခြီယိုင်ရာဖက်သို့ လိုက်ပါလားကတ်စွာကို တွိရပါရေ။ စစ်တွေဒေသိယစကားတိ ယင်းပိုင်အခြီယိုင်လာကတ်တေခါ ယင်းစကားတိကို စံအဖြစ်ထားလို့ သီဆို
ကတ်တေ ရခိုင်တေးခြင်းတိနောက်ကိုလိုက်ပနာ ရမ်းဗြဲဒေသိယစကား ပြောသူတိကပါရောယောင်
လှာကတ်ပါရေ။
နောက်တစ်ချက်က စစ်တွေဒေသိယစကားသံဧ့ ‘အဉ်’သရအသံဖောက်ပြန်မှုဖြစ်ပါရေ။ယင်းဖောက်
ပြန်စကားသံကို ယှောင်လွဲနှိုင်ဖို့အတွက် ခေတ်သစ်ရခိုင်စာပီသမားတချို့က စာလုံးပေါင်းကို စွန့်ရွှတ်
ပနာ ‘အိုင်’ သရစာလုံးပေါင်းနန့် ရီးသားလှာကတ်စွာကိုတွိရပါရေ။ ယေခါ အစဉ်အလာရီးလှာရေ‘အဉ်’ သရအရီးအသားကို ဆုံးယှုံးလာရဖို့ဖြစ်တေပိုင် ညချေသတ်ဧ့ဖောက်ပြန်သံဖြစ်တေ ‘အိန်’သရသံကိုပါ အသိအမှတ်ပြုရာရောက်လားပါရေ။ဧဟင့်ကလေ့ စစ်တွေဒေသိယစကားသံဧ့ ဖောက်ပြန်မှုပင်ဖြစ်ပါ
ရေ။ရမ်းဗြဲဒေသိယစကားမာကျခါ ဒေပိုင်သရသံတိဖောက်ပြန်စွာကို မတွိရပါ။ဟိကောင်းဟိနှိုင်ကေ
လေ့ စံရခိုင်စာပီကို ထိခိုက်နှိုင်ရေအနီအထားမဟိပါလို့ ဆိုရပါလိမည်။ ရမ်းဗြဲဒေသိယစကားသံဧ့
အဓိကအားနည်းချက်ကား ရ-သံနန့်ယ-သံ မပီပြင်မှု သို့မဟုတ် ရ-သံအခြီယိုင်မှုပင်ဖြစ်ပါရေ။ဒေသိ
ယစကားတစ်ခုတည်းကို အားကိုးပနာရီးသားရရေဒေနိ့ခေတ်မာ ရ-သံမပီပြင်ရေဒေသိယစကားသံကို အမှန်ထင်ပနာ ထင်ရေအတိုင်းချရီးလိုက်တေခါ ရခိုင်ရ-သံနန့် ရ-အရီးအသားရို့ရေ တဆတ်ဆတ်နန့် လုံးပါးပါးလှာပါရေ။ရ-အရီးအသားနန့် ပတ်သက်လို့အဓိကထားရရေ စစ်တွေဒေသိယစကားမာတောင်
မှ ရ-သံတိ အခြီယိုင်ပါလတ်တေခါ ရခိုင်စာပီဧ့ ကံကြမ္မာကား စိုးရိမ်ကြောင့်ကြရရေ အနီအထားကို ရောက်လတ်ပါရေ။
ရခိုင်စာပီသမိုင်းကွင်းဆက်ပြတ်လားခရေအတွက် ရခိုင်စကားသံတိ ဖရိုးဖရာဖြစ်နီကတ်တေပိုင်ခေတ်
သစ်ရခိုင်စာပီတစ်ရပ်ပေါ်လှာပြန်ကေလေ့ စံမဟိသိ့ရေအတွက် အရီးနန့်အပြော ကရားငါးပါးဖြစ်နီစွာ
ကိုတွိရပါရေ။ အထက်က ပြောခရေပိုင် ရ(ရကောက်)ကို မှန်မှန်ကန်ကန် မသုံးတတ်မှုနန့် ဇာအရီးအ
သားရေ ဇာအသံထွက်တေ(ဇာအသံထွက်ကို ဇာပိုင်ရီးရေ)ဆိုစွာကို သီသီချာချာ မသိမှုတိရေ ရခိုင်စာ
ပီကို အဆိုးဖက်ကို ဦးတည်စီပါရေ။
ဘာသာစကားနန့်စာပီတိုင်းမာ ခြွင်းချက်တိဟိရေပိုင် ရခိုင်ဘာသာစကားနန့်စာပီမာလေ့ ခြွင်းချက်တိ
မကန်မကန်ဟိပါရေ။ သိသာထင်ရှားရေ ခြွင်းချက်တိဟိရေပိုင် သာမာန်လူတိမမြင်နှိုင်ရေ ခြွင်းချက်တိ
လေ့ မကန်ဟိပါရေ။ တချို့ခြွင်းချက်တိရေ ရခိုင်စာပီနန့်ဘာသာစကားကို ထူးခြားလှပစီရေအတွက် ဖော်ထုတ်ထိန်းသိမ်းသင့်ပါရေ။ ရမ်းဗြဲဒေသိယစကားမာ ‘အ’သရနန့် ‘အက်’သရသံ ကွဲပြားကေလေ့ စစ်တွေဒေသိယစကားမာ ကွဲပြားမှုနန့် တူညီရောထွီးမှုတိ ဟိနီစွာကို တွိရပါရေ။ ယင်းကြောင့် ရမ်းဗြဲ
ဒေသိယစကားပြောသူတချို့က စစ်တွေဒေသိယစကားမာ ‘အ’သရနန့် ‘အက်’သရသံမကွဲပြားကြောင်း အထက်ပေါ်ရီကို ကြည့်ပနာပြောတတ်ကတ်ပါရေ။ အမှန်က စစ်တွေဒေသိယစကားမာ ‘အ’သရနန့်
‘အက်’သရသံ ကွဲပြားရေလို့ ဆိုနှိုင်ပါရေ။ ရှီးခေတ်ရခိုင်စကားသံတိရေ ဇာပိုင်အသံထွက်လေဆိုစွာကို လိလာသိဟိနှိုင်ရေ ရှီးရခိုင်စာပီတိမာလေ့ ‘အ’သရနန့် ‘အက်’သရကို အသံတူအဖြစ်ကာရံယူထားစွာ
ကိုမတွိရပါ။ စစ်တွေဒေသိယစကားမာ ‘အ’သရနန့် ‘အက်’သရသံကွဲပြာမှုရေ အားမကောင်းကေလေ့ အဂုထက်ထိ သုံးနှုန်းပြောဆိုနီကတ်စွာကို လိလာသိဟိနှိုင်ပါရေ။
ဒေနိ့စစ်တွေဒေသိယစကားဧ့ အားအကောင်းဆုံးအစိတ်အပိုင်းကိုကြည့်ကေ ‘အ’ သရအုပ်စုနန့် ‘အက်’ သရအုပ်စုရို့ဧ့ အသံကာရံတူညီမှုနန့် ကွဲပြားမှုရေ ယှင်းလင်းမှုမဟိဘဲ ရောထွီးနီစွာကိုတွိရပါရေ။ ‘က’အက္ခရာကိုသုံးပနာ ရီးသားရဖို့ဆိုပါက ‘က၊ကျ၊ကြ၊ကက်၊ကြက်၊’ ရို့ရေအသံကာရံတူရေအုပ်စုဖြစ်ပနာ
‘အ’သရသံမာ အခြီတည်ထားစွာကိုတွိရပါရေ။ ကျန်သိ့ရေ ‘ ကြွ’ နန့် ‘ကြွက်’ ကား အသကာရံတစ်ထပ်
တည်းကျပနာ ‘အက်’ သရသံဖြစ်နီစွာကိုတွိရပါရေ။အက္ခရာ(၃၃)လုံးထဲက တစ်လုံးတည်းသော ‘ဝ’ အက္ခရာဧ့ ‘အ’ သရသံနန့် ‘အက်’သရဖြစ်တေ ‘ဝ’နန့် ‘ဝက်’ ကျပြန်ကေ အထက်ကပြောခရေပိုင် ‘အ’ သရသံအုပ်စုထဲမာမပါဘဲ ‘အက်’သရသံနန့် ဖြစ်နီစွာကိုတွိရပြန်ပါရေ။ အမှန်က သရနှစ်ခုကို ပီပြင်
အောင်ခွဲရဖို့ဆိုကေ ‘က၊ကျ၊ကြ၊ကျွ၊ကြွ’ အုပ်စုရေ ‘အ’သရသံအုပ်စုဖြစ်ပနာ‘ကက်၊ကျက်၊ကြက်၊ကျွက်၊
ကြွက်’ အုပ်စုရေ ‘အက်’ သရသံအုပ်စုဖြစ်ပါရေ။ယင်းအတွက်နန့် ‘ဝ’နန့် ‘ဝက်လေ့သော့အသံထွက်ကွဲ
သင့်ပါရေ။စစ်တွေဒေသိယစကားပြောရေ ရခိုင်အဆိုတော်တိရေ ‘အ’သရသံနန့် ‘အက်’သရသံကို ကွဲ
အောင်မသီဆိုနှိုင်ကေလေ့ စစ်တွေဒေသိယစကားသံကို လုပ်ပနာသီဆိုရရေ ရမ်းဗြဲဒေသိယစကား
ပြောသူအဆိုတော်တိဖြစ်တေ ကိုဝင်းကိုခိုင်နန့် ကိုစံမော်သိန်းရို့ဧ့ တေးခြင်းအများစုမာကား ‘အ’သရ
သံ နန့် ‘အက်’သရသံကို ကွဲအောင်သီဆိုထားစွာကို ကြည့်ခြင်းအားဖြင့် ‘အ’ သရသံနန့် ‘အက်’ သရသံ ကွဲပြားသင့်ကြောင်းကို ပိုလို့ ခိုင်မာစီပါရေ။ယင်းပိုင်မကွဲပြားရေအတွက် ပခုံး နန့် ပက်ခုံး အရီးမှားစွာတိ
ကိုလေ့ တွိရတတ်ပါရေ။
ဒေတင်ပြချက်မာ အကျွန်ရေ ခြွင်းချက်အသံထွက်တိကို ဆန့်ကျင်နီခြင်းကား မဟုတ်ပါ။ရောထွီးနီရေ စကားသံတိကို ယှင်းလင်းကွဲပြားသင့်ရေပိုင်ယှင်းလင်းကွဲပြားရေခြွင်းချက်တိကိုလေ့ အကျွန်လက်ခံရေ
ပိုင် စာပီမြတ်နိုးသူတိကလက်ခံသင့်ပါရေ။‘ခွင့်ရွှတ်’ ကို ‘ခေါက်ရွှတ်’ လို့ဖတ်ကတ်စွာကိုကြည့်ခြင်းအား
ဖြင့် ‘အင့်’သရသံ ခြွင်းချက်အသံရေ ‘အောက်’ သို့မဟုတ် ‘အောင့်’ ဖြစ်တေဆိုစွာကို လိလာသိဟိနှိုင်ပါ
ရေ။ ယင်းအတွက်နန့် ‘နန့်’ ကို ‘နောင့်’ လို့ အသံထွက်အတိုင်းရီးစွာရေ ဇာအရီးအသားကို ဇာပိုင်ရီးရ
ရေဆိုစွာကို မသိခြင်းဧ့ ဆိုးကျိုးပင်ဖြစ်ပါရေ။ ‘‘နောင့်’ ရေ မူလအရီးအသား ‘နှင့်’ကလာစွာဖြစ်ပြီးကေ ဟထိုးသံကို ဖျောက်ပနာ ပြောဆိုကတ်စွာရာဖြစ်ပါရေ။ ယင်းကြောင့် အသံထွက်ကို ဇာပိုင်ပင်ဖတ်
ပတ်စီ၊အရီးအသားမာ ‘ခေါက်ရွှတ်’ တက်စား ‘ခွင့်ရွှတ်’၊ ‘နောင့်’ တက်စား ‘နှင’့်(အများသုံး ‘နန့်’) ကိုရာ သုံးနှုန်းရီးသားသင့်ပါရေ။ကျန်သိ့ရေ ခြွင်းချက်အသံထွက်တိထဲက ‘အိ’ သရသံ တချို့ကို ‘အိန့်’ သရ
သံထွက်ကြောင်း(AI)က ‘အိ’သရနန့် ရခိုင်ဘာသာစကား ဆက်နွယ်မှုများ ဆောင်းပါးမာ ဖော်ပြပြီးဖြစ်
တေအတွက်နန့်‘အု၊ အူ၊ အူး’သရသံတချို့ကို‘အုန့်၊အုန်၊အုန်း(အုံ့၊အုံ၊အုံး)’သရသံနန့်ဖတ်တေအကြောင်း
ကို ကြည့်ကတ်ပါမည်။ရခိုင်အရီးအသား ရခိုင်အသံထွက်
ရီကူး ရီကုန်း
လောင်းဒဂူ လောင်းဒဂုန်
ငုပန်း ငုန်းပန်း
ညုသံ ညုန့်သံ
သဗ္ပညု သဗ္ပညုန့်
အဏုမြူ အနုန့်မြုန်
အတု အတုန့်
ဆောင်းဒူ ဆောင်းဒုန်
အနုအညွတ် အနုန့်အညွတ်
မဖူမလုံ မဖုန်မလုံ
ဂေါင်းမူး ဂေါင်းမုန်း
လူးတာ လုန်းတာ(လုံးတာ)
အထက်က တင်ပြချက်တိကို ကြည့်ခြင်းအားဖြင့် ဇာရခိုင်စကားကို ဇာပိုင်ရီးပနာ ဇာရခိုင်စာကိုကား ဇာပိုင်ဖတ်သင့်လေ့ဆိုစွာ စာဖတ်သူရို့ အနီနန့် ဆိကေတပွေ ဆင်ခြင်သတိပြုနှိုင်ကတ်လိမည်လို့ မျှော်လင်မိပါရေ။
စာပီသစ္စာဖြင့်
ခိုင်မင်းဇံ(ရခိုင်ပြည်)


           ဝန်ခံချက် ။ ကျွန်တော်၏ ဘလော့ တွင်ဖော်ပြထားသောအကြောင်းအရာများသည် 
               ကျွန်တော်၏ ကိုင်ပိုင်စိတ်ကူး ကိုင်ပိုင်အိုင်တီ နဲ့ ဖန်တီးထားတာ မဟုတ်ပါကြောင်း ... 
                         ကျွန်တော်ရဲ့ ဘလော့ ဧည့်သည်များကိုအမြဲခင်မင်လျှက်ပါ။ 
                                               ကျေးဇူးတင်ပါတယ်

1 blogger-facebook:

  1. I Want to use this medium to appreciate an online ghost hacker, after being ripped off my money he helped me find my cheating lover and helped me hacked his WHATSAPP, GMAIL, kik and all his social media platforms and i got to know that he has being cheating on me and in less than 24 hours he helped me out with everything, hacking setting is trust worthy, contact him via: hackingsetting50@gmail.com

    ReplyDelete