ရခိုင်ကျင်

အခန်း(၁)

ကျင်အဓိပ္ပါယ်

“ကျင်” ဝေါဟာရနှင့်ပတ်သက်၍ အမျိုးမျိုးရွီးဖွဲ့ကတ်သည်ကို တွိရပါသည်။ ဦးရာဇ်တောင်ဘုရားသမိုင်း လင်္ကာ၌ “လောကီဘက်က၊ ဆောင်ရွက်တခန်း၊ ကျင်လက်ပန်းနှင့်၊ မြီဝန်းရုပ်သီး၊ ရှုမငြီးအောင်” ဟူ၍ူ ရွီးဖွဲ့ထားသည်။

ဆယ့်နှစ်လရာသီလင်္ကာတပိုဒ်တွင် “မယ်လျှင်စစ်မှာ၊ စိတ်ကြီးပျက်လို့၊ ကျင်ကိုင်လက်ပန်း၊ အခန်းခန်းကို၊ အိမ်သူအကျွန်၊ မြင်ရပြန်ကေ၊ လွမ်းတော်တာရှည်၊ ပန်းမဉ္စူကို၊ နီပူထိုးကေ၊ ညှိုးလတ်တေလည်း” ဟူ၍ူ ဖွဲ့ဆိုထားပြန်သည်။

လမုချောင်းဆရာကျော်မဲရွီးဖွဲ့သော မဟာဝိဟိံကရာဇဝင်လင်္ကာ (အပိုဒ်-၁၁၃) ၌ “ကခြေများဖြင့်၊ တီးကာရစ်မြည်၊ စည်ငါးမည်တည်း၊ သံရှည်ဟစ်ကြွေး၊ စုရုံးဝေးလျှက်၊ လက်ပွဲကျယင်၊ လုံးထွီးကျင်၍” ဟူ၍လည်းကောင်း

မန္တလေးဝိဇ္ဇာသိပ္ပံတက္ကသိုလ်ပါမောက္ခချုပ် ဆရာကြီးဦးကျော်ရင်သည် ရန်ကုန်တက္ကသိုလ်နှစ်ပတ်လည်မဂ္ဂဇင်း (၁၉၅၈-၅၉)၊ လုပ်သားပြည်သူ့နိစဉ်သတင်းစာ (၂၄-၈-၆၄) တွင် ကျင်နှင့်ပတ်သက် ဆောင်းပါးများကိုရွီးသားခရာ-
“ကျင်ဟူသည်မှာ ကျားနှင့်ယင် ဝေါဟာရနှစ်လုံးပေါင်းစပ်ဖြစ်ပေါ်လာရကြောင်း၊ “ကျားယင်၊ ယင်-ကျား” ကစပ်နည်းကိုအခြီခံ၍ ကျင်ဖြစ်ပေါ်လာရကြောင်းဆိုထားသည်။ “ကျားယင်” ကစပ်နည်း၊ ကျားကယင်ကို အုပ်ဖမ်းလိုက်၊ ယင်က ယှောင်ပြီးလိုက်နှင့် ယင်အကောင်နှစ်ဆယ်ကို ကျားနှစ်ကောင်က အနိုင်လိုက်ဖမ်းရန်အကွက် ရွှိကစပ်နည်းကိုအခြီမှီပြီး ကျင်သန်နှစ်ဦး ဖမ်းလိုက်၊ ခံလိုက်၊ ပစ်ချလိုက်နှင့် မြီသို့ကျအောင် ကစပ်ရသော နည်းအတတ်ပညာ” ဟူ၍ ယှင်းပြထားသည်။

တိုင်းရင်းသားယဉ်ကျေးမှုဓလေ့ထုံးစံများ (ရခိုင်) (၁၉၇၆) စာအုပ်၌ကား “ကျင်ဟူသည်မှာ ကျားလျှင်မှ ပြောင်းလဲလာခြင်းဖြစ်ကြောင်း၊ ကျားသည် သားကောင်ကိုဖမ်းသည့်အခါ လျှင်မြန်သည့်အဟုန်ဖြင့် ဖမ်းအောင်းရသကဲ့သို့ ဖြတ်လတ်လျှင်မြန်ရသည့်အတွက် “ကျားလျှင်” ဟုခေါ်ရာမှ ကျင်ဖြစ်လာသည်” ဟုဆိုထားသည်။

သဇင်နွယ် (မန္တလေးတက်ကသိုလ်) ၏ လက်နှိပ်စက်မူ ကျင်စာတမ်းငယ်၌ “ကျားကဲ့သို့ ခွန်အားဗလနှင့် ပညာကိုအသုံးချကိုင်ရသည့် အားကစပ်နည်းဖြစ်သည့် “ကျားအင်” လို့ခေါ်ရာမှ “ကျင်” ဖြစ်လာကြောင်းဆိုထားပြန်သည်။

ရမ္မာဝတီပညာစာရနှင့် လှအောင်ရွှေရို့ရွီးသားသည့် “ရမ္မာဝတီတေးကဗျာများစာအုပ်” (၁၉၉၀) တွင်းလည်း ရမ်းဗြဲဒေသိယသဘာဝတေးကဗျာတချို့ကို တွိရပြီး ထိုကဗျာများထဲတွင် ကျင်ဝေါဟာရနှင့်ပတ်သက်၍ “ကျအယင်၊ ကျီးယင်၊ ကျယင်၊ ကျအားယင်” စသည်ဖြင့် အမျိုးမျိုးအသံထွက်ကာ ဖွဲ့ဆိုရွီးသားထားသည်ကို တွိရသည်။ ကဗျာတပိုဒ်ကိုထောက်ပြရလျှင် -
“ရွာဘုံကေရာ သောင်းလဲ၊ များဘုံဆင်ကေ၊ ရွာတွင်လူများ၊ ကျအင်တိုက်တေ ထိုပွဲလယ်မှာ၊
မျှောကာကြည့်ကေ၊ ဝမ်းနည်းနည်းနှင့်” ဟူ၍ ဒေသိယလီသံဖြင့် ဖွဲ့ဆိုထားသည်ကို တွိရပါသည်။ မြောက်ဦးခေတ်တွင် ဓမ္မရာ (ထမရာ၊ အမရာ) မင်းသား ကျင်အတတ်ပညာသင်ယူပုံနှင့် ပတ်သက်၍ “ထမရာဖွဲ့” ၌ -

“ကျောက်တလင်းတွင်၊ ပျော်ပွဲရွှင်သောင်းသဲ၊ ကတူပွဲနှင့်၊ ပျော်ပွဲသဘင်၊ ကျင်ခြင်းသင်၍၊ ကာကောင်းခြင်းနှင့်၊ သိုင်းခြင်းသုံးဆယ်၊ သင်လတ်တေလေး။ ဒိုင်းခြင်းသုံးဆယ် သင်လတ်တေလေး။ စစ်ဆုတ်စစ်တက်၊ သင်လတ်တေလေး” ဟူ၍ တွိရသည်။

မဇ္ဈိမဒေသအရေးတော်ပုံကျမ်းနိဒါန်းရှည် (စာ-ငဲ) တွင်လည်း -
“ရခိုင်သားရို့သည် ဗဒုံမင်း၏ခိုင်းစေခြင်းအမျိုးမျိုးကို လုပ်ဆောင်ကတ်ရသည်။ ၎င်းရို့မှာ အမရပူရနီပြည်တော်တွင်ကျင်းပသော ပွဲလမ်းသဘင်များတွင် အတီးအမှုတ်၊ အကအခုန်၊ ကျယင်စသော ဖြေဖျော်မှုများ လားရောက်ဆောင်ရွက်ရ၏။” ရခိုင်ရာဇဝင်သစ်ကျမ်း (ဒုတွဲ)(စာ ၂၉၆) (ရခိုင်သားကြီးစာပီထုတ်) တွင်လည်း -

“ဒါးပိုင်ကြီးကျော်ပုံလည်း လေးတောင်စားလျှောက်ထားသည်ကိုသိလီလျှင် လျှောက်ထားရာသလောဟု အချက်ဝင်၍ လက်ဝှေ့ကျေးယင်ပွဲဆင်၍ သဘင်ပြုကြရာတွင် အကျူးအလွန်ပြုသည်ဟု လေးတောင်စားခေါ်မဲလွယ်ရို့ ညီအစ်ကိုသုံးယောက်ကို ဖမ်းယူလျှက် ဒါးပိုင်ကြီးကျော်ပုံသည် သတ်လီ၏။” ဟူ၍လည်းတွိရသည်။

ကျင်နှင့်ပတ်သက်၍ စကားပုံ၊ ဥပမာတချို့လည်းဟိသည်။ “အဘကျင်သန်၊ သားအင်တန်” “ကျင်သန်အို ကြက်နှင်မရ” “ကစပ်ကြီးကေ ကျင်ဖြစ်တေ” စသည်ဖြင့်ဖြစ်သည်။

မြန်မာ့အဘိဓာန်ကျမ်း (ပတွဲ) (၁၉၉၁) ၌ ကား -

ကျင် (ကြိ) ။ မြီကြီးနှင့်ရောနီသော ရွှေမှုန့်၊ ငွေမှုန့်များကို ကျင်ခွက်တွင်ထည့်ကာ ရီတွင်သဲ့ယူသည်။
ကျင် (ကြိ) ။ တတ်မြောက်လိမ်မာသည်။ “လူ့ပြည်နတ်ပြည်၊ ဘုံသုံးထပ်တွင်၊ နိုင်အံ့မထင်၊ ပညာကျင်သည်၊ ထွတ်တင်မော်ကွန်းထား၏တည်း”
ကျင်ကိုင် (ကြိ)(ရခိုင်) ။ တဦးနှင့်တဦး၊ အနိုင်အယှုံးလုံးသတ်သည်။ တောင်ကျော်ကိုင်သည်၊ နပန်းလုံးသည် - ဟူ၍ဖြစ်သည်။

သို့ဖြစ်၍ ကျင်ဝေါဟာရအဓိပ္ပါယ်ကို နိဂုံးကောက်ချက်ချပါက ကျင်ဆိုသည်မှာ ကျင်ပင်ဖြစ်သည်ဟု၍ ဆိုရပေမည်။ ကျွမ်းကျင်သည်။ ကျင်လည်သည်။ ကျင်ပစ်ချသည်ဆိုသည့် အဓိပ္ပါယ်ပင်မဟုတ်ပါလား။

အခန်း (၂)

ကျင်သမိုင်းကြောင်း

ကျင်သမိုင်းကြောင်းနှင့်ပတ်သက်၍ တောင်ကျောင်းဆရာတော်၏ ရခိုင်ရာဇဝင်သစ်ကျမ်းအပါအဝင် ရခိုင်ရာဇဝင်ကျမ်းတချို့၏အလိုအရ လက်ပန်းသည်ရို့ လက်ပန်းသတ်ကြသည်ကို ၀ါသုဒေဝ၊ ဗလဒေဝခေတ် (ဘီစီ ၆၀၀ ကျော်လောက်က) ရှိဦးစွာ ဒွါရာတီခေတ်ကပင်ဟိကြောင်း ဖော်ပြထားသည်။ ဝါသုဒေဝ၊ ဗလဒေဝရို့ မင်းညီနောင်တကျိပ်သည် ဦးရီးတော်ကံသမင်းကြီး ထောင်ချောက်ဆင်ကျင်းပသည့် လက်ပန်းသတ်ပွဲ၌ စာရုယလက်ပန်းသည် မုဠိအလက်ပန်းသည်ရို့နှင့် လုံးသတ်အနိုင်ရပြီးနောက် ပြည်သိမ်းပုံများကို ရွီးဖွဲ့ထားသည်။ ဦးရာဇ်တောင်ဘုရားသမိုင်းလင်္ကာ “ကျင်လက်ပန်းနှင့်၊ မြီဝန်းရုပ်သီး ရှုမငြီးအောင်” ဟူ၍ရွီးဖွဲ့ထားသည့်အတွက် ကျင်ကိုလက်ပန်းလုံးပွဲဟုလည်းခေါ်သည်။

ပါမောက္ခချုပ်ဦးကျော်ရင်၏ “ရခိုင်ရိုးရာအတတ် ကိုယ်ပိုင်ပညာကျင်ပွဲ” (ရခိုင်တန်ဆောင် ၁၉၅၈) ဆောင်ပါးတွင် -

“ရှိရခိုင်မင်းဆက်များလက်ထက်တွင် ဘီလူးကို အသီသတ်ခသော ကျင်သမားဟုဟိသည်။ ထိုနည်းတူ မွန်မင်းများလက်ထက်တွင်လည်း အသားမင်းသားမှာ ခုနစ်တောင်မြင့်သော ကုလားလန်ဘားနှင့် နပန်းလုံးသတ်ခသည်။ မြန်မာရာဇဝင်တွင်လည်း ရန်မန်ထွေးသည် မိကျောင်း၊ ကျား၊ ဆင်ရို့နှင့်နပန်းလုံးကာ သတ်ပုတ်အောင်မြင်၍ အနန္ဒသူရိယဘွဲ့ကိုပင် ရဟိခသည်။ အသားမင်းသား ကုလားလန်ဘားနှင့် နပန်းသတ်သည်မှာ ရာဇဝင်အရ နှစ်ပေါင်းထောင်ကျော်ဟိလတ်ပြီ။ ကမ္ဘာပေါ်တွင်လည်း နပန်းလုံးအတတ်ပေါ်ပေါက် ခေတ်စားသည်မှာ နှစ်ပေါင်းထောင့်ငါးရာကျော်လတ်ပြီ။ ဤအကြောင်းနှစ်ရပ်ကိုထောက်၍် ရခိုင်ပြည်တွင်လည်း ကျင်အတတ်ပေါ်ပေါက်ခသည်မှာ နှစ်ပေါင်းတထောင်ထက်မလျော့နိုင်ဟု တွေးမိသည်။” ဟူ၍ သုံးသပ်ပြထားသည်။

ဝေသာလီခေတ် စူဠစန္ဒြားမင်းလက်ထက်၌ အမတ်ကြီးဓမ္မဇေယျသည် “ဗျည်း-၃၃ လုံးလှီလှော်သံ” ကိုစပ်ဆိုခသည်။ ယင်းလှီလှော်သံကို ကျင်သန်ကြီးများက ပြိုင်တူရွတ်ဆို၍ စည်ကြီးဗြိန်းစောင်းတီးကာ ပြိုင်လောင်းကြီးများကိုလှော်၍ ရခိုင်ရီတပ်မကြီးဖြင့် စစ်ချီထွက်ကြောင်းဆိုထားသည်။ ရခိုင်ပြည်နယ်ဖြစ်စဉ်သမိုင်း (ပဉ္စမတွဲ) (ယဉ်ကျေးမှုကဏ္ဍ) စာ-၁၈၈ ၌ -

“ရှိခေတ်ရီတပ်မတော်များတွင် စစ်ချီထွက်သောခါ သန်မာထွားကျိုင်းသူကျင်သန်ကြီးများက လှီကိုလှော်ခတ်ရသည်။” ဟူ၍ ရွီးထားသည်။ ၎င်းလှီလှော်သံကိုအကြောင်းပြုလျှက် ပြိုင်လောင်းသံကျပ်များ စပ်ဆိုခသည်။

“ကိုးစိတ်ကိုးလံ၊ ကိုးပင်းကန်၊ ကျင်သန်တိရာတက်ပျာစီးလို့၊ မဟာလောင်းကြီးထွက်လို့လာ” (ရခိုင်ညွန်ဖူး၊ ၁၉၆၈--စာ-၈၃) “ကိုးဆယ့်ကိုးလံ၊ ကိုးပင်းကန်၊ ကျင်သန်တပြီး၊ စည်တတီး” စသည်ဖြင့်ဖြစ်သည်။ မြောက်ဦးခေတ် “ထမရာဖွဲ့” ၌လည်း ကျင်ခြင်း၊ ကာခြင်း၊ သိုင်းခြင်း၊ ဒိုင်းခြင်းအတတ်ပညာများ သင်ယူပုံကိုဖွဲ့ဆိုထားဟိပြီးဖြစ်သည်။ အမရပူရနေပြည်တော်၌ ကျင်ဖြေဖျော်မှုပြုလုပ်ပုံကိုလည်း “မဇ္ဈိမဒေသအရေးတော်ပုံကျမ်း” ၌ တွိရသည်။ ရုပ်ဝတ္ထုသက်သီအဖြစ် သျှစ်သောင်းဘုရားလှိုဏ်ဂူပတ်တွင်း၌ ကျင်းအားကစပ်နည်းဆိုင်ရာ ရုပ်လုံးရုပ်ကြွများ ထွင်းထုထားသည်ကို ကနိထိ တွိမြင်နိုင်သည်။

ဤအကြောင်းအချက်များကိုဆက်စပ်၍ ကျင်အားကစပ်နည်းအတတ်ပညာသည် ရှိခေတ်အဆက်ဆက် ရခိုင်မင်းများလက်ထက်ကပင် ဆင်းသက်လာသည့် နည်းပညာရပ်ဖြစ်သည်ကို တိတိကျကျပြောနိုင်သည်။ ရှိရခိုင်မင်းများလက်ထက်ကပင် ရခိုင်ရိုးရာကျင်ပွဲများကို မင်းညီလာခံနန်းတွင်းသဘင်များ၌ ကျင်းပလာမြဲဖြစ်သည်။

တိုင်းပြည်အဝှမ်း မြို့ပြကျွန်းရွာဒေသများ၌ စည်စည်ကားကား ထူးထူးခြားခြားကျင်းပသည်။ ကျင်ပွဲ၊ ပြိုင်လောင်းပွဲများသည် ရခိုင်ရို့၏တိုက်ရေး၊ ခိုက်ရေး၊ စစ်ရေးအတွက်လည်းကောင်း၊ စည်းလုံးညီညွတ်မှု၊ အားမာန်တက်ကြွမှု၊ ယုံကြည်မှု၊ ကျန်းမာကြံ့ခိုင်မှုများအတွက်လည်းကောင်း၊ နန်းတွင်းနန်းပြင်၊ မြို့ပြကျွန်းရွာမကျန် စည်ကားမြိုင်ဆိုင်စွာကျင်းပသည့် ပညာတရပ်ဖြစ်သည်။ ကျွန်းပွဲ၊ ရွာပွဲ၊ ဘုရားပွဲ၊ ထီးတင်ပွဲ၊ ဈာပနပွဲ၊ မယ်တော်ပျံပွဲ၊ သင်္ကြန်ပွဲ၊ ပြိုင်လောင်းပွဲ၊ ရထားပွဲစသည့် ပွဲတော်တိုင်း၌ ကျင်ပွဲမပါလျှင်မပြီးဆိုလောက်သည်။

ရခိုင်ရိုးရာအက “ကျင်ယိမ်း” ၌ -

“ကျယင် ကျင်၊ ဖမ်းလူခံလူ၊ တူတူလုံး၊ ဒုန်းဒုန်းလည်းချ၊ အကျလည်း ယင်၊ ကျယင် ကျင်၊ ရခိုင်သားရို့ကြိုက်တေ ရခိုင်ကျင်၊ ခေါ်တွင်လာကတ်၊ အားကစပ်၊ ပွဲတိုင်းမလွတ် သူပါဝင်” ဟူ၍ စပ်ဆိုထားသည်။

ကျင်ခေတ်ဦးက တပွဲလုံး၌ နောက်ဆုံးအနိုင်ရဗိုလ်စွဲသူကို ဘုရင်၊ မိဖုရားရို့ကိုယ်တိုင် “ပန်းစည်းဆု” ချီးမြှင့်ကြောင်းသိရသည်။ ထိုသို့ ဆုချီးမြှင့်ပုံစနစ်သည် ရှိဂရိပြည် အိုလံပစ်ပွဲ၌ “လောရယ်” (ခေါ်) သစ်ခွပန်းစည်းဆု ချီးမြှင့်ပုံနှင့်တူကြောင်း သဇင်နွယ်၏စာတမ်းငယ်၌ ရွီးသားထားသည်။ ယခုထိကျင်သန်များအား “ပန်းဆု”ဟူ၍ူ ချီးမြှင့်သည်ကို တချို့နီရာများ၌ တွိရသိမ့်သည်။

ရှိက ကျင်ပွဲကိ ရွှေမောင်းတန်း၊ ငွေမောင်းတန်းဟူ၍ ခွဲခြားကျင်းပသည်။ ပထမတန်း၌ နောက်ဆုံးအနိုင်ရဗိုလ်စွဲသူကို ရွှေမောင်ဆု၊ ဒုတိယတန်း၌ နောက်ဆုံးအနိုင်ရဗိုလ်စွဲသူကို ငွေမောင်းဆုများချီးမြှင့်သည်။ ရွှေမောင်း၊ ငွေမောင်းများမှာ တစ်ကျပ်၊ တစ်ကျပ်ခွဲထိ အလီးဟိပြီး တံဆိပ်ခပ်နှိပ်ကာ ပိုးကြိုး၊ သိုးမွှီးကြိုးကျစ်၍ လိုင်ဖင်း၌စွပ်၍ ချီးမြှင့်သည်။ အင်္ဂလိပ်စာလက်ထက်က အင်္ဂလိပ် “မယ်လ်ဒေးလ်” တံဆိပ်မျိုးခပ်နှိပ်ကာ ရွှေတံဆိပ်၊ ငွေတံဆိပ်များကို ချီးမြှင့်ခကတ်သည်ဟုဆိုသည်။ ကနိခေတ်ထိ ရွှေမောင်း၊ ငွေမောင်းဆုများကို ရှိမူမပျက်ချီးမြှင့်ကျင်းပမြဲဖြစ်သည်။ ကျင်တခေတ်ဆန်းသစ်လာသော ကနိကာလ၌ ကားကျင်ပွဲများကို ခေတ်နှင့်အညီ ဆန်းသစ်တီထွင်ကာ ရွှေမောင်းဆုများကျည်း ချီးမြှင့်ကျင်းပလာလတ်သည်။

ရခိုင်တော်ဝင်ဂန္ဓဝင်မြောက် ရခိုင့်ကျင်ကို မပျောက်မပျက်၊ တိုးတက်ဖွံ့ဖြိုးအောင်လုပ်ဆောင်ရန်မှာ မျက်မှောက်ခေတ် ရခိုင်သားတိုင်း၏တာဝန်ဖြစ်သည်။

အခန်း(၃)

ကျင်ပညာ၏နက်နဲပုံ၊ စနစ်ကျပုံနှင့် အကျိုးသက်ရောက်ပုံ

(က) နက်နဲပုံ၊ စနစ်ကျပုံ

(၁) ကျင်ပညာသည် ပြင်းပြင်းထန်ထန် ထိုးကြိတ်၊ သတ်ပုတ်၊ ကန်ကျောက်ပြီး ပြိုင်ဖက်အား အနာတရဖြစ်အောင် ဒေါမာန်ဖြင့်ကြံဆတိုက်ခိုက်သည့် နည်းပညာမဟုတ်။ (ဦးက္ခောင်း၊ ဒူး၊ တန်းတောင်၊ ခြီဖနာင့်၊ ခြီစောင်း၊ ခြီဖဝါး၊ လက်စောင်း၊ လက်ဝါး၊ လက်ညှိုး၊ လက်သီးစသည်များကိုသုံးပြီး (ထိုး၊ ရိုက်၊ ကျောက်၊ ကန်) သတ်ပုတ်ခြင်းမျိုး လုံးဝမပါဝင်ချေ။

(၂) ကျင်ပညာ အဖမ်းသားအနီဖြင့် လက်နှင့်ခြီကို အသုံးချသည့်အခါ (ထိုး၊ ရိုက်၊ ကျောက်၊ ကန်၊ သတ်ပုတ်) တိုက်ခိုက်ရန်အတွက်မဟုတ်ပဲ (ဆွဲ၊ ဖမ်း၊ ငင်၊ ဖက်၊ တိုး၊ ကန်၊ ပေါက်၊ ချိတ်၊ ကော်၊ ပင့်၊ လိမ်၊ ကျစ်) ရန်အတွက်သာလျှင် အသုံးချရသည်။

(၃) အခံကျင်သန်သည်လည်း အဖမ်းကျင်သန်က (ဆွဲ၊ ငင်၊ ပေါက်၊ ချိတ်၊ လိမ်၊ ကျစ်) လာသည့်အခါ စည်းကမ်းနည်းလမ်းတကျ (ယှောင်၊ ထွက်၊ ချွတ်၊ ထုတ်၊ ခါ၊ ပစ်၊ ပြန်ပစ်) ရန်အတွက်သာ မိမိ၏လက်နှင့်ခြီကို အသုံးချရသည်။ နာကြင်ကျိုးပဲ့အောင် ကြံစည်တုံ့ပြန်ခွင့်လုံးဝမဟိ။

(၄) အဖမ်းသားအခွင့်အရေးအနီဖြင့် အခံသားလက်ကိုဆွဲနည်း၊ မောင်းသတ်၊ မောင်းလိမ်၊ မောင်းကျပ်၊ မောင်းဖွင့်၊ မောင်းပြန်၊ မောင်းလွှဲနည်း၊ ခြီပေါက်နည်း၊ ချိတ်နည်း၊ ကော်နည်း၊ လိမ်နည်း၊ ကျစ်နည်း၊ ပစ်နည်း စသည်ဖြင့် လက်၊ ခြီများကို ကိုင်ပုံ၊ ပေါက်ပုံ၊ ကျစ်ပုံ စနစ်တကျဟိသည်။

(၅) အခံသားအခွင့်အရေးအနီဖြင့် ထိမ်းကိုင်၊ ဆီးကိုင်နည်း၊ ရုန်းယှောင်ထွက်နည်း၊ ခြီချွတ်လက်ချွတ်နည်း၊ ခါနည်း၊ ပစ်နည်း၊ ပြန်ပစ်နည်း၊ အပြန်ပစ်နည်းများသီးခြားစီ အပြန်အလှန်စနစ်တကျဟိသည်။

(၆) အဖမ်းသားကျင်သန်ကို အခွင့်အရေးပိုပီးထားပြီး ယင်းအခွင့်အရေးကို အခြင်း၊ အကွက်ဖြင့် စနစ်တကျ ကျင်ပညာအသုံးချကိုင်ကာ အခံကျင်သန်အားအနိုင်ရအောင် ပစ်ချရန်ဖြစ်သည်။ အခံသားကျင်သန်သည်လည်း အဖမ်းသားကျင်သန် ထိုကဲ့သို့ လုံးဖမ်းကိုင်တွယ်သမျှ ငုံ့ခံနီရုံမဟုတ်ပဲ အခံကျင်သန်၏ခုခံခွင့်အတတ်ပညာကိုပါ တီထွင်ဖန်တီးထားသည်။ အဖမ်းသား၏လုံးဖမ်းကိုင်တွယ်ခွင့်နှင့် အခံသား၏ခုခံကာကွယ်ခွင့် ပညာနှစ်ရပ်ကို သူတလှည့်ကိုယ်တလှည့်၊ သူတပြန်ကိုယ်တပြန် ကိုင်ခွင့်ပြုလျှက် ပညာစွမ်းပြရသည့် အားကစပ်နည်းပညာရပ်ဖြစ်သည်။

(၇) ကျင်ကွင်းနည်းအမျိုးမျိုး ပုံစံတကျဟိသည်။

(၈) ကျင်ခြင်း၊ ကျင်ကွက်၊ ကျင်ဖမ်းနည်း၊ ကျင်ခံနည်းများ စနစ်တကျ ကျယ်ကျယ်ဝန်းဝန်း ဟိသည်။

(ခ) ကျင်ပညာ၏အကျိုးသက်ရောက်ပုံ

(၁) ကျင်ပညာသည် လူငယ်ရို့၏ တကိုယ်ရည်စွမ်းရည်ပြည့်ဝမှု၊ ကိုယ်ခန္ဓာကြံ့ခိုင်မှုအတွက် အရေးပါသည့် နည်းပညာရပ်ဖြစ်သည်။
(၂) ဇွဲ၊ သက္တိကိုခိုင်မာစီသည်။ အခက်အခဲကို တဦးတည်း ကြံ့ကြံ့ခိုင်ခိုင် ရင်ဆိုင်ဖြတ်ကျော်ရဲသည့်ုစိတ်ကို ရဟိစီသည်။
(၃) တက်ကြွမှုအားမာန်ကို ရစီသည်။
(၄) ယုံကြည်ချက်ပြည့်ဝစီပြီး ပြတ်သားခိုင်မာစီသည်။
(၅) ယုတ်ညံ့သိမ်ဖျင်းစိတ်၊ အားငယ်ကြောက်ရွံ့စိတ်များကို ကင်းပျောက်စီသည်။
(၆) မိမိကိုယ်မိမိ အားကိုးယုံကြည်စိတ် မြင့်မားစီသည်။
(၇) ဆုံးဖြတ်ချက်တရပ်ကို မှန်မှန်ကန်ကန်၊ ခိုင်ခိုင်မာမာချမှတ်လုပ်ကိုင်ဆောင်ရွက်လိုစိတ်ခိုင်မြဲစီသည်။
(၈) ကျန်းမာကြံ့ခိုင်သန်စွမ်းမှု၊ လျှင်မြန်ဖျတ်လတ်မှုဖြစ်စီသည်။
(၉) လူ့ဘောင်ဝန်းကျင်နှင့် ပေါင်သင်းဆက်ဆံရေးကိုတိုးတက်စီသည်။
(၁၀) အများအကျိုး၊ ဦးဆောင်ဦးရွက်ပြု ပါဝင်ဆောင်ရွက်နိုင်ရန် ကာယ၊ ဉာဏ်စွမ်းရည်များကိုပြည့်ဝစီသည်။
သို့ဖြစ်၍ ဤအမျိုးသားရေးလက္ခဏာ၊ အမျိုးဂုဏ်ပေါ်လွင်စီသည့် အမျိုးသားယဉ်ကျေးမှု
အစစ်အမှန်ဖြစ်သည့် ကျင်အားကစပ်နည်းပညာရပ်ကို ရခိုင်လူငယ်တိုင်း နားလည်ကျွမ်းကျင်တတ်မြောက်အောင်ကြိုးစားပြီး လက်ဆင့်ကမ်းထိန်းသ်ိမ်းရမည်။ သို့မှသာ ကျင်ပညာ၏ဂုဏ်ရည်၊ အမျိုးသားဂုဏ်ရည် ပိုမိုတိုးတက်တောက်ပြောင်လာမည်ဖြစ်သည်။

အခန်း(၄)

ကျင်သန်များနှင့် ကျင်အတန်းအစားခွဲခြားပုံ

(က) ကျင်သန်အတန်းအစားခွဲခြားပုံ

(၁) ကျင်သန်။ ။ ကျင်အတတ်ပညာတတ်ကျွမ်းပြီး ခန္ဓာကိုယ် သန်မာထွားကျိုင်းသူအားလုံးကိုပေါင်းရုံး၍ ကျင်သန်ဟုခေါ်သည်။

(၂) ကျင်သန်ချေ။ ။ ကျင်ပညာသင်စ၊ ကျင်ကိုင်စ၊ အသက်အရွယ်ငယ်နုသော သူလူငယ်များ၊ ငွေမောင်းတန်း (အငယ်တန်း) ၌ ဝင်ကိုင်စလူငယ်များကို ကျင်သန်ချေ (ကျင်သန်ငယ်) ဟုခေါ်သည်။

(၃) ကျင်သန်ကြီး။ ။ ကျင်ပညာရည်ပြည့်ဝပြီး ကျင်ပွဲများစွာကိုင်ဖူးပြီး ပွဲအတွိအကြုံရင့်ကျက်သည့် အားခွန်ဗလပြည့်စုံသည့် ကျင်သန်၊ ရွှေမောင်း၊ ငွေမောင်း အကြိမ်ကြိမ်ရဖူးသည့်ကျင်သန်မျိုးကို ကျင်သန်ကြီးဟု ခေါ်သည်။ အထူးသဖြင့် ရွှေမောင်းတန်း (အကြီးတန်း) မှ ရွှေမောင်းရကျင်သန်ကြီးများကို ခေါ်သည်။

(၄) ပြည်ကျင်သန်ကြီး။ ။ ပြည်ကျင်သန်ကြီးဆိုသည်မှာ ကျင်လောက၏ အထွတ်အထိတ်ဂုဏ်ပုဒ်ပင်ဖြစ်သည်။ ရခိုင်ပြည်ဒေသအနှံ့က ပွဲတိုင်းလိုလို၌ ရွှေမောင်းမြောက်များစွာရဟိထားပြီး၊ ပရိသတ်ကြိုက်နှစ်သက်သော ကျင်သန်ကြီး၊ အင်အားနှင့်ပညာရပ်၌ အံ့မခန်းလောက်အောင် ထူးချွန်ပြည့်စုံပြီး လေးစားချီးကျူးထိုက်သော ပုဂ္ဂိုလ်မျိုးကို ပြည်ကျင်သန်ကြီးအဖြစ် ပြည်သူရို့နှုတ်ဖျားမှ ကင်းပွန်းတပ်ပီးသည့် ဘွဲ့ဖြစ်သည်။ အဆင့်မြင့်ဆုံး ပြိုင်စံယှား ကျင်ပညာသျှင်များဖြစ်သည်။

(ခ) ကျင်အတန်းအစားခွဲခြားပုံ

(၁) ရှိအစဉ်အလာ ကျင်အတန်းအစားခွဲခြားပုံ

ရှိအစဉ်အလာအရ ကျင်ပွဲကို ရွှေမောင်းတန်း၊ ငွေမောင်းတန်း အတန်းနှစ်မျိုးခွဲခြားကျင်းပသည်။ ရွှေမောင်းတန်းမှာ ရွှေမောင်းဆု၊ ငွေမောင်းတန်းမှာ ငွေမောင်းဆု ချီးမြှင့်သည်။ ရွှေမောင်းတန်း၌ နိုင်မောင်း (ပထမဆု)၊ ကျမောင်း (ဒုတိယ) ပီးသကဲ့သို့ ငွေမောင်းတန်း၌ ထိုသို့ချီးမြှင့်သည်။ ငွေမောင်းတန်း၌ ပွဲမြောက်များစွာကိုင်ဖူးပြီး ငွေမောင်း (ပထမဆု) အကြိမ်ကြိမ်ရဖူးကာ ကျင်အတွိအကြုံရင့်ကျက်သူ၊ အားအင်လည်းပြည့်စုံသူကို ရွှေမောင်းကျင်သန်အဖြစ် တန်းတင်၍တိုက်တတ်သည်။ ရွှေမောင်းတန်းကျင်သန်မှာ ငွေမောင်းတန်း၌ဆင်းကိုင်ခွင့်မဟိ။ ငွေမောင်းတန်း၌ တက်ရောက်ယှဉ်ပြိုင်ကိုင်နိုင်ခွင့်ဟိသည်။

(၂) ခေတ်သစ်ကျင်အတန်းအစား ခွဲခြားပုံ

ကနိ ရခိုင်ပြည်၏ အထင်ကရကျင်ပွဲကြီးတချို့ ၌ ကျင်ကိုခေတ်နှင့်အညီတိုးတက်အောင် တီထွင်ကြံဆကျင်းပလာပြီးဖြစ်သည်။ မိမိအသက်အရွယ်အလိုက် ကြီးငယ်မရွီး ကျင်သန်တိုင်း ကျင်ကိုင်ခွင့်ရစီရန်စီစဉ်ပြီး ကျင်အတန်းအစားများကို အောက်ပါအတိုင်း ခွဲခြားကျင်းပလာသည်။

(က) သက်ကြီးတန်း (ကျင်အိုတန်း)
(ခ) အကြီးတန်း (ပထမတန်း)
(ဂ) အလတ်တန်း (ဒုတိယတန်း)
(ဃ) အငယ်တန်း (တတိယတန်း)
(င) တန်းသစ်

မမျှော်လင့်ပဲ မတန်တတန် ယှုံးနိမ့်လားရသည့်ကျင်သန်များ၊ မပြတ်သားအယှုံးပီးလားရသည့် ကျင်သန်များ၊ ပရိသတ်အကြိုက် (သို့မဟုတ်) ကျင်ကော်မတီများအကြိုက် ကျန်သန်များကိုလည်း (မောင်းမရပဲ ယှုံးလားရသည့်ကျင်သန်ထဲမှ) ရွီးထုတ်ပြီး တိုက်ပီးသည့် စိန်ခေါ်မောင်း (စိန်ခေါ်ပွဲ) သို့မဟုတ် (ကြည့်ချင်ပွဲ) ဟူ၍လည်း စီစဉ်ကျင်းပပီးတတ်သည်။


အန်း(၅)

ကျင်ကိုင်ပုံ

အခြီခံသဘောမိတ်ဆက်

(က) ကျင်ကိုင်ပုံ ယျေဘုယသဘော

ကျင်ကိုင်သည်ကို ကျင်လုံးသည်ဟုလည်းဆိုသည်။ ကျင်ကိုင်၊ ကျင်လုံးရန်အတွက် ကျင်သန်နှစ်ဦး ဟိရမည်။ ကျင်သန်နှစ်ဦး ကျင်ကိုင်သည်ကို ကျင်တပူး (သို့) ကျင်တည်းတတည်း (သို့) ကျင်တွဲတတွဲအဖြစ် သတ်မှတ်သည်။ ကျင်တည်း ကျင်ကိုင်ရန်အတွက် (အဖမ်း) နှင့် (အခံ) ကို ရွီးချယ်ပီးရသည်။ ကျင်သန်တဦးကဖမ်းပြီး ကျန်တဦးက ခံပီးရသည်။ ကျင်ဖမ်းသူကို အဖမ်းသား (သို့) အဖမ်းကျင်သန်(သို့) အဖမ်းလူဟုခေါ်ပြီး ကျင်ခံပီးသည့်သူကို အခံသား(သို့) အခံကျင်သန် (သို့) အဖမ်းလူဟုခေါ်သည်။ ဖမ်းလှည့်ကိုရသော ကျင်သန်က လက်မောင်းနှစ်ဖက်ကိုမြှောက်ကားကာ စဖမ်းရပြီး၊ အခံလှည့်ကျသည့်ကျင်သန်က လက်မောင်းနှစ်ဖက်ကို နံဘေးမှာကပ်၍ လက်ဖျားပိုင်းကို ရှိသို့တောင့်တောင့်ပီးထားကာ ကိုယ်ကိုကိုင်းညွတ်ဦးတည့်ပြီး သတိဖြင့်ခံပီးရသည်။

အခံသားခြီနှစ်ဖက်ကိုလည်း ပြိုင်မရပ်ဘဲ ရှိနောက်ဟန်ချက်ညီညီ ထားပြီးခံရသည်။ အဖမ်းသားကစပြီး လှန်၊ ဖက်၊ ဆွဲ၊ ဖမ်း၊ ပေါက်၊ ချိတ်၊ လိမ်၊ ကျစ်နိုင်သည်။ ကျင်ခြင်း၊ ကျင်ကွက်ဖြင့်ပစ်ချနိုင်သည်။ ထိုသို့ အဖမ်းသားက ဆွဲ၊ ဖမ်း၊ လှန်၊ ဖမ်း၊ ပေါက်၊ ချိတ်၊ လိမ်၊ ကျစ်ရန် ကြိုးစားလာသည့်အခါ ပစ်ချလာသည့်အခါ တချိန်တည်းတပြိုင်တည်းမှာ အခံကျင်သန်ကလည်း ဖြုတ်၊ ဆီး၊ ကာ၊ ချွတ်၊ တိုး၊ ကန်၊ ရုန်း၊ ထွက်၊ ကာခွင့်ဟိသည်။ ပြန်လည်ပစ်ချခွင့်ဟိသည်။

(ခ) ကျင်တည်းပုံ၊ ကျင်တိုက်ပုံ ယျေဘုယျသဘော

ကျင်သန်နှစ်ဦး ကျင်တတည်းစီးတွဲပြီးနောက် “ကျင်တလင်း” (သို့) “ကျင်ကွင်း” ထဲ၌
ကျင်တိုက်ရသည်။ “ကျင်တည်း” များကို “ကျင်တည်းအဖွဲ့” (ကျင်စာရင်းထိန်းကော်မတီ) ကတည်းပီးပြီး၊ ၎င်းကျင်တည်းများကို ကျင်ကွင်းထဲသို့ ကျင်ကိုင်ဖို့လာရောက်ပါရန် “ပြန်ကြားရေးကော်မတီ” ကဖိတ်ခေါ်ပီးရသည်။ ကျင်သန်နှစ်ဦးစလုံးရောက်ဟိက ၎င်းကျင်တည်းကို “ကျင်ဒိုင်အဖွဲ့” ထဲမှ ကျင်ဒိုင်နှစ်ဦးတာဝန်ယူကြီးကြပ်ပြီး ကျင်တိုက်ရသည်။

တာဝန်ယူကြီးကြပ်မည့် ကျင်ဒိုင်နှစ်ဦးစီကို ကျင်တွဲနှင့်တွဲဖက်၍ “ကျင်တည်းအဖွဲ့က” နာမည်ကြော်ငြာပီးရသည်။ ကျင်တလင်းအကျယ်အဝန်း၊ ကြီးကြပ်ကျင်ဒိုင် အရွီအတွက်အပေါ်မူတည်၍ ကျင်တည်းများကို တတည်းကနီ၊ လေး၊ ငါးတည်းထိ တပြိုင်တည်းတိုက်နိုင်သည်။ ကျင်တလင်း၌ ကျင်ဒိုင်အဖွဲ့က ကြီးကြပ်သည်။ တချို့ပွဲ၌ “ကျင်ဒိုင်ချုပ်” ဟူ၍ သီးသန့်ထားပီးသည်။ သက်ဆိုင်ရာကျင်ဒိုင်နှစ်ဦးက ကျင်တည်းကို အဖမ်းအခံသတ်မှတ်ပီးရသည်။ ကျင်တတည်း၏အယှုံးအနိုင်ကို ကြီးကြပ်ကွင်း ကျင်ဒိုင်များ၏အဆုံးအဖြတ်ဖြင့်မကြေနပ်ပါက “ကျင်ခုံသမာဓိအဖွဲ့” (ကျင်အကဲဖြတ်လူကြီးအဖွဲ့) ထံ စောဒကဝင်တင်ပြနိုင်သည်။ ကျင်ခုံသမာဓိအဖွဲ့၏ဆုံးဖြတ်ချက်သည် နောက်ဆုံးအပြီးအပြတ်အတည်ဖြစ်သည်။

(ဂ) ကျင်တတည်း၏ကျင်ကိုင်ပုံအဆင့်ဆင့်

ကျင်တတည်း၏ကျင်ကိုင်ပုံအဆင့်ဆင့်ကို အနှစ်ချုပ်သာဖော်ပြပါမည်။ အဖမ်းသားက အခံသားကို ခြီတကြိမ် ပေါက်၊ ချိတ်၊ လိမ်၊ ကျစ်၍ အခံသားမကျပဲ ရုန်းလွတ်လားပါက အဖမ်းတခေါက်ပြီးလားပြီးနောက် တကြိမ်ထပ်ဖမ်းရသည်။ နောက်တကြိမ်လည်း အဖမ်းသားက ခြီတင်၊ ပေါက်ချိတ်၊ လိမ်ကျစ်ပစ်၍ အခံသားမြီပေါ်မကျပဲ လွတ်လားပါက အဖမ်းနှစ်ခေါက် ပြီးလားပြီဖြစ်သည်။ နှစ်ခေါက်ရာ ခြီတင်ပစ်ခွင့်ဟိပြီး အခံသားက ပြန်ဖမ်းရမည်ဖြစ်သည်။ ကျင်တည်းတတည်း၏အယှုံးအနိုင်သတ်မှတ်ပုံကို အောက်တွင် ဇယားဖြင်ဖော်ပြထားသည်။

ဥပမာ။

စဉ်....... မောင်ဖြူ........... မောင်နီ............ ကျသူ................... အနိုင်ရသူ

(က)
…….....အဖမ်း ...............အခံ ................မောင်နီကျ............. မောင်ဖြူနိုင်
..........အခံ ..................အဖမ်း .............မောင်နီကျ..............

(ခ)
.….... အဖမ်း ..............အခံ ...............မောင်ဖြူကျ............. မောင်နီနိုင်
..........အခံ .................အဖမ်း .............မောင်ဖြူကျ

(ဂ)
.…....အဖမ်း ..............အခံ................ မောင်နီကျ................. မောင်ဖြူနိုင်
........အခံ................ အဖမ်း................ မောင်နီဖမ်းမရ

(ဃ)
……....အဖမ်း ............အခံ ..................မောင်နီကျ
..........အခံ ...............အဖမ်း ................မောင်ဖြူကျ
..........အဖမ်း ............အခံ ...................မောင်ဖြူကျ
.........အခံ ................အဖမ်း ................မောင်နီကျ
.........အဖမ်း .............အခံ ...................မောင်ဖြူဖမ်းမရ
..........အခံ ...............အဖမ်း .................မောင်နီဖမ်းမရ

အဖမ်းတခေါက်၊ အခံတခေါက်စီ သူတလှည့်ကျနီပြီး အယှုံးအနိုင်မရဖြစ်နီပါက “အဖမ်း၊ အခံ” ကိုပြန်၍ “အသစ်တဖန် မျောက်ပန်းလှန်ပီး၍ ဖမ်းသူမှာ ခြီတခေါက်ရာ ပေါက်ချိတ်၊ လိမ်ဖမ်းခွင့်ပြုရပါသည်။ ကျသူကို အယှုံးပီးရသည်။ လုံးဝအယှုံး၊ အနိုင်မရပါက အယှုံးအနိုင်ကို မျောက်ပန်းလှန်၍ ဖြစ်စီ၊ မဲဖြင့်ဖြစ်စီ ဆုံဖြတ်နိုင်သည်။

အခန်း(၆)

ကျင်ပွဲကျင်းပရေးကော်မတီများ

ကျင်ပွဲကျင်းပရေးကော်မတီအသီးသီးသည် မိမိရို့၏လုပ်ငန်းတာဝန်ဝတ္တရားများကို ဆုံးဖြတ်လုပ်ပိုင်ခွင့်ဘောင်အတွင်းမှနီ၍ ပြည့်ပြည့်ဝဝကြိုးပမ်းဆောင်ရွက်ရသည်။ ကျင်ပွဲ၌ ဖွဲ့စည်းရမည့် လုပ်ငန်းကောမတီများမှာ --

(က) ကျင်ခုံသမာဓိအဖွဲ့ (ကျင်အကဲဖြတ်လူကြီးအဖွဲ့)
(ခ) ကျင်ဒိုင်အဖွဲ့
(ဂ) ကျင်တည်းအဖွဲ့ (ကျင်စာရင်းထိန်းအဖွဲ့)
(ဃ) ပြန်ကြားရေးအဖွဲ့
(င) ကျင်ဇေပြား ရောင်းချရေးအဖွဲ့
(စ) ကျင်ဇေပြားကို (ဆုငွေ) ပြန်ပီးရောင်းချရေးအဖွဲ့
(ဆ) ကြိုဆိုနီရာချထားရေးးအဖွဲ့
(ဇ) ကျင်တလင်း၊ ကျင်မဏ္ဍပ်ပျင်ဆင်ရေးအဖွဲ့
(ဈ) ကျင်ပွဲအခမ်းအနားပျင်ဆင်ရေးအဖွဲ့
(ည) ကျင်သန်များဆုခံစဉ် လိုက်ပါကူညီရေးအဖွဲ့
(ဋ) လျှပ်စစ်မီးတပ်ဆင်ရေးအဖွဲ့
(ဋ္ဌ) စာရင်းထိန်း၊ စာရင်းစစ်အဖွဲ့….စသည်ဖြင့်ဖြစ်သည်။

ကျင်ပွဲ၌ အဓိကကဏ္ဍမှပါဝင်ရသည့် “ကျင်ဒိုင်အဖွဲ့” ၏ တာဝန်နှင့် ကျင့်ဝတ္တရားများကို ဆက်လက်ဖော်ပြပါမည်။


(ခ) ကျင်ဒိုင်အဖွဲ့၏တာဝန်နှင့် ကျင့်ဝတ္တရားများ

(၁) တာဝန်များ

(၁) ကျင်ဒိုင်များသည် မိမိနှင့်သက်ဆိုင်ရာကျင်တည်းများကို ကျင်တလင်းသို့ ခေါ်ယူပြီး ခါးစည်းကြိုးကို မှန်ကန်စနစ်တကျနှောင်စီးရမည်။ ဘောင်းဘီဖြင့်ကျင်ကိုင်းခြင်းကို တားမြစ်ရမည်။
(၂) အန္တရာယ်ဖြစ်စီနိုင်သည့် လက်ဝတ်ထည်များကို ဝတ်ဆင်ထားသည့်ကျင်သန်ကို ယင်းလက်ဝတ်ထည်အား ချွတ်ထားဖို့ပြောရမည်။ လက်သည်းရှည်ကျင်သန်များကို ချက်ချင်းလှီးဖြတ်စီရမည်။
(၃) ကျင်သန်နှစ်ဦးအတူ ပရိသတ်ကို ရှိခိုးအရိုအသေပြုပြီးမှ ကျင်ကွင်းထဲသို့ဝင်စီရမည်။
(၄) ကျင်သန်နှစ်ဦးကို ဒေါသမပါဘဲ၊ ချစ်ကြည်ရင်းနှီးစွာဖြင့် လက်ဆွဲနှုတ်ဆက်ပြီးမှ စည်းကမ်းနှင့်အညီ ကျင်ကိုင်စီရမည်။
(၅) ကျင်သန်နှစ်ဦး ဖမ်းလှည့်၊ ခံလှည့်ကို စည်းကမ်းအတိုင်း စီစည်ဆုံးဖြတ်ပီးရမည်။
(၆) ကြီးကြပ်ကျင်ကိုင်ဒိုင်နှစ်ဦးသည် မိမိရို့နှင့်သက်ဆိုင်ရာကျင်တည်းကို မျက်ခြီမပြတ် စိစပ်သေချာစောင့်ကြည့်နီရမည်။ ထိုင်မနီရ။ တနီရာတည်း၌ ရပ်မနီရ။ ကျင်းတည်းနှင့်အတူ လိုက်ပါလှုပ်လျှားနီရသည်။
(၇) ကျင်သန်နှစ်ဦး အဖမ်းအခံကို အငြင်းပွားပါက သက်ဆိုင်ရာကျင်ဒိုင်နှစ်ဦးက ဆုံးဖြတ်ပီးရမည်၊ တွန်းပစ်ချမှုမျိုးမဖြစ်ရအောင် သက်ဆိုင်ရာကျင်ဒိုင်နှစ်ဦးက ကြီးကြပ်နိုင်သည်။
(၈) ကျင်သန်နှစ်ဦး သတ်မှတ်ကျင်တလင်းနီရာ၌သာ ကျင်ကိုင်နိုင်စီရန်နှင့် လူထုထဲ (သို့) စည်းအပြင်သို့ တွန်းချမှုမျိုးမဖြစ်စီရအောင် သက်ဆိုင်ရာကျင်ဒိုင်နှစ်ဦးက ကြီးကြပ်နိုင်ရမည်။
(၉) ကျင်တလင်းသည် စည်းအပြင်ဘက် လူထုထဲသို့ပစ်ချခြင်း။ ကြိုးဝိုင်းစည်းပေါ်၌ ပစ်ချခြင်းမျိုးကြောင့် ကျင်သန်တဦးကျလဲလားပါက အယှုံး၊ အနိုင်၊ မပီးပဲ ပြန်ကိုင်စီရမည်။
(၁၀) ကျင်သန်တဦးဦး ကျင်ကိုင်၍ တကြိမ်ပြီးသဖြင့် အနားယူခွင့်တောင်းပါက ပီးသင့်က ပီးရမည်။ တကြိမ်မှာ (၁၅) မနစ်ထက် ပိုအနားယူခွင့်မပီးရ။
(၁၁) ကျင်သန်တဦးဦး ကျင်ကိုင်နီစဉ် စည်းကမ်းဖောက်ဖျက်မှုဟိပါက သတိပီးတားမြစ်ရမည်၊ ထုတ်ပယ်သင့်သည်ထင်မြင်က ကျင်သမာဓိထံ တင်ပြအတည်ပြုချက်ယူရမည်။
(၁၂) ကျင်ဒိုင်သည် ကျင်တတည်းတိုက်ပြီးတိုင်း အယှုံးအနိုင်ကို ကျင်တည်းအဖွဲ့သို့ ပြန်လည်တင်ပြပီးရမည်။
(၁၃) ကျင်တွဲများကို ကျင်ကွင်းအနီအထားကိုကြည့်ပြီး ထုတ်တိုက်ရမည်။ ကျင်တည်းမများစီရ။
(၁၄) ကျင်ကွင်း၌ ကျင်တည်းမပြတ်စီရန်လည်း ဂရုစိုက်ရမည်။
(၁၅) ကျင်သန်များ ကျင်ကွင်းပြလိုက စီစဉ်ပီးရမည်။
(၁၆) ကျင်သန်များသည် ကျင်ပွဲမစမီကပင် ကျင်တလင်း၌ အဆင်သင့်ဟိနီရမည်။

၂။ ကျင်ဝတ္တရားများ

(၁) ကျင်ဒိုင်များသည် ကျင်တည်းတတည်း၏အယှုံးအနိုင်ကို ချက်ချင်းမှန်ကန်တိကျ ပြတ်သားစွာ ဆုံးဖြတ်ပီးနိုင်ရမည်။ ကျင်ဒိုင်နှစ်ဦးစလုံး ဆုံဖြတ်ချက်မှန်ရပါမည်။
(၂) ကျင်သန်များ ကျင်ကိုင်နီစဉ်ဖြစ်စီ။ အနားယူနီစဉ်ဖြစ်စီ တဦးတဖက်ကိုမျှ အားပီးအမြှောက်ပြောခြင်း၊ အကြံပီးခြင်း လုံးဝမလုပ်သင့်။
(၃) ကျင်သန်တဦးဦး ကျင်နိုင်သည့်အခါ ဝမ်းသာအားရလက်ခုပ်တီးခြင်း၊ ထပြီးကျင်ကွင်းခြင်းများ လုံးဝမလုပ်သင့်။
(၄) အဖမ်းကျင်သန်က အခံကျင်သန်၏ခါးကို ကိုင်ဖက်ထမ်းထားလျှင် အဖမ်းသားကို လွှဲပစ်မချစီရန် ချက်ချင်းတားပြီး အခံသားကိုအကျပီးရမည်။ အခံသားအကျမခံလိုက ပစ်ချခွင့်ပြုရမည်။
(၅) ကျင်ဒိုင်များသည် ကျင်ကိုင်နည်းပညာ၊ ကျင်ကိုင်းခြင်းစုံစုံလင်လင်ကို နှံ့စပ်အောင်သိထားရမည်။
(၆) ကျင်ဒိုင်အတွိအကြုံရင့်ကျက်အောင် ကြိုးစားရမည်။
(၇) ကျင်စည်းကမ်းများကို ပြည့်ပြည့်စုံစုံသိထားရမည်။
(၈) ဘက်လိုက်မှု လုံးဝကင်းယှင်းပြီး သမာသမတ်ကျရမည်။
(၉) ကျင်သန်များနှင့် ကျင်ပွဲကာလ၌ ရောရောနှောနှောမနီသင့်။
(၁၀) လာဘ်ပီးလာဘ်ယူ လုံးဝကင်းယှင်းရမည်။
(၁၁) ကျင်ဒိုင်များ ဆီးလိပ်သောက်ခြင်း၊ အရက်သောက်ခြင်း လုံးဝယှောင်ကြည်ရမည်။
(၁၂) ကျင်ဒိုင်များ သက်လုံကောင်စီရန် လေ့ကျင့်ခန်းများလုပ်သင့်သည်။
(၁၃) ကျင်သန်းများအပေါ်၌ ကြောသားရင်သားမခွဲခြားဘဲ စိတ်ထားစေတနာမှန်ရမည်။
(၁၄) ကျင်တိုက်နီချိန် ကျင်ဒိုင်အချင်းချင်းဖြစ်စီ၊ တခြားသူများနှင့်ဖြစ်စီ စကားပြောမနီသင့်။
(၁၅) ကျင်ဒိုင်ဝတ်စုံစနစ်တကျ၍ ဝတ်ဆင်ကြီးကြပ်သင့်သည်။


အခန်း(၇)

ကျင်ပွဲကျင်းပခြင်း

ကျင်ပွဲကို ကွင်းအဖွင့်ရတုဆို၍ မင်္ဂလာစည်တော်များတီးခတ်ကာဖွင့်လှစ်သည်။ ကျင်းကွင်းကို နံ့သာရည်များပက်ဖြန်းရသည်။ ကျင်တည်း (ကျင်တွဲ) များကို စမတင်မှီ မင်္ဂလာကျင်တည်းများကို စ၍တိုက်လေ့ဟိသည်။ ကျင်တိုက်ရာ၌ ကျင်စည်တီးပီးရသည်။ ကျင်စမတိုက်မှီ စာရင်းဝင်ကျင်သန်များ ကျင်ကွင်းထဲ၌ ကျင်ကွင်းပြရသည်။ ကျင်ကိုင်၍ ကျင်တတည်းနိုင်သူကို “နှစ်ခေါက်နိုင်” ဟု သတ်မှတ်သည်။ နှစ်တည်းနိုင်ပါက လေးခေါက်နိုင်။ သုံတည်းနိုင်ပါက ခြောက်ခေါက်နိုင်စသည်ဖြင့် မောင်းလုပွဲ၊ ဗိုလ်လုပွဲရောက်အောင်ထိ ဆက်နိုင်လားရသည်။

ကျင်တတည်း အယှုံးအနိုင်ပြီးတိုင်း ပရိသတ်ထံ ယှုံးသူရော၊ နိုင်သူပါ ဆုခံယူရသည်။ ခုံသမာဓိလူကြီးအဖွဲ့က စတင်ပြီး “ပန်းဆုငွေ” ချီးမြှင့်ပီးရသည်။ ကျင်ပွဲကျင်းပပြီးခါနီး၌ ကျင်ဒိုင်အချင်းချင်း ချစ်ကြည်ရေးကျင်ကိုင်ရသည်။ ကျင်သန်များကျင်နိုင်သည့်အခါ ကျင်ကွင်းပြရသည်။ ကျင်သန်များ နောက်ဆုံးဗိုလ်ဆွဲမောင်းရသည့်အခါလည်း ကွင်းထဲပတ်၍ ကျင်ကွင်းပြ၍ ကျင်ပွဲကြည့်ပရိသတ်များသည် ကျင်ဇေပြားများဝယ်ယူပြီး ကျင်သန်များဆုခံစဉ် ကျင်းကွင်းပြစဉ်၌ ဆုချီးမြှင့်ပီးရသည်။ ငွေသားလည်း ဆုချီးမြှင့်ပီးနိုင်သည်။ ကျင်သန်များက မဏ္ဍပ်တွင်းပရိသတ်ထံမှ ဆုချီးမြှင့်မှုခံယူပြီး ရလာသည့်ကျင်ဇေပြားများကို ကျင်ဇေပြားဖိုး ဆုငွေပြန်ပီးချေရေးအဖွဲ့ထံ၌ ဇေပြားနှင့်ငွေ ဖလှယ်ယူရသည်။ “ကျင်ခုံသမာဓိအဖွဲ့” က ကျင်ဒိုင်များထံမှတင်ပြလာသည့် ကျင်သန်များနှင့်ပတ်သက်သည့် တင်ပြချက်များကို ဆုံးဖြတ်ပီးရသည်။

ကျင်းပွဲကျင်းပရာ အငယ်တန်း၊ အလတ်တန်းစသည့် အောင်တန်းမှ ကျင်သန်များကို စတင်တိုက်ရပြီး ရွှေမောင်းတန်း (ပထမတန်း/အကြီးတန်း) ကျင်သန်များကို ပွဲတော်နောက်ဆုံးရက်များ၌ရာ တိုက်လေ့ဟိသည်။ ကျင်တည်းများကို ယှုံးဖြုတ်စနစ်ဖြင့် ကျင်းပသော်လည်း ယခုအခါ တချို့ပွဲများ၌ ကျင်သန်ဦးရေနည်းသော ရွှေမောင်းတန်း (ပထမတန်း/အကြီးတန်း) ကျင်သန်ကြီးများကို ပရိသတ်က အားရပါးရကြည့်ရှုနိုင်စီရန် ပတ်လည်စနစ်ဖြင့် ကျင်းပသည်လည်းဟိသည်။

အခန်း (၈)

ကျင်ကွင်းနည်းများ

ကျင်သန်များသည် ကျင်းကွင်းထဲ ကျင်ကွင်းပြရာတွင် ကျင်ပွဲအသီးသီးမှ မိမိရဟိထားသော ရွှေ၊ ငွေ ဆုတံဆိပ်များကို လိုင်တွင်ဆွဲ၍ ကျင်ကွင်းပြရသည်။ ရှိဦးစွာ မိမိ၏ကျင်ကွင်းနည်းပြဆရာများကို ကန်တော့ရသည်။ ကျင်ခုံသမာဓိ လူကြီးအဖွဲ့ကို ဂါရဝပြုရသည်။ နောက်ပရိသတ်ဘက်သို့လှည့်၍ ဂါရဝပြုရသည်။ ပြီးမှ ကွင်းတပတ်လှည့်၍ ကျင်ကွင်းပြရသည်။ ကျင်ကွင်းနည်းအမျိုးမျိုးဟိသည်။ အောင်တွင်ဖော်ပြထားသည်။

(က) ဝံ့လက်သဲ (သို့) ၀ံလက်သစ်ကွင်းနည်း

ကျင်သန်သည် မားမားမတ်မတ်ရပ်လိုက်သည်။ တည်ကြည်သောမျက်နှာထားဖြင့် မိမိလက်နှစ်ဖက်ကို လက်အုပ်ချီးပူးကပ်ထားလိုက်သည်။ နဖူးပေါ်တွင်ကပ်၍ တဖြည်းတဖြည်း ဝဲယာသို့ဆန့်တန်းထားသည်။ လက်နှစ်ချောင်းအနီအထားမှာ ငှက်တောင်များ ဖြန့်သကဲ့သို့ဖြစ်သည်။

လက်နှစ်ချောင်းကို အပေါ်သို့ ဆတ်ခနန်း မြှောက်ချီလိုက်သည်။ ပြီးနောက် တနီရာသို့ လွှားကနန်း ခုန်လိုက်သည်။ နောက်တနီရာသို့ရောက်သည်နှင့် ဘယ်-ညာလက်ဝါးနှစ်ဖက်ဖြင့် ဘယ်-ညာပေါင်ပေါ်ရိုက်ခတ်လိုက်သည်။ ထို့သို့ ရိုက်ခတ်ပြီးနောက် ငှက်ဝံလက်ပျံသကဲ့သို့ လက်များကို ဘယ်-ညာဆန့်တန်းဝှေ့ယမ်းသည်။

သို့ဖြင့် တနီရာမှတနီရာသို့ လှည့်လည်ပြီး ကွင်းတပတ်ပြည့်အောင် ကျင်ကွင်းပြသည်။

(ခ) ကျီကန်းရီချိုး ကွင်းနည်း

ကျင်သန်သည် ကိုယ်ကိုမားမားမတ်မတ်ရပ်လိုက်သည်။ ကိုယ်ဟန်အနီထားဖြင့် ကြံ့ခိုင်မှုကို ပြထားသည်။ လက်နှစ်ချောင်းကိုပူးကာ နဖူးပေါ်တွင်ကပ်၍ တဖြည်းဖြည်း ဝဲ-ယာသို့ ဆန့်တန်းထားလိုက်သည်။ ဒူးကို ကုပ်နီဟန်ထားခန္ဓာကိုယ်ကို ထက်အောက်သို့ နှိမ့်ချီမြင့်ချီ ပြုလုပ်ပြသည်။ ကျီးကန်းရီချိုးသကဲ့သို့ မြင်ရသည်။ သို့ဖြစ်၍ တနီရာမှ တနီရာသို့ပြောင်းရွှိပြီး လှည့်လည်ကျင်ကွင်းပြသည်။

(ဂ) ဥဒေါင်းဝဲ ကွင်းနည်း

ကျင်သန်သည် ရှိဦးစွာ ခြီထောက်ကိုစုံရပ်၍ ကိုယ်ကိုမားမားမတ်မတ်ရပ်၍ ဂါရဝပြုလိုက်သည်။ လက်နှစ်ဖက်ကို လက်ဦးချီ၍ နဖူးပေါ်တင်ကာ တဖြည်းဖြည်း ဝဲ-ယာသို့ ဆန့်တန်းလာသည်။ ခြီထောက်တချောင်းကို မ,မြှင့်၍ ဘယ်-ညာများကို ဦးက္ခောင်းပေါ်တွင် ဝဲကာနွဲ့ကာ ကွင်းပြသည်။ တနီမှ တနီရာသို့ပြောင်းရွှိ၍ ကွင်းတပတ်လည်အောင် ကွင်းပြသည်။

(ဃ) လင်းကွက် ကွင်းနည်း

ကျင်သန်သည် ခုံသမာဓိအဖွဲ့၊ ပွဲကြည့်ပရိသတ်ရို့အား ဂါရဝပြုလိုက်သည်။ ပြီးနောက် လက်ဝါးနှစ်ဖက်နှင့် ပေါင်ကို တချက်စီရိုက်ခတ်လိုက်သည်။ ကိုယ်ဟန်အနီအထားကို နွဲ့နှောင်းထားကာ လက်များကိုကွေ့ဝိုက်၍ လင်းကွက်ငှက်ပျံသည့်အလား ဝှေ့ယမ်းကာ ကွင်းပြသည်။

(င) လက်ခမောင်းခတ် ကွင်းးနည်း

ကျင်သန်သည် ခုံသမာဓိအဖွဲ့နှင့် ပရိသတ်အား ဂါရဝပြုသည်။ ခုံသမာဓိ အဖွဲ့ရှိရပ်ပြီး ဘယ်လက်ဝါးကို ညာဘက်ချိုင်းအောက်သို့ သွင်းလိုက်သည်။ ညာဘက်လက်မောင်းကို နံဘေးနှင့် “ဖြောင်းဖြောင်း” မြည်အောင်ရိုက်ခတ်လိုက်သည်။ ထို့နောက် လက်နှစ်ဖက်ကို ၉၀ံ ခန့် ကွေး၍ တဖြည်းဖြည်းဆန့်တန်းလာသည်။ လက်နှစ်ဖက်ကို အပေါ်သို့ ဆတ်ကနန်းမြှင့်တင်ပြီး တနီရာသို့ပြီးလွှားကာ နီရာပြောင်းရွှိလိုက်သည်။ ယင်းမှ တနီရာသို့ပြီးလွှား၍ တပတ်ပြည့်အောင် ကွင်းပြသည်။

(စ) ကင်းမြီးကောက် ကွင်းနည်း

ကျင်သန်သည် ရှိဦးစွာ ခုံသမာဓိလူကြီးများနှင့် ပွဲကြည့်ပရိသတ်ကို ဂါရဝပြုသည်။ ထို့နောက် လက်နှစ်ဘက်ကို မြီတွင်ထောက်၍ ကင်းမြီးကောက်ထောင်လိုက်သည်။ ကင်းမြီးကောက်ထောင်၍ ဆယ်လှမ်းခန့်လားပြီး ဂျွန်းပြန်ကာ ရပ်စောက်ရပ်လိုက်သည်။ လက်များကိုပူး၍ ရင်ဘတ်နားတွင်ထားကာ တဖြည်းဖြည်း ဝဲ-ယာသို့ဆန့်တန်းလာသည်။ ထို့နောက် နီရာပြောင်းလိုက်ပြီး ကင်းမြီးကောက်ထောင်ပြန်၍ ဆယ်လှမ်းခန့် ဆက်လားပြန်သည်။ ပြီးမှ ဂျွမ်းပြန်ကာ ရပ်စောက်ရပ်သည်။ ထိုသို့ကွင်းတပတ် ကွင်းပြသည်။

(ဆ) နောက်ဂျွမ်းပစ် ကွင်းနည်း

ကျင်သန်သည် ရှိဦးစွာ ခုံသမာဓိလူကြီးများနှင့် ပွဲကြည့်ပရိသတ်များကို ဂါရဝပြုသည်။ ပြီးနောက် ကျားကဲ့သို့ နောက်ဂျွမ်းပစ်ချလိုက်သည်။ နောက်ဂျွမ်းတချက်ပစ်လိုက်၊ လက်များကို ကွေးကာကွေးကာ ဝဲ-ယာ၊ ရှိ-နောက် ခန္ဓာကိုယ်ကို လှည့်လည်ကွင်းပြသည်။ ဤသို့ဖြင့် တနီရာမှ တနီရာသို့လှည့်လည်၍ ကွင်းပြသောအခါ နောက်ဂျွမ်းတချက်မှ ငါးချက်ထိ ဆက်တိုက်ဆက်တိုက်ပစ်ပြီး နီရာပြောင်းသည်။ ပွဲကြည့်ပရိသတ်က “ကျားလာရေ-ကျားလာရေ” ဟူ၍ ကြွေးကြော်ချီးမြှင့်သည်။

(ဇ) ရှိဂျွမ်းပစ် ကွင်းနည်း

ကျင်သန်သည် ခုံသမာဓိလူကြီးများနှင့် ပွဲကြည့်ပရိသတ်ကို ရှိဦးစွာဂါရဝပြုပြီး ကျားကဲ့သို့ လျှင်မြန်စွာ ရှိဂျွမ်းပစ်လိုက်သည်။ ဂျွမ်းပစ်ပြီး လျှင်မြန်စွာ လက်နှစ်ဖက်ကိုဆန့်တန်းကာ စွန်များပျံဝဲသကဲ့သို့ ဝဲယာရှိနောက်လှည့်လည်၍ ကွင်းပြသည်။ ပြီးနောက် ရှိဂျွမ်းသုံးပြန်ပစ်၍ နီရာပြောင်းသည်။ ယင်းသို့ ကွင်းတပတ်ပြည့် ကွင်းပြသည်။

(ဈ) သိန်းငှက် ကွင်းနည်း

ကျင်သန်သည် ရှိဦးစွာ မားမားမတ်မတ်ရပ်နီရာမှ ဂါရဝပြုလိုက်သည်။ ပြီးနောက် ဝဲ-ယာ လက်နှစ်ဖက်ကို ကွေးဝိုက်ပြီး ဆန့်လိုက်သည်။ ပြီးနောက် ကိုယ်ကို နွဲ့နွဲ့ညွတ်၍ ပေါင်နှစ်ဖက်ကို ရိုက်ခတ်လိုက်ကာ လက်နှစ်ဖက်ကို သိန်းငှက်ဝဲပျံသကဲ့သို့ မာန်ဖြင့်ကွေးဝိုက်ကာ နောက်တနီရာသို့ အဟုန်ဖြင့် ရွှိပြောင်းလှည့်ပတ်ကာ ပြန်ရပ်ပြီး ပေါင်ကို လက်ဝါးနှစ်ဖက်ဖြင့် ရိုက်ခတ်လိုက်သည်။ ပြီးနောက် ခြီတချောင်းကို အနည်းငယ်ကွေးမြှောက်ကာ သိန်းငှက်တောင်ဖံဝဲပျံနီပုံ လက်နှစ်ဖက်ကိုကွေးဖြန့်ဝိုက်ပြီး ကွင်းပြသည်။ ထိုသို့ ကွင်းတပတ်လှည့်ပတ် ကွင်းပြသည်။

(ည) ကြိုးကြာပျံ ကွင်းနည်း

ကျင်သန်သည် မားမားမတ်ရပ်ပြီး ကျင်ခုံသမာဓိလူကြီးများ၊ ပရိသတ်များကို ဦးညွတ်ဂါရဝပြုလိုက်သည်။ ပြီးနောက် ခြီကိုစုံရပ်၍ လက်နှစ်ဖက်ကို ဘေးသို့ ဆန့်ထုတ်လိုက်သည်။ ပြီးနောက် လက်နှစ်ဖက်ကို အထက်အောက် မြင့်ချီနိမ့်ချီပြုပြီး ခန္ဓာကိုယ်ကိုလှည့်ကာ နီရာပြောင်း ကွင်းပြသည်။ လက်နှစ်ဖက်ကွင်းဟန်မှာ ကြိုးကြာငှက်ပျံနီစဉ် တောင်ဖံနိမ့်ချီမြင့်ချီဖြစ်နီဟန် မြင်ရသည်။ ထို့သို့ ကွင်းတပတ်ပြည့်အောင် ကွင်းပြသည်။


ရခိုင်ကျင်အားကစပ်အတတ် တိုးတက်မြင့်မားပါစီ။

(လေးဝတီ ခိုင်ကျော်)

ရခိုင်စာပီနှင့်ယဉ်ကျေးမှုအဖွဲ့ (ရန်ကုန်) မှ စီစဉ်သည့် ရခိုင်ယဉ်ကျေးမှုနှင့် ရိုးရာအားကစားပွဲတော် (ဒုတိယအကြိမ်)
အောင်ဆန်းအားကစားပြိုင်ကွင်း၊ မင်္ဂလာတောင်ညွန်မြို့နယ်၊ ရန်ကုန်။
(18/12/2004) မှ (20/12/2004) ထိ ရခိုင်ရိုးရာကျင်ပွဲတော်အတွက် ရခိုင်သားကြီးစာပီမှ အခမဲ့ဖြန့်ချီသည်။

နောက်ဆက်တွဲ

စုစည်းတင်ပြသူ့၏လေ့လာသုံးသပ်ချက်

ရခိုင်တပြည်လုံးတွင် ကျင်ပွဲများကို နှစ်စဉ်ကျင်းပသည်။ အထူးသဖြင့် ပုဏ္ဏားကျွန်း၊ မင်းပြား၊ ကျောက်ဖြူ၊ ပေါက်တော၊ စစ်တွေ၊ မြောက်ဦး၊ မြေပုံမြို့နယ်များသည် အထင်ကရကျင်သန်ထွက်ရာ ဒေသများဖြစ်သည်။ ယင်းမြို့နယ်များတွင် အခြားမြို့နယ်များထက် ကျင်ပွဲများပြီးလျှင် ကျင်သန်များစွာထွက်သည်။ ကျင်စည်းကမ်းနှင့်ပတ်သက်၍ ဒေသအလိုက် ခြားနားချက်ဟိသည်။ တချို့ကျင်သန်များသည် တမြို့နယ်မှ တမြို့နယ်သို့ ကျင်လားကိုင်သောအခါ၊ မထင်မှတ်မှုများနှင့် ကြုံတွိနိုင်သည်။ အကြောင်းကား ယင်းမြို့နယ်ဒေသ၏ကျင်စည်းကမ်းကို နားမလည်သောကြောင့်ဖြစ်သည်။ စစ်တွေ၊ ပုဏ္ဏားကျွန်း၊ မြောက်ဦး၊ မြေပုံ၊ ပေါက်တော၊ မင်းပြားမြို့နယ်များ၌ ကျင်စည်းကမ်းမှာ -

မောင်နီ က (ခံ)
မောင်ဖြူက (ဖမ်း) သောအခါ အခံသား “မောင်နီ” မကျပဲ၊ အဖမ်းသား “မောင်ဖြူ” ကျသည်။

နောက်တလှည့်မှာ -

မောင်နီဖမ်း၍ “မောင်ဖြူ” ခံသောခါ “မောင်နီ” က “မောင်ဖြူ” ကိုဖမ်း၍မရသောကြောင့် ပထမအကြိမ်ကျထားသော “မောင်ဖြူ” သည် နောက်တခေါက်ပြန် ထပ်ဖမ်းခွင့်ဟိသည်။ ယင်းကျင်စည်းကမ်းစနစ်သည် ကျောက်ဖြူ၊ ရမ်းဗြဲ၊ တောင်ကုတ်မြို့နယ်များ၌ မဟိပါ။ ကျသူကျ၊ နိုင်သူနိုင်၊ တယောက်တလှည့်စနစ်ကိုရာ ကျင့်သုံးသည်။

အရာတခု ထူးခြားချက်မှာ -

မြောက်ပိုင်းတခွင် အခံသားသည် အဖမ်းသားဘားက ထွက်ပြီးရေအခါ၊ အဖမ်းသားအတင်းလိုက်ကေလည်း အခံသားစွာ လက်ကာ၍ရာ ငြင်းပယ်ခွင့်ဟိသည်။ ယေခါ ဒိုင်လူကြီးက ကျင်စည်းကမ်းးဘောင်ကနီပြီး အဖမ်းသားကိုတားမြစ်ရသည်။ ယင်းစည်းကမ်းကို တောင်ပိုင်းတခွင်၌လည်း ကျင့်သုံးသည်။ ယေကေလည်းသော့ ခြားနားချက်မှာ ကျင်ခံသားထွက်ပြီးရေအခါ ကျင်ဖမ်းသားက ကောင်းကောင်းသတိထားရသည်။ အကြောင်းကား လိုက်လာရေကျင်ဖမ်းသားကို ကျင်ခံသားက ခုခံသည်အားဖြင့် လက်ကာရုံသာမက ပြန်ပစ်ခွင့်ဟိ၍ဖြစ်သည်။

ဥပမာ--
ကျင်အခံသား “မောင်ဖြူ” က ကျင်အဖမ်းသား “မောင်နီ” လိုက်တေအခါ ကျင်ခံသားမောင်ဖြူက ကျင်ဖမ်းသားမောင်ဖြူကို ခါးစောင်းတင်ပြန်၍ ခုခံဝေးပစ်နိုင်သည့်အတွက် ကျင်ဖမ်းသားမောင်နီကျလားရေအခါ ယင်းစွာကို အသင့်ဟုယူဆသည်။ သို့သော် မြောက်ပိုင်းတခွင်၌ ယင်းစွာကို အပြန်ဟုသတ်မှတ်သည်။ ဤကား တောင်ပိုင်းမြောက်ပိုင်း ကျင်စည်းကမ်းခြားနားချက်ဖြစ်သည်။

(မှားယွင်းချက်များဟိပါက အကြောင်းကြားပီးပါ။ ပြန်စစ်ဆီးကြည့်ပါမည်။)


နားထောင်ရန်-ကျင်ပွဲ Click
..............
(ဂနိန့်ရခိုင်ပြည်ဘလော့မှ)

ရေးသားတင်ပြသူ ဥဂ္ဂါပျံ အချိန် 12:28 PM

Read more »

ရခိုင်သမက်တက်

ရခိုင်အပျိုလူပျိုတိအရွယ်ရောက်လျှင် လူငယ်ချင်းချစ်ကြိုက်၍ လက်ထက်မင်္ဂလာဆောင်ခြင်းများဟိရေပိုင် အများအားဖြင့် မိဘများက အိမ်ထောင်ဘက်ကို ရွီးချယ်ပီးသည်များပါသည်။ ရခိုင်လူမျိုးသည် မိဘစကားကိုနာခံတတ်သူများဖြစ်သဖြင့် မိဘများ၏အစီအမံကိုလက်ခံတတ်လေ့ဟိသည်။ သားသမီးများအချိန်တန်အရွယ်ရောက်လာလျှင် အိမ်ထောင်ဖက်ကို အများအားဖြင့်မိဘများက ရွီးချယ်ပီးသောအလေ့သည် ရခိုင်လူမျိုးတွင် ယခုခေတ်ချိန်ထိခေတ်စားလျှက်ဟိသည်။
ရှိရိုးအစဉ်အဆက်ကျင့်သုံးလာခသော ရခိုင်လူမျိုးရို့၏လက်ထပ်မင်္ဂလာပွဲဓလေ့သည် မြန်မာများနှင့်မတူ ထူးခြားသောဓလေ့ထုံးစံများဖြစ်သည်။

ရခိုင်ရိုးရာသမက်တက်

ရခိုင်ရိုးရာမင်္ဂလာဆောင်မှာ မြန်မာရိုးရာမင်္ဂလာဆောင်နှင့်မတူ တမူထူးခြားသည်။ သမီးသျှင် (သတို့သမီး) နှင့် သမက်သျှင် (သတို့သား) လက်ထက်ထိမ်းမြားသောမင်္ဂလာဆောင်ပွဲကို ရခိုင်စကားတွင် “သမက်တက်ပွဲ” ဟုခေါ်သည်။ ယောက္ခမအိမ်သို့ သမက်ကိုတင်ပို့ရသောကြောင့်လည်းကောင်း၊ လက်ထပ်ရန်လားရသောကြောင့်လည်းကောင်း “သမက်တက်” ဟုခေါ်ရခြင်းဖြစ်သည်။ သံတွဲ၊ ကျောက်ဖြူ၊ မာန်အောင်နှင့် အခြားသောဒေသများတွင် အနည်းငယ်ကွဲလွဲချက်ဟိသည်။

သမီးတောင်းခြင်း

ပထမယောက်ျားချေဘက်မှ မိန်းမပျိုကိုကြိုက်လျှင် အရပ်မှအမျိုးသမီးကြီးမှတဆင့်ပြောကြားပြီး ရက်တည့်မတည့် ဇာတာများယှဉ်ပြီး စီးစစ်ရသည်။ ထို့နောက် ကောင်းသောရက်ကိုရွီးချယ်ပြီး စိစပ်ကြောင်းလမ်းပြုလုပ်သည်။


စိစပ်ကြောင်းလမ်းခြင်းမင်္ဂလာ (အသွင်းနှင်းခြင်း၊ ပန်းဆင်ခြင်း)


စိစပ်ကြောင်းလမ်းမင်္ဂလာပွဲကို သမီးသျှင်အိမ်တွင်ပြုလုပ်သည်။ ရှိဦးစွာ သမီးသျှင်ထိုင်ရန်နီရာ၏လက်ဝဲလက်ယာဘက်တွင် အမျိုးသမီးအိမ်ထောင်သည်နှစ်ဦး ထိုင်ရသည်။ ဆွီမျိုးများနှင့်ဖိတ်ကြားထားသောအဂန္ဓုများက ယင်းရို့၏ရှိတွင် နီရာယူရသည်။ ထိုအချိန်တွင် သမီးသျှင်ထွက်မလာရသိမ့်။ သတ်မှတ်ထားသောမင်္ဂလာအချိန်ရောက်သောအခါ သမက်သျှင် (သတိုးသား) ဘက်မှ ဆွီမျိုးပရိတ်သတ်များလာရောက်သည်။ လာရောက်သောအခါ သမီးသျှင်ကိုဆင်မြန်းပီးရန် ပန်းများနှင့်စားစရာမုန့်အချိုများ၊ ကောက်ညှင်းပေါင်းများကို ငွေဖလားထဲတွင် ထုံးတမ်းစဉ်လာနှင့်အညီထည့်၍ ယူလာရသည်။ ငွေဖလားဦးရေမှာလည်း မဂဏန်းအရွီတွက်တိုင်း ကြိုက်သလိုအသုံးပြုနိုင်သည်။ သမီးသျှင်သည် အမျိုးသမီးအရံတဦးနှင့်အတူထွက်လာပြီး သတ်မှတ်ထားသောနီရာတွင် ထိုင်ရသည်။ ပန်းများ၊မုန့်များနှင့်အတူ သမက်သျှင်မိဘများထံမှ သမီးသျှင်အား စိစပ်ကြောင်းလမ်းခြင်း ရခိုင်အခါ် (ကတိသစ္စာပြုခြင်း) အထိမ်းအမှတ်အဖြစ် သားသျှင်ဘက်မှ အမိ (သို့မဟုတ်) အစ်မက မိမ္မချေကို ပန်းဆင်ပီးရသည်။

ထို့နောက်လက်ဝတ်ရတနာများကို ရွှေကျပ်ချိန်ဖြင့်ပီးပြီး အသွင်းပီးဆောင်ရပါသည်။ ထိုရတနာဆင်မြန်းခြင်း၊ သမီးသျှင်အား ပန်းပန်ပီးခြင်းပြုလုပ်သူကို သမီးသျှင်က အရိုအသေပြုကန်တော့ပြီးလျှင် စိစပ်မင်္ဂလာအောင်မြင်ပါတော့သည်။

မင်္ဂလာလက်ထပ်မည့်နိရက်ကို ယင်းအချိန်မှာပင် နှစ်ဦးနှစ်ဘက် ညှိနှိုင်းဆွေးနွေးသတ်မှတ်ရပါသည်။ ဆွီမျိုးပရိသတ်များကို မင်္ဂလာရက်ကြေငြာပီးရသည်။ ထို့နောက် ကြွရောက်လာသော နှစ်ဦးနှစ်ဘက်ဆွီမျိုးပရိသတ်များကို ဧည့်ခံကျွေးမွီးရသည်။ စိစပ်ပွဲပြီး၍ သမက်သျှင်ဘက်မှပြန်ကျသောအခါ သမက်သျှင်ဘက်မှယူလာသော ငွေဖလားထဲမှမုန့်အချိုများကို သမီးသျှင်ဘက်မှလက်ခံယူပြီးနောက် ယင်းဖလားထဲသို့ သမီးသျှင်ဘက်မှလည်း မုန့်များကို ပြန်ထည့်ပီးရသည်။

လက်ထပ်မင်္ဂလာပွဲ

လက်ထပ်မင်္ဂလာပွဲတွက် မင်္ဂလာပွဲတင်ကို တရက်ကြိုတင်ပြုလုပ်ရသည်။ မင်္ဂလာပွဲတင်သည် လက်ထပ်မင်္ဂလာပွဲအတွက် ရှိဦးစွာဆောင်ရွက်ရသော အလုပ်ဖြစ်သည်။ ယင်းပွဲကို သမီးသျှင်အိမ်၌သာပြုလုပ်ရသည်။ မင်္ဂလာပွဲနိရောက်သောအခါ ယင်းနိမိုးထက်အရုဏ်တွင် သမီးသျှင်သမက်သျှင်ရို့အား မိမိအိမ်များမှာပင် မြတ်စွာဘုရားအားဦးထိပ်ထား၍
ဘုန်းကြီးငါးပါးအား မင်္ဂလာဆွမ်းကပ်ပြီး မင်္ဂလာပရိတ်နာရသည်။ အဘိုးအဘောင်လူကြီးမိဘများကိုကန်တော့၊ မင်္ဂလာစကားတတ်ကျွမ်းသူများက နံ့သာရည်များဖြင့်ပတ်ဖြန်းခြင်းများပြုလုပ်ကာ မင်္ဂလာမြှောက်ရသည်။ ပရိတ်နာရာတွင် ပရိတ်ကြီးမှာ လက်ထက်မင်္ဂလာပွဲအတွက် အဓိကအရေးကြီးဆုံးဖြစ်သည်။ ရှိဦးစွာ မင်္ဂလာစားပွဲငယ်ကို ပျင်ဆင်ရသည်။

ယင်းစားပွဲတွင်ပါဝင်ရမည့်အချက်များမှာ-

မင်္ဂလာမြှောက်ခြင်း
မင်္ဂလာထမင်းပွဲပျင်ဆင်ခြင်း

သီးသန့်ပြုလုပ်ထားသော မင်္ဂလာစားပွဲကိုစားပွဲခင်း၍ အပေါ်တွင်စပါးဖြူးထားသည်။ ဖြန့်ကြဲထားသောစပါးပေါ်တွင် ဘဲဥပုံမင်္ဂလာကြွီလောင်ပန်းကြီးတွင် ကောက်ညှင်းနှင့်ထမင်းများထည့်၍ တင်ထားရသည်။ ယင်းထမင်းပေါ်တွင် ချက်ပြီးသားခြီလက်အမွှီးစုံသော ပုစွန်တုပ်ကြီးနှစ်ကောင်၊ အမွှီးစုံအကြီးခွံပါသော ငါးကန်သားနှစ်ကောင်၊ ဘဲဥနှစ်လုံး၊ မြောက်ဥ (ခေါ်) ကင်းစွန်းဥနှစ်ဥနှင့် အခွံနွှာပြီးသောနှပျိုးသီးနှစ်လုံးစီဖြင့် ပျင်ဆင်ထားရသည်။ ငါး၊ ပုစွန်၊ ဥ၊ သီးနှံစပါးပေါကြွယ်စီရန် အတိတ်နမိတ်ယူထားခြင်းဖြစ်သည်။ စပါးများထဲတွင် ရွှေဒင်္ဂါး၊ ငွေဒင်္ဂါးများမြှပ်နှံထားရသည်။ ရွှေငွေပွားများအောင် ရည်ရွယ်ခြင်းဖြစ်သည်။

သမီးသျှင်ထိုင်သောနီရာလက်ယာဘက်တွင် ရီစင်အိုးဟုခေါ်သော ကြီးအိုးငယ်နှစ်လုံးတင်ထားရသည်။ ကြီးအိုးအပြင်ဘက်ပတ်လည်ကို မင်္ဂလာပရိတ်ခြည်ဖြင့် ပတ်ထားပီးရသည်။ ကြီးအိုး၌ရီထည့်ထားပြီး သပြီပန်း၊ အချိန်ခါကောင်းသတ်မှတ်သောစာရွက် (အခါစာ) ရို့ကို ထိုးထားရသည်။

ထမင်းလောင်ပွန်း၏လက်ဝဲဘက်တွင် လောင်ပွန်းငယ်များတင်ပြီး ယင်းလောင်ပွန်းငယ်အသီးသီးတွင် ကြက်တကောင်လုံးအူအသဲစုံစွာ ငရုတ်သီးမပါဘဲ ချက်ရသည်။ ပုစွန်တုပ်ကို အကောင်မပျက်ကျော်ရသည်။ ရွှေဖရုံသီးချက်ထည့်ရသည်။ ကျန်လောင်ပွန်းနှစ်ခုတွင် ကြက်နှင့်ပုစွန်ပဲ ထည့်ရသည်။ ကြက်နှစ်လောင်ပွန်း၊ ပုစွန်နှစ်လောင်ပွန်း၊ ရွှေဖရုံသီးနှစ်လောင်ပွန်းဖြစ်သည်။ မင်္ဂလာလက်ဆုံထမင်းပွဲတွင် ငကန်သား (အကြီးဟိသောငါး)၊ ကြက်သား၊ ဘဲဥ၊ ပုစွန်၊ မြောက်ဥ၊ ကင်းစွန်းဥ၊ ချိုင်ပေါင်ဟင်းများထည့်ထားသည့် ဟင်းဇားပန်းကန်ကတဖက် ထားဟိသည်။ ပုစွန်ဆိုလျှင် နှခွမ်းမွှီးမျှင်မပြတ်စီရ။ အကျိုးအပဲ့အနာအဆာများမပါစီရန် အထူးဂရုပြုရသည်။

ဤမင်္ဂလာစားပွဲကို မင်္ဂလာဆောင်မည့်နီရာတွင်ထားဟိပြီး မင်္ဂလာမြှောက်ခြင်းပြုလုပ်ရသည်။ အညွှန့်ဟိသောအမျိုးသမီးက သမက်သျှင်အိမ်မှ ဆန်နို့ဆီဗူးနှစ်ဗူး၊ လေးဗူး၊ ခြောက်ဘူးစသဖြင့် စုံဂဏန်းကို သမီးသျှင်အိမ်သို့လားပို့ကာ သမီးသျှင်အိမ်မှဆန်များနှင့်ရောပြီး အညွှန့်ဟိသောအမျိုးသမီးက မင်္ဂလာလက်ဆုံထမင်းပွဲအတွက် ချက်ရသည်။
အညွှန့်ဟိသောအမျိုးသမီးဆိုသည်မှာ လူပျိုအပျိုလက်ထပ်ပြီး မကွဲမကွာမောင်နှံစုံအတူတကွနီထိုင်၍ သားသမီးတယောက်တလီမှ ပျက်စီးခြင်းမဟိသော “အိမ်ထောင်သျှင်မ” ကိုဆိုလိုသည်။

အထက်ပါ မင်္ဂလာပွဲပျင်ဆင်ခြင်းအလုပ်ကို ဘုန်းကြီးမကြွမှီ ပျင်ဆင်ထားရသည်။ ဘုန်းကြီးကြွလာပြီး ပရိတ်နာသည့်အခါ မင်္ဂလာစားပွဲမှာ ဘုန်းကြီးများရှိတွင် တည်ဟိနီရမည်။ ယင်းမင်္ဂလာစားပွဲရှိတွင် သမီးသျှင်က အမျိုးသမီးနှစ်ဦး လက်ဝဲလက်ယာရံ၍ ထိုင်ရသည်။ ထိုအရံအမျိုးသမီးနှစ်ဦးမှာ သမီးသျှင်မွီးရက်နှင့် နိနံသင့်သူများဖြစ်သည်။ ရှိဦးစွာသီလခံယူပြီးလျှင် ပရိတ်ကြိုးဖြင့် စည်းဝိုင်းချသည်။

သမီးစောင့်ခြင်း

သမက်တက်သည့်နိ မိုးထက်ကိုးချက်တီးခန့်တွင် သမီးသျှင်နှင့်ရင်းနှီးသော မိတ်ဆွီကုလိမ္မေချေများ၊ ဆွီမျိုးများကို ထမင်းကျွေးရသည်။ သမီးသျှင်မှာ အလှပဆုံးဝတ်စားဆင်ယင်ကာ နိသင့်နံသင့်အပျိုရံနှစ်ယောက် လက်ဝဲလက်ယာရံလျှက် မင်္ဂလာဆောင်မည့်နီရာတွင်ထိုင်၍ ဧည့်ခံရသည်။

သမက်တက်ခြင်း

သမက်သျှင်ဘက်မှ သမီးသျှင်ဘက်သို့လားသောအခါ သမက်သျှင်အဖ၊ အဘိုး၊ ဆွီမျိုး သက်ကြိးဝါကြီးများက ရှိမှဦးဆောင်လာလတ်ပြီး အမိ၊ အဘောင်စသောသက်ကြီးဝါကြီးမိမ္မများက နောက်မှလိုက်ရသည်။ ထို့နောက် အုပ်ထမ်းသူအညွန့်မိမ္မများက တယောက်ချင်းတန်းစီ၍ လျှောက်ရသည်။ အုပ်ထမ်းသူများမှာ မိမ္မချောမိန်းမလှများဖြစ်သည်။ ရှိဆုံးမှအညွန့်ပန်းအုပ်ကို သမက်သျှင်၏အစ်မ (သို့မဟုတ်) ဆွီမျိုးရင်းချာထဲက ထမ်းရသည်။ နောက်အုပ်များတွင် မုန့်အမျိုးမျိုး၊ နှပျိုးသီးများထည့်ကာ ထမ်းလာရသည်။ အုပ်ထမ်းသူများအတွက်လက်ဆောင်အဖြစ် ပုဝါပိုင်းများကို အုပ်များတွင်ချိုင်နှောင်ထားဟိသည်။ အုပ်များကို သမက်သျှင်တတ်နိုင်သည့်အလျှောက် (၇) အုပ် (၉) အုပ်ထားဟိသည်။

အုပ်ထမ်းသူများ၏နောက်နားတွင် သမက်သျှင်အဖွဲ့ပါသည်။ သမက်သျှင်၏ဦးသျှောင်နှင့် ရီစင်အိုးကို ရှိကသယ်ယူလာရပြီး သမက်သျှင်မှာ ခေါင်းပေါင်း၊ ပန်းဖော်တောင်ရှည်ပုဆိုး၊ လိုင်ထောင်အင်္ကျီ၊ ရင်ဖုံးပြင်ခံအင်းကျီများကိုဝတ်ဆင်ကာ ဓားရှည်လွယ်သူ၊ ယပ်ရှည်ကိုင်သူများခြံရံလျှက် လိုက်ပါလာရသည်။ ၄င်းရို့၏နောက်တွင် သမက်သျှင်၏အပေါင်းအဖော်များမှာ တေတ္တာနှင့်အိပ်ရာလိပ်များကို သယ်ဆောင်လာလတ်ပြီး ဗုံ၊ လင်ခွင်း၊ ပုလီတီးမှုတ်သူများနှင့် တပျော်တပါးတီးမှုတ်လိုက်ပါလာရသည်။

သမီးသျှင်အိမ်ရောက်သည့်အခါ သမီးသျှင်မိဘဆွီမျိုးများကဆီးကြို၍ဧည့်ခံပြီး နီရာထိုင်ခင်းများပီးသည်။ ရှိဦးစွာအညွန့်အုပ်ထမ်းသူက အညွန့်အုပ်နှင့်အတူပန်းဆင်ပီးရန် သမီးသျှင်အနားနီရာယူရသည်။ ကျန်အုပ်များကို သမီးသျှင်အိမ်မှလက်ခံယူ၍ နီရာချထားသည်။ သမက်သျှင်ဘက်မှသယ်ဆောင်လာသော မင်္ဂလာရီစင်အိုးကိုလည်း မင်္ဂလာစားပွဲပေါ်တွင် သမီးသျှင်၏ရီစင်အိုးနှင့်အတူ ထားရသည်။ အညွန့်အုပ်ထမ်းလာသူ သမက်သျှင်၏အစ်မဆွီမျိုးများက သမီးသျှင်ကို ပန်းဆင်ပီးရသည်။ အညွန့်အုပ်တွင် ရာသီအလိုက်ပန်းများပါလာရသည်။

ဥပမာ-
နှင်းပန်း အီးချမ်းစီရန်
နှင်းဇီပန်း မွှီးကြိုင်လန်းဆန်းစီရန်
သဇင်ပန်း သန့်ယှင်းစင်ကြည်စီရန်
အချစ်တရာ (အချပ်တရာ) ပန်း အချစ်အနှစ်တရာတိုင်စီရန်
စံကားပန်း စံစားရစီရန်

ပန်းများပန်းကုံးများကို တစုံစီအညွန့်အုပ်တွင်ထည့်ယူလာရသည်။ ပန်းဆင်ပီးသူက ပန်းများကို တစုံစီ ငါးစုံဆင်မြန်းပီးရသည်။ ဆံထုံးထဲတွင်လည်း ပန်းကုံးများထိုး၍ ပန်းပန်ပီးရသည်။ ထို့နောက် သမီးသျှင်ကိုသျှောင်ဆောင်းပီးပြီး မျက်နှာကိုဖုံးအုပ်ထားရသည်။ သမီးသျှင်ကိုပန်းပန်ဆင်ပြီးနောက် သမက်သျှင်ကို အိမ်ထဲသို့ဝင်စီသည်။ အ၀င်တွင် သမီးသျှင်၏ညီမအပျိုများက ခြီဆီး၍ငွေတောင်းခံသည်။ လူပျိုရံများက ဈီးဆစ်ခြင်းဖြင့် အချေအတင်ပြောဆိုရသည်။ လူပျိုရံ၊အပျိုရံများ တစိတစောင်းပြောဆိုရသဖြင့် ပျော်စရာကောင်းသည်။ အိမ်ပေါ်သို့ရောက်သောအခါ သမက်သျှင်ကို ရီတခွက်တိုက်ရသည်။ ထို့နောက် သမက်သျှင်ကို သမီးသျှင်၏ညာဘက်တွင် နီရာယူစီပြီး သျှောင်ဆောင်းပီးရသည်။ ထိမ်းမြားပီးသူများက မင်္ဂလာစားပွဲပေါ်ဟိ မင်္ဂလာထမင်းပွဲကိုလည်းကောင်း၊ ရီစင်အိုးများကိုလည်းကောင်း (၇) ပတ်၊ (၉) ပတ်ပတ်ထားသော ပရိတ်ခြည်မျှင်ကွင်းများဖြင့် တမျိုးတစုံကျစီ ရစ်ပတ်ပီးရသည်။ ထို့နောက် မောင်နှံအစုံအပါအ၀င် မင်္ဂလာစားပွဲ၊ အိပ်ရာလိပ်၊ တေတ္တာများအားလုံးကို ပရိတ်ခြည်မျှင်များဖြင့်ရစ်ပတ်ပီးရသည်။ ထို့နောက် သမက်သျှင်၏ညာလက်နှင့် သမီးသျှင်၏ညာလက်ကိုပေါင်း၍ ခြည်မျှင်များဖြင့် ရစ်ပတ်ပီးရသည်။

လက်ထပ်ပီးသည့်အမျိုးသမီးကြီးများက မောင်နှံစုံကို အောင်သပြီခက်ဖြင့် ရီစင်အိုးနှစ်စုံပေါင်းစပ်ထားသော ရီစင်များဖြန်းကာ ဆုတောင်းမိတ္တာပို့ရသည်။ ဆက်လက်၍ သမတ်သျှင်နှင့်သမီးသျှင်လက်များကိုပေါင်းပြီး ရီစင်သွန်းလောင်းရသည်။ သမီးသျှင်လက်ကိုအောက်တွင်ထားပြီး သမက်သျှင်လက်ကိုအပေါ်မှာ ထားရသည်။ အချို့မှာ သမက်သျှင်လက်ကိုအောက်ကလှန်ပြီး သမီးသျှင်လက်ကို အထက်ကမှောက်သည်။ အဓိပ္ပါယ်မှာ သမက်သျှင်က သမီးသျှင်ကို ညာလက်ဖြင့်တောင်းဆိုခြင်းကို သမီးသျှင်က ညာလက်ဖြင့်လက်ခံခြင်းသဘော၊ သမက်သျှင်က သမီးသျှင်ကို တသက်လုံးစောင့်ယှောက် ထောက်ပံတာဝန်ယူလားမည်ဟူသော သဘောကိုဆောင်သည်။

မိဘကန်တော့ခြင်း

သမီးသျှင်ရှိတွင် သမက်သျှင်ဖခင်၊ သမက်သျှင်ရှိတွင် သမီးသျှင်ဖခင်ရို့က နီရာယူရသည်။ သမီးသျှင်သမက်သျှင်ရို့က ဖခင်နှစ်ဦးရုံလာသောတဘက်ဖြူထဲသို့ ထမင်းခုနှစ်ဆုပ်တပြိုင်တည်းထည့်ပီးခြင်း၊ မိခင်များအားလည်း ထမင်းခုနှစ်ဆုပ် တပြိုင်တည်းထည့်ပီးခြင်းသည် မိဘနှစ်ပါးကိုကန်တော့ခြင်းသဘောဖြစ်သည်။

လက်ဆုံစားခြင်း

မိဘများကိုကန်တော့ပြီးနောက် မောင်နှံစုံက မင်္ဂလာထမင်းကို ခုနှစ်ဆုပ်စီလက်ဆုံစားရသည်။ စားသောက်ပြီး ငွေဖလားတွင်အတူလက်ဆီးရသည်။

လက်ဖွဲ့ခြင်း

ထမင်းလက်ဆုံစားပြီးနောက် မိဘဆွီမျိုးမိတ်ဆွီများက သမီးသျှင်သမက်သျှင်ရှိ ငွေဖလားနှစ်ခုထဲသို့ လက်ဖွဲ့ငွေများထည့်ရသည်။ လက်ဖွဲ့လက်ခံပြီးသောဖလားကို သမက်သျှင်က သမီးသျှင်ကိုအပ်ရသည်။ သမီးသျှင်ကကန်တော့၍ လက်ခံယူရသည်။

သျှောင်ချသျှောင်တင်

သမက်သျှင်က မိမိသျှောင်ကိုချွတ်၍ စားပွဲပေါ်တင်ထားပြီးလျှင် သမီးသျှင်၏သျှောင်ကိုချွတ်ယူကာ မိမိ၏သျှောင်ကိုဆောင်းပီးရသည်။ သျှောင်တင်သျှောင်ချပြုလုပ်စဉ် သမီးသျှင်က သမက်သျှင်ကို ရှိခိုးရသည်။ သျှောင်တင်သျှောင်ခအဖြစ် သမက်သျှင်က သမီးသျှင်ကို ငွေလက်ဖွဲ့သဖြင့် သမီးသျှင်ကကန်တော့ပြီး လက်ခံရယူရသည်။ မင်္ဂလာအခမ်းအနားပွဲအပြီးတွင် ထွက်ခွာခွင့်ရရန် သမက်သျှင်က သမီးသျှင်ဘက်မှအပျိုရံလူပျိုရံများက ရွှေကြိုးတားထား၍ ကြိုးတားခပီးရသည်။ နောက်ဆုံးခန်းဝင်ခ ပီးဆောင်ရသည်။

အိမ်ပြန်လည်ခြင်း

သမက်တက်ပြီး (၇) ရက်နိတွင် သမီးသျှင်သမက်သျှင်များသည် သမက်သျှင်၏မိဘအိမ်သို့ မိုးထက်မှစ၍လည်ရသည်။ သမက်သျှင်၏မိဘ၊ အဘိုးအဘောင်များကို သမီးသျှင်၊ သမက်သျှင်ရို့က ကန်တော့ရသည်။ ညဇာစားပြီးမှပြန်ရသည်။ သို့ဖြင့် ကြင်စဦးဇနီးမောင်နှံနှစ်ဦးသည် အိုးအိမ်တည်ထောင်ကာ တလင်တမယားစနစ်ဖြင့် တသက်လုံးပေါင်းဖော်ရတော့သည်။

ရခိုင်လူမျိုးများသည် မင်္ဂလာပွဲကို ၀ါတွင်းနှင့်ပြာသိုလများတွင် ယှောင်ကြည်လေ့ဟိပြီး တပေါင်းတန်ခူးလများတွင် အများဆုံးကျင်းပပြုလုပ်သည်။ ပြာသိုလတွင် မင်္ဂလာဆောင်က အိမ်ထောင်စီးပွားရေးမဖြစ်ဘဲ မွဲပြာကျတတ်သည်ဟု အယူဟိသည်။ ရခိုင်ဓလေ့ထုံးတမ်းစဉ်လာအရ မင်္ဂလာပွဲနှင့်ပတ်သက်၍ လိုက်နာရမည့်စည်းကမ်းချက်များစွာဟိသည်။ ထိုချမှတ်ထားသောစည်းကမ်းချက်များကိုလိုက်နာပြီး လက်ထပ်မင်္ဂလာပွဲသည် ပကာသနမဖက် အရိုးခံသက်သက်ဖြင့် ရိုးရာမပျက်ချစ်မြတ်နိုးစရာဖြစ်သည်။ ရခိုင်လူမျိုးရို့၏ချစ်စရာကောင်းသောဓလေ့၊ တမူထူးခြားသော မင်္ဂလာအယူအဆများဖြစ်သည်။

ကျမ်းကိုးကားစာအုပ်များ
သားချင်းများအကြောင်းတစေ့တစောင်း (မောင်အောင်မွန်)
ပြည်ထောင်စုသားများ၏ရိုးရာလက်ထပ်မင်္ဂလာပွဲဓလေ့များ
(တက္ကသိုလ်သျှင်သီရိ)
မြတ်ပန်းသဇင် ရခိုင်အမျိုးသမီးအသင်း (ရန်ကုန်)၂၀၀၇ ထုတ်

နားထောင်ရန်-ရိုးရာလက်ထပ်မင်္ဂလာ Click

နားထောင်ရန်-သမက်တောင်းခြင်း Click

(ဂနိန့်ရခိုင်ပြည်ဘလော့မှ)

ရေးသားတင်ပြသူ ဥဂ္ဂါပျံ အချိန် 10:07 PM

Read more »

ပြောလို့မကုန် ရခိုင်စကားပုံ

၁)ဇရပ်မသွီး(မီးသွေး) တန်းထား(တံတား)မာချီး။
၂)နောက်ကျဂေ လဒ(လင်းဒ)မာ အရိုး၊ လူမာ အိုး၊ ဖုန်း(ဘုန်း)ကြီးမာ သပိတ်၊ သူတော်မမာ အိတ်။
၃)ဆင်းရဲ လ(လူ)မွဲကို နတ်မြင်၊ မချိလို့ သွားကြဲဂေ ရယ်ယောင်ထင်ရေ။
၎)ဆင်းရဲလို့ အငှားခံဂေ၊ သူဋ္ဌီးသားက အကြွီးခိုင်းရေ။
၅)ဆင်းရဲလို့ဖင်ခံဂေ၊ သူဋ္ဌီးသားက အကြွီးနှက်တေ။ (စကားပုံဟိအတိုင်းပါ။ရိုင်းဂါရိုင်းပါရေ)
၆)မဟိမကောင်း ဟိမကောင်း၊ မကောင်းခက်တေ ကောင်းခက်တေ။
၇)မဟိဒုက္ခ ဟိဒုက္ခ။
၈)မပြေဂေမဗြီး မတီးဂေမမြည်။
၉)လိပ်မှိုကိုရရေပိုင်ချောင်။
၁၀)ကျွဲနားမာ စောင်းတီးရေပိုင်ချောင်။
၁၁)သောင်ပြင်မာတင်ထားရေ ခွီးပိုင်။
၁၂)ချစ်ဂါ ချစ်တေ ယဂေလေ့။
၁၃)လင်ရဖို့ခါ မ,ရာနားပဲ့ရေ။
၁၄)မပြည့်ရီအိုး ဘောင်ဘင်ခတ်။
၁၅)အိမ်ဂါးအဆွီး မောင်းဂါကြီး။
၁၆)အကောင်းပြောဂေ င/ယောင်းဖလာ။
၁၇)အိုးမပူဘဲ ခွက်ပူရေ။
၁၈)ကိုယ့်နန့်မဆိုင် ခွင်းမပိုင်၊ ဆွဲကိုင်မပြုရာ။
၁၉)မတူမတန် ရွှီပင်းကန်၊ မတန်ရေလောင်း မစီးကောင်း။
၂၀)ဆင်းရဲခြင်းကို ပွဲမာပြရေ။
၂၁)လူမပေါ်ခင် ချီးပေါ်ရေ။
၂၂)အရက်မူး မ,ရာ နွားခိုးပေါ်ရေ။
၂၃)လက်ဆောင်မပါ ဂါထာမစူး။
၂၄)ပွဲမဝင်ခင် ပြင်မာကျင့်။
၂၅)မထိုင်ခင်ကပင် ခြီဆင်းရေ။
၂၆)ခရမ်းသီးဖိုး ဂြိတ်ဖိုးမာထင့်ရေ။
၂၇)တောင်ကျရီပိုင်ချောင်။
၂၈)ချင်းဓားပိုင်ချောင်။
၂၉)တနှစ်လုံးနွားကျောင်း နွားထီးမှန်းနွားမမှန်းမသိ။
၃၀)ကုလားကိုသတ် ဇီးကိုခွပ်။
၃၁)မယားကိုသတ် ဇီးကိုခွပ်။
၃၂)အရိုးကွဲယာင်ရိုက်က အသဲစွဲအောင်ချစ်။
၃၃)ရွာနားကမြက်ကို ရွာနွားမစား။
၃၄)အပျိုလိုဂေ အအိုကိုကပ်။
၃၅)ငါးကြီးလိုဂေ ငါးချေနန့်မျှား။
၃၆)ဖုန်း(ဘုန်း)ကြီးမာတရား လူမာမယား။
၃၇)ရွှီဟိရေဖ(ဘု)ရား ကို လူရိုသေ။
၃၈)ရွှီအကြောင်း ဖယောင်းသိ။
၃၉)အကြောင်းကံမကောင်း ဖ(ဘု)ရားလောင်း နွားကျောင်းကျ။
၄၀)ပန်းထိမ်ရရိုး အမိရွှီတကျပ်က တမတ်ခိုး။
၄၁)မျောက်မီးဇရရေပိုင်။
၄၂)ဒုတ်ကျ မ,ရာ ဓမြ(ဓားပြ)မှန်းသိရေ။
၄၃)အသွင်မတူ အိမ်သူမဖြစ်။
၄၄)’ဝ’မဟိဘဲ ‘ဝိ’လုပ်နိန်ရေ။
၄၅)’ရ’ကိုမနိုင် ရခိုင်ကိုမိန်း။
၄၆)’ရ’ကိုမသိ ရခိုင်နန့်ညှိ။
၄၇)ကောက်ရှိုးပုံကိုစောင့်ရေ ခွီးပိုင်။
၄၈)စည်ခြောက်တောဝင်ရေ ချီ(ဂျီ)ပိုင်။
၄၉)မမီရေပန်းကို တုံးခုလို့လှမ်းရေ။
၅၀)မငိုတတ်ကေ ရယ်စော်နန့်တူရေ။
၅၁)မရယ်တတ်ကေ ငိုစော်နန့်တူရေ။
၅၂)မပြောတတ်ကေ ဆဲးစော်နန့်တူရေ။
၅၃)ရီပြင်မာ စာရီးရေပိုင်။
၅၄)ရွာသူကြီးထုံးဗူး။
၅၅)ဇာတီဗြီးကေ မြန်းကိုဖြတ်။
၅၆)အသီးကိုစားချင်ဂေ အပင်ကိုစိုက်။
၅၇)အရိပ်ကိုလဲးခို အကိုင်းကိုလဲးချိုးး။
၅၈)ပဇ(ပါးစပ်)ကဖ(ဘု)ရား၂ လက်ကကားရားကားရား။
၅၉)ဗူးဆိုဂေ ဖရုံမသီး။
၆၀)ချောင်းကကောက်ကို လောင်းကကောက်နန့်လှော်။
၆၁)သနားဂေ သနာရောက်တေ။
၆၂)ဖျားလို့မနိန် တက်ရာတက်လာရေ။
၆၃)ယားရေအကွက်ကို လက်ကျရေ။
၆၄)င/သပြေသခသီး(သခွားသီး) ခိုးရေပိုင်။
၆၅)ဂျင်းနည်းဂေ ပလဲလှောက်တေ။
၆၆)နပျိုးသီးမှန်း -ီးမှန်းမသိ ခုံမာတင်ထားဂေ ကောက်စားဖို့ရာသိရေ။
၆၇)ချီးကိုရွှီဖြစ်အောင်ငြင်းရေ။
၆၈)ဆရာမပြ င/ပိဖုတ်တောင်နည်းမကျ။
၆၉)ကိုယ့်စော်ကိုလည်း မမီး၊ လူစော်ကိုလည်းမစုပ်။
၇၀)အသိခေါက်ခက် အဝင်နက်။
၇၁)ပဇွန်ပိုင်ချောင် ဦးနှောင့်နန့် ချီးနန့်ရောနိန်ရေ။
၇၂)လောင်းထက် ထူးဝါးရှည်ရေ။
၇၃)ဝလုံးချသုတ်(ဝါးလုံး ချီးသုတ်)။
၇၄)ခွီးလောက်ကျပိုင်ချောင်။
၇၅)ဒရမ်းစည်ကို ခွီးသီးပေါက်တေပိုင်ချောင်။
၇၆)ဆင်းရဲသားလထုတ် ကြွက်ကိုက်တေ။
၇၇)ပင်လယ်ပြင်ကို င/ပိခပ်တေပိုင်ချောင်။
၇၈)င/ပိ၊ဆားမပါရေ ဟင်းပိုင်။
၇၉)မချစ်ကေလဲး အောင့်ကာနမ်း၊ မနမ်းချင်လေ့ ပင့်သက်ချူ။
၈၀)တောင်းမာအကွပ် လူမာအဝတ်။
၈၁)ဖားကိုတုလို့ ခရုခုံရေ။
၈၂)အယင်လိုဂေ ဖြဖြည်းလုပ်။
၈၃)ကိုယ့်ထိုက်နန့် ကိုယ့်ကံ။
၈၄)ကစပ်ရာက ရန်စရေ။
၈၅)အတတ်ကြူးဂေ အရူးဖြစ်။
၈၆)သားသမီးချီးငွေ ကြက်သောက်ရီ နတ်ပင်ရွှီချ ပြန်မရ။
၈၇)မောင်နန့်နှမ အယင်ရ။
၈၈)သမီးခအို အယင်လို။
၈၉)ခွီးကိုသတ်ချင် ခ(ခွီး)ချင် မျက်နှာကိုကြည့်။
၉၀)လမ်းမသိဂေ ခွီးပဒုံးကိုဆွဲလို့လိုက်။
၉၁)ခွီးပဒုံးကို ကျိုင်ဒေါက်စွပ်တေပိုင်။
၉၂)လင်နန့်မယား ချာ(လျှာ)နန့်သွား။
၉၃)ရွာကအမှုကျောင်းကိုပတ်။
၉၄)ကျောင်းကအမှုရွာကိုပတ်။
၉၅)မကောင်းဂေ ကျောင်းကိုပို့။
၉၆)ဆရာမကောင်း တပည့်ဂေါင်း။
၉၇)သားသမီးမကောင်း မိဖ(ဘ)ဂေါင်း။
၉၈)တပည့်လိမ်မာ ဆရာအာပတ်လွတ်။
၉၉)ခွီးပဇ(ပါးစပ်)က နတ်စကားပြောရေပိုင်။
၁၀၀)အိပ်ရေအကြောင်း မိုးကျမရာ(နိုးမရာ)သိဖို့။
၁၀၁)ဆွမ်းတဆုပ်နန့် ဖ(ဘု)ရားကိုရန်တိုက်တေပိုင်။
၁၀၂)မသိဂေ မိန်း(မေး)၊ မစင်ဂေ ဆီး။
၁၀၃)ဆပ်လှီးရာမာ ခွီးမျှော် မျှော်လို့။
၁၀၄)လက်ပန်ပင်မာ ဇရွက်(ဇရက်)ကျ ကျလို့။
၁၀၅)ချီးမစားရရေ ခွီးပိုင်။
၁၀၆)ချီးမစားရရေခွီး ဂေါင်းကိုက်တေ။
၁၀၇)ဒေါင်းကရေပိုင် ဖင်ဟဟောင်းနန့်။
၁၀၈)တောမရရေ ခဲးဝါပိုင်။
၁၀၉)ဆင်ကန်းတောတိုး။
၁၁၀)ကြက်ကန်းဆန်တိုး။
၁၁၁)ဆီးတောက်နိန်ရေငါးပိုင်။
၁၁၂)ချ(ချီး)ဒုံးကြီဂေ ခွီးမစား၊ စကားကြီးဂေ လူမယုံ။
၁၁၃)မပြောချင်ဂေ လွတ်တေ၊ မတော်ချင်လို့ မလွတ်။
၁၁၄)သတိမမူ ဂူမမြင်၊ သတိဂေ မြူမြင်ရေ။
၁၁၅)အဖထက်သားက တနှစ်ကြီး။
၁၁၆)ကြိုးရေမိုးလဲး မရွာ၊ ရွာရေမိုးလဲး မကြိုး။
၁၁၇)အရှက်မဟိ ပရစ်မျက်နှာ။
၁၁၈)စ်ိတ်ကောင်းဂေ ရူးရေလို့ထင်ရေ။
၁၁၉)ငါးဘိုင်းသစ်ကိုင်း။
၁၂၀)မဖြစ်သာကြံ နွားနန့်ထွန်၊ သီ(သေ)လတ်မေကြာက် ပေါက်တူးပေါက်။
၁၂၁)ဆားမပါဂေ ပြာလဲးတမျိုးကောင်းရေဂါ။
၁၂၂)သုံဒေါင်းထောင်းလို့ တဒေါင်းမပြည့်။
၁၂၃)ဆီပါဂေ ရွှစာမုန့်လဲးကောင်းရေဂါ။
၁၂၄)အလုပ်မမြင်ရဲသား(စစ်သား)ဝင် မဆိတ်ဖြူမတရိတ်ရ။
၁၂၅)မိန်း(မီး)လောင်ရာမာ လီပင့်ရေ။
၁၂၆)အစာကိုရာမြင် မျှားကိုမမြင်။
၁၂၇)အတုကိုမြင် အတတ်သင်။
၁၂၈)မျက်ကန်း ဆိပ်ဆီ(တစ္ဆေ)မကြောက်။
၁၂၉)ဖြစ်သမျှအကြောင်း ကောင်းပါရာ။
၁၃၀)မဟိတောင်း(တောင့်)တ ဟိမ့်ကြောင်းကြ။
၁၃၁)ကုသိုလ်တသိုက် င/ရဲတပိသ်သာ။
၁၃၂)ကံနန့်ခွီးလား ချီးနန့်တွိ့။
၁၃၃)ကံနန့်သား ကျားမကိုက်။
၁၃၄)ကံနန့်ခွီး နသွီး(နှုတ်သီး)ချီးမှန်။
၁၃၅)ချီးစိုက်လူထက် မြင်လူရှက်။
၁၃၆)ဇာတ်သမား မယား၊ ဖဲသမား ဒင်္ဂါး။
၁၃၇)ယောက်ျားကောင်းဂေ မောင်းမတထောင်၊ မ-(မိန်း)မကောင်းဂေ ကျောင်းကအကောင်။
၁၃၈)အချိုရှာဂေ သကာတွိ့။
၁၃၉)သ(သွား)ချီးတက်တေ ကြံကိုဝယ်စားဆိုဂေ နပျိုးသီးကိုဝယ်စားလာရေ။
၁၄၀)မမိန်းဘဲမပြောဂေ့ မခေါ်ဘဲမထူးဂေ့။
၁၄၁)အမှန်ဆို နာလိုခံခက် ဒေါသထွက်တေ။
၁၄၂)မရတမျိုး ရ,တမျိုး။
၁၄၃)မစားရဂေ’နင်’ စားရဂေ’လင်’။
၁၄၄)ကြွက်ကိုမာန်ပါ အိမ်(ကျီ)ကိုမီးတိုက်။
၁၄၅)ဗူးကောင်းဂေ စင်ခံ၊ လင်ကောင်းဂေ စံ။
၁၄၆)အချိုက်လွန်ဂေ တူးရေ။
၁၄၇)ရည်းစားတထောင် လင်ကောင်းတယောက်။
၁၄၈)အဘိန်(ထမီ)ဆိုးကို ကြွက်ကိုက် ကိုက်လို့။
၁၄၉)အရူးမဟင်းခူး။
၁၅၀)ခေတ်မကောင်းလို့ ရူးကွန်ဆောင်ရေ။
၁၅၁)သီဖို့အစ ဖျားရေ။
၁၅၂)သီရာသီဖို့ ဝမ်းကျမစဲး။
၁၅၃)အိုရာအိုရေ ဂြိုမကျိုး။

.............
ကျောက်ရိုးသားချေ

(ဂနိန့်ရခိုင်ပြည်ဘလော့မှ)

ရေးသားတင်ပြသူ poempalace အချိန် 11:05 PM

Read more »

ပန်းဝှက်တမ်း အမိန်း နှင့် အဖြေ

၁)မိန်း။ ။အိမ်မိုးခေါင် ကြောင်ချေ လ-ဘန်း တတောက်ကျန်း။
ဖြေ။ ။မိုးနစွန်း။

၂)မိန်း။ ။ကြက်ဖနနီ သားတရွီ။
ဖြေ။ ။ဖုန်း(ဘုန်း)ကြီး။

၃)မိန်း။ ။ငါ့နွားကြံစုံ ပြည်ကိုမြုံ အစာကုန်ခါ ပြန်လို့လာ။
ဖြေ။ ။မီးဗုံး--မီးပုံးပျံ။

၎)မိန်း။ ။ဆင်မတရာ ရီသောက်လာ ခြီရာလဲးပျောက် ရီလဲးနောက်။
ဖြေ။ ။ဆန်ဆီးရီ။

၅)မိန်း။ ။ကန်၊ကန်ထက်က ပြွန်၊ ပြွန်ထက် ပတ္တမြား၊ ပတ္တမြားထက်က ပုံးဆိုးကြီး၊ ပုံးဆိုးကြီးထဲးက ကျား။
ဖြေ။ ။ပဇ(ပါးစပ်)၊ န(နှာ)ခေါင်း၊ မျက်စိ၊ဆံပင်၊သန်း။

၆)မိန်း။ ။အကိုင်းကိုချောက် မျောက်လဲးမဟောက်(ဟုတ်)၊ ပ-ပတ်ခြွီ မြီလဲးမဟောက်(ဟုတ်)်၊ စပါးကိုစား နွားလဲးမဟောက်(ဟုတ်)်။
ဖြေ။ ။ခြာချေ၊ နွားလံကြိုး၊ တန်းဇိုင်(တန်းစွယ်)။

၇)မိန်း။ ။အာကာပြည်က သကြားမင်း၊ -ီးကိုဖြဲးလို့ဆင်း။
ဖြေ။ ။နပျိုးဖူး။

၈)မိန်း။ ။အထပ်အထပ် ကြာကလပ်၊ အပွင့်မတူ ပန်းကြာဖြူ။
ဖြေ။ ။စာအုပ်။

၁၀)မိန်း။ ။ဘဒ္ဒကမ္ဘာ လူ့ပြည်ရွာမာ ပွင့်ဗြီးဘာယင့် ကြာ ၄- ပွင့်။
ဖြေ။ ။ဖ(ဘု)ရားလေးဆူ။

၁၁)မိန်း။ ။ပေါင်နှစ်ချောင်းကို ခါးမာတင်၊ မဝင်လဲးထိုး ဝင်လဲးထိုး။
ဖြေ။ ။မျှိုင်ထိုးရေစော်(ရင်းတားထိုးရေစော)။

၁၂)မိန်း။ ။တောင်ယာသခါး ရွက်ဖဖား၊ ဟင်းချက်စားဖို့ ကောင်းယက်လား။
ဖြေ။ ။အပျိုမချေ တယောက်လမ်းမာလား ရည်းစားစကားပြောဖို့ ကောင်းရေလား။

၁၃)မိန်း။ ။အသီးတရာ အညှာတခု။
ဖြေ။ ။ရီအုံးသီးခိုင်။

၁၄)မိန်း။ ။ကျောက်ဖျာကြီးအောက် မှိုကြီးပေါက်၊ အောက်ကဖလာ မနှုတ်သာ။
ဖြေ။ ။လျှာ။

၁၅)မိန်း။ ။ကသစ်ပင်တက်ချင်ရေနန့် စူးရေနန့်။
ဖြေ။ ။ထိုအပျိုကို လိုချင်ရေနန့် ရှက်တေနန့်။

၁၆)မိန်း။ ။ကြက်လဲးမတွန် လူလဲးမနိုး၊ လူ့ပြည်ကျွန်းမာ ရွာတမျိုး။
ဖြေ။ ။သချုင်္ိင်း။

၁၇)မိန်း။ ။အိမ်တိုင်းအိမ်တိုင်း ဒိုင်းတချပ်။
ဖြေ။ ။စံဂိုး။

၁၈)မိန်း။ ။ငါ့နွားင/ပြောက် ရီမသောက်။
ဖြေ။ ။တောက်တေ့။

၁၉)မိန်း။ ။ဘလူးလိုင်တို လူကိုမျို။
ဖြေ။ ။အင်္ကျီ။

၂၀)မိန်း။ ။အပြင်ကချချော အထဲးမာကျောက်စရစ်ကေတော။
ဖြေ။ ။ဂေါ်ယံသီး။

၂၁)မိန်း။ ။အခြီ ၈ ချောင်း အဂေါင်းမပါ၊ သန်ညှပ်ကြီးကို ထမ်းပနာလာ။
ဖြေ။ ။ကဏန်း။

၂၂)မိန်း။ ။သံတွဲက မီးလောင်၊ မာန်အောင်က မီးခိုးထွက်။
ဖြေ။ ။ပန်းဒူ(တူ။

၂၃)မိန်း။ ။အဖကတောင်ရိုးသား၊ အမိကမြီရိုးသား၊ ပေါက်တေသားမာ ဈာန်နန့်လား။
ဖြေ။ ။ပန်းဒူ၊ ဆီး၊ ယင်းကထွက်ရေမ(မီး)ခိုး။

၂၄)မိန်း။ ။အပတ်ကိုလှန်၊ အမွီးကိုနှုတ်၊အစေ့ကိုစား၊အရိုးကိုပစ်။
ဖြေ။ ။ဆန်ဖူး၊ဖူး။

၂၅)မိန်း။ ။ရှိမာလဲးမနိန် နောက်ကလဲးမလိုက်၊ ဘေးမာမျှောင် ဇိမ်နန့်လိုက်။
ဖြေ။ ။လွယ်အိတ်။

၂၆)မိန်း။ ။မတိုမရှည်တမိတ်လောက်၊ အစ(နား)ပတ်လည် အမွီးပေါက်။
ဖြေ။ ။နွားန(နား)ရွက်။

၂၇)မိန်း။ ။မင်းသားမောင်ဖြူ ထွက်တော်မူ၊ ရန်သူငါးယောက် ဖမ်းဖို့ရောက်။
ဖြေ။ ။နှပ်ညှိပ်စော်။

၂၈)မိန်း။ ။ငါ့နွားတကောင် ဗို့တထောင်။
ဖြေ။ ။ဂြန့်ခ(ခါး)သီး။

၂၉)မိန်း။ ။ငှက်ဝါချေ မြီမာဥ။
ဖြေ။ ။နနွှင်း။

၃၀)မိန်း။ ။အခြီဝဝါ လှသန္တာ၊ အလှမျိုးစုံ ခေါင်းမြီခြုံ၊ နာရီသိတတ် ယောက်ျားမြတ်။
ဖြေ။ ။ကြက်ဖ။

၃၁)မိန်း။ ။မန်းကျည်းပင်ပျို မထွက်လို၊ ရီတချက်လောင်းလိုက်ပါ။
ဖြေ။ ။ကျောင်းကလ(လူ)ပျို မထွက်လို စာတချက်ကမ်လိုက်ပါ။

၃၂)မိန်း။ ။ပျံရေခါအတောင်နန့်၊ နားရေနှုတ်သီးနန့်။
ဖြေ။ ။မှုတ်စူး။

၃၃)မိန်း။ ။အချေခါ ဘောင်းဘီဝတ်၊ ကြီးလာခါ ဘောင်းဘီချွတ်။
ဖြေ။ ။ဝ(ဝါး)ဒုတ်(တုတ်)။

၃၄)မိန်း။ ။ငါ့ရို့အိမ်အောက် ကြက်သွန်ဖြူ လူမကောက်။
ဖြေ။ ။ကြက်ချီး။

၃၅)မိန်း။ ။ငါ့ရို့အိမ်အောက် လောင်းကြီးမှောက်။
ဖြေ။ ။အိမ်ရိပ်။

၃၆)မိန်း။ ။နိန်း(နှီး) နန့်လဲးမချိုင်၊ ကြီမ်နန့်လဲး မကွတ်၊ တပင်တိုင် နန်းပြသာဒ်။
ဖြေ။ ။ဇာတီ။

၃၅)မိန်း။ ။တကွန်တိုင် ဝါးတဖျား။
ဖြေ။ ။မဖော်နိုင်လူ ငါ့မယား။

၃၆)မိန်း။ ။ခဒေါက်ပင်(ခွေးတောက်ပင်) ခြာ(ခါ)ချေထုပ်။
ဖြေ။ ။ဆ(ဆီး)လိပ်သောက်ချင် ငါ့ဖင်ကုပ်။

၃၇)မိန်း။ ။ပရွက်စိကေ တင်ကကောက်၊ အချိန်အချိန် ကျောင်းကိုရောက်။
ဖြေ။ ။ပပေါက်(ပေါက်ပေါက်။

၃၈)မိန်း။ ။အာကာပြင်မာ ကြယ်ချေသုံးလုံးရုန်းလာရေ ရွာသားပြည်သား ကြည့်ဂတ်တေ။
ဖြေ။ ။နတ်ကစော်။

၃၉)မိန်း။ ။နွားမလားဘဲ ကြိုးလားရေ။
ဖြေ။ ။ပြိန်းစွယ်။

၃၀)မိန်း။ ။မဖွတ်ဘဲဖြူ မထည့်ဘဲပြည့်။
ဖြေ။ ။အုန်းသီး။

၃၁)မိန်း။ ။နတ်သမီးအိမ်တိုင် ပိုးမဖောက်နိုင်၊ ဖောက်နိုင်သော်လဲး တပေါက်တည်း။
ဖြေ။ ။အပ်။

၃၂)မိန်း။ ။မျက်နှာမဲးကြီး ငိုလိမ့်မေ၊ ကမ္ဘာ့စည်ကြီး တီးလိမ့်မေ၊ ပျောက်နိန်သူလဲး ပေါ်လိမ့်မေ၊ သီနိန်သူလည်း ရှင်လိမ့်မေ။
ဖြေ။ ။မိုးရိပ်တက်ပြီးမိုးရွာခြင်း၊မိုးကြိုးပစ်ခြင်း၊ ဖား၊ မြက်ပင်။

၃၃)မိန်း။ ။သေတ္တာဘောင် ကြောင်အံရေ။
ဖြေ။ ။မောင်ယေကျောင်း စာပြန်ရေ။

၃၄)မိန်း။ ။သေတ္တာဘောင် ချော်ချ။
ဖြေ။ ။မောင်ယေလာဂေ ကြမ်းပေါက်က။

၃၅)မိန်း။ ။အာကာပြင်မာ ကြယ်စိကေပပြိန့် လမဟိ။
ဖြေ။ ။ဆန်ခါ။

၃၆)မိန်း။ ။အသီးထက်က အပင်၊ အပင်ထက်က အသီး။
ဖြေ။ ။နန္ဒြာသီး။

၃၇)မိန်း။ ။အခြီ ၄-ချောင်းသတ္တဝါ ဆီမစားရ မလားပါ။
ဖြေ။ ။ထွေလာ သို့ ထော်လာဂျီ။

၃၈)မိန်း။ ။ချောင်းမာနိန် ကုန်းမာဥ။
ဖြေ။ ။ပြင်သာလိပ်။

၃၉)မိန်း။ ။အနွယ်တရာ ရုံလို့လာ၊ သီးခါ တလုံးတည်း။
ဖြေ။ ။လ(လူ)ပျိုချေတရာ ရွာလယ်လာ ရရေခါ တယောက်တည်း။

၄၀)မိန်း။ ။ထိုးရေသူဆောင့်ခြောင် ခံရေသူပက်လက်၊ တနားထိုးဂေ အဂျိထက်။
ဖြေ။ ။သနပ်ခါးသွီးရေစော်။

၄၁)မိန်း။ ။တနှစ်တခါ ပေါ်လို့လာ၊ ငါသာမင်းလောင်း ထီးဖြူဆောင်း။
ဖြေ။ ။တောင်ဘုမှို။

၄၂)မိန်း။ ။ပင်လယ်ဆီး ဆုံလောက်ကြီး၊ အသီးကြွီကျ ရှာမရ။
ဖြေ။ ။ပျိုင်ထောင်အိမ်ကြီး အဟိပ်ကြီး သမီးဂုဏ်ပြ လင်မရ။

၄၃)မိန်း။ ။ဘူးလို့ကြွီကျ ရှာမရ။
ဖြေ။ ။ချီးပေါက်ရေစော်။

၄၅)မိန်း။ ။ဇာတီပုန်းဆိုး ရှိမခိုး။
ဖြေ။ ။ကောင်ရှိုးတိုင်။

၄၆)မိန်း။ ။ညညိုချေမာ ဖဖြူချေကွက်၊ လလုံးချေနန့်နှက်၊ သွီးစစက်ထွက်။
ဖြေ။ ။ကွမ်းစာစော်--ကွမ်းရွက်၊ ထုံး၊ ကွမ်းသီး၊ ကွမ်းရီ။

၄၇)မိန်း။ ။အဖိုးချဒုံး ပြင်တဆုံး။
ဖြေ။ ။ကမ်းသင်း။

၄၈)မိန်း။ ။အဖိုးမဆိတ်(မုတ်ဆိတ်)ဖြူ ပန်းတူသောက်ယင်း အိုင်သို့ဆင်း။
ဖြေ။ ။စပါးကောက်ညှောက်။

.................
ကျောက်ရိုးသားချေ

(ဂနိန့်ရခိုင်ပြည်ဘလော့မှ)

ရေးသားတင်ပြသူ poempalace အချိန် 11:06 PM

Read more »

ရခိုင့်ရိုးရာ ငစွေအက

ရခိုင်ရိုးရာအကတိအထဲမာ ငစည်အကစွာ ခြီလှမ်းဟန်နန့် လက်ဖြောက်တီးဟန်ကို အဓိကထားပနာ ကပြရရေ အကတခုဖြစ်ပါရေ။ အဆိုနန့်အကရာ ပါဝင်ဘနာ တယောက်တည်းကပြရရေ အတီးလွတ်အကဖြစ်ပါရေ။ ငစည်တတ်ခေါ် ငစည်ဆရာက အမူအရာအမျိုးမျိုး၊ အသံအမျိုးမျိုးနန့် ကပြရပါရေ။ အမူအရာကောင်းကေ ကောင်းသလောက်၊ အဆိုအပြောကောင်းကေ ကောင်းသလောက် ပွဲကြည့်ပရိတ်သိတ်တိ စိတ်မာ အနုပိုဉ်ညာရသကို ခံစားရကတ်ပါရေ။

ပထမဆုံး ငစည်တက်သည် ငစည်သခြင်းနန့် နိဒါန်းပျိုးလို့ တိုင်းပြည်တည်၊ ဒုတိယ ဇာတ်ကွက်ဖော်ပြီးကေ၊ တတိယ လောင်းတစင်းနန့် ငစည်ဟြာခြင်း ယင်းပိုင် အပိုင်း(၃)ပိုင်းခွဲပနာ ကပြကတ်ပါရေ။ ရခိုင်ပင်လယ်ကမ်းတိမာ ငစည်ဟြာပုံကို ဟန်နန့်ကပြလားစွာဖြစ်ပါရေ။ ငစည်ကိုအကြောင်းပြုပနာ ယင်းအကကို ငစည်အက၊ ငစွေအက၊ ငစည်အက၊ ငစည်နှိုက်ပွဲ ဆိုပနာ အမျိုးမျိုး ပြောကတ်ပါရေ။ ငစွေ ကပွဲမာ ရယ်စရာ(ဟာသ)မြောက်တေ ပွဲဖြစ်တေအပြင် သိုက်၊ တဘောင်၊ စနည်း စရေ အနာဂါတ်ကို ကြိုပနာဟောပြောရေ အချက်တိလေ့ ပါရေအတွက် လာပနာနားထောင်ဂတ်တေ အာဂန္တုတိက ကဂေါင်းကြိုက်ကတ်ပါရေ။
အယင်ခေါက်ခါက ငစွေအကကို နန်းထဲမာရာ ကပြခကတ်ကေလေ့ ဘုရင်ခေတ်ကုန်ဆုံးလားခရေနောက်ပိုင်းမာ ငစွေကပွဲမာ ရပ်ရွာပွဲတိအဖြစ် ပြန်နှံ့လာခဘာရေ။ ရာဇ၀င်ကြောင်းနန့် သင်ခဏ်းစာတိ ပါဝင်ရေအတွက်နန့် လူကြိုက်များခဘာရေ။ ငစည်အက ဇာတ်လမ်းမာ သက္ကရာ ၉၈၄ ခုနှစ်မာ မြောက်ဦးမြို့မာ စိုးစံတော်မူခရေ နရပတိမင်းက ၀ါလှဖြူ (ခေါ်) ၀ါစိုးဖြူကို မိဖုရားအဖြစ်ကောက်ယူ သိမ်းပိုက်ခပါရေ။ ၀ါလှဖြူက မကြိုက်လို့ သက်ကြီးရွယ်အို (၀ါကျီး) ဘုရင်ကို ငစည်အရုပ်နန့် နံနှိမ်ပနာ နတ်ရွာစံစီခရေ ဇာတ်လမ်းဖြစ်ပါရေ။ လောင်းကြက်စားအမတ် ငကုသကိုရာ မိဖုရားက ကြိုက်တေအတွက်နန့် ဘုရင်ကြီးကို နတ်ရွာစံစီတင်မက သားတော်ချေ မင်းစနီကိုပါသတ်ပနာ ငကုသကို သက္ကရာဇ် (၁၀၀၀) ပြည့်နှစ်မာ ထီးနန်းစိုးစံစီခဘာရေ။ ငကုသစွာ ဒေမိဖုရားက နောက်ခါငါ့ကိုလေ့ ဒေပိုင်လုပ်ကြံနိုင်ရေလို့ စိုင်းစားမိဘနာ မိဖုရားအဖြစ်ကချဘနာ နန်းတော်ကနှင်ထုတ်လိုက်ပါရေ။ သူတပါးကို မကောင်းကြံကေ ကိုယ်ကိုတိုင်ဘေးဒါဏ်ခံရစွာကို သင်ခဏ်းစာပီးရေ ဇာတ်လမ်းဖြစ်ပါရေ။
ငစည်ကပွဲမာ မီးတိုင်ကို ကောင်းမသုံးကတ်ပါ။ လပ ပပြင်အောက်မာ မြီကွက်တလင်းပြင်မာ ကပြကတ်ပါရေ။ လူတိက ၀ိုင်းပနာကြည့်ကတ်ပါရေ။ ဇာတ်ထုပ်တခုကို တယောက်တည်းကပြရစွာ ဖြစ်တေအတွက်နန့် ရှင်ဘုရင်စကာပြောခါ ပလ္လင်အဖြစ် ဆုံထက်က ပြောရပြီးကေ၊ အမတ်ကြီးက လျှောက်တင်ရေအခါ ပလ္လင်အောက်ကိုဆင်းပနာ လျှောက်တင်ရပါရေ။ ငစည်ကဖို့အတွက် ပစ္စည်း၊ ပစ္စယတိ ကောင်းမလိုဘာ။ ရာဇပလ္လင်အဖြစ် ထိုင်ဖို့ ဆုံတလုံး၊ ယက်သဲ့တခု၊ ပလိုင်းတလုံး၊ လှော်တက်တချောင်း၊ တောင်းတလုံး၊ ဆန်တခွက်၊ ကတော့ပွဲတခု၊ ပ၀ါတပိုင်းရာ လိုဘာရေ။ ပုဝါကို မမပိုင်လုပ်တေခါ သုံးဖို့အတွက်ဖြစ်ပါရေ။ ငစွယ်တတ်စွာ ဂေါင်းမာ ငါးအစွယ်ပိုင် ရှိတတည့်သို့တထော်လောက် ထွက်နီအောင် ခေါင်းပေါင်းပေါင်းထားရဘာရေ။ ငစွယ်တတ်သည် သာခြင်းခေါ် လင်္ကာတမျိုးနန့် စပ်ဆိုထားရေ ငစွေသခြင်းကိုဆိုလို့ ကပါရေ။ ရှိကျသော ရခိုင်စကားတိပါဝင်ရေ ရမ်းဗြဲစကားကို သုံးပါသည်။

အမှားပါလို့ လိုအပ်စွာတိဟိကေ ထပ်လို့ဖြည့်စွက်ပီးကတ်ပါ ဟာလူရို့။

Free4waddy

ငစွေအကနန့်ပတ်လို့ နားဖို့ဆိုကေ  Click

(ခွန်းတိုင်းသက်သီဘလော့မှ)

ရေးသားတင်ပြသူ Arakan Indobhasa အချိန် 2:16 AM

Read more »

ရခိုင် ကုန်းပြိုင်လောင်းပွဲရောက်ဖူးလာ

ပြိုင်လောင်းဟုပြောလျှင် ငရို.ရခိုင်သားတိ ရီကိုပြီးမြင်ကတ်လိမ့်မည်။ အဂုအကျွန် ရွီးမည်.ပြိုင်လောင်းအကြောင်းသည် ရီတွင်ပြိုင်ခြင်းမဟုတ်၊ ကုန်ထက်တွင် ထထူးဆဆန်း ပြိုင်ခြင်း
ဖြစ်ပါသည်။ အကျွန်ဘ၀တသက်တွင် တစ်ခါရာ မြင်ဖူးပါသည်။ အကျွန်အသက် ၁၂ အရွယ်ခန်. ဖြစ်သည်။ ပေါက်တောတွင် လည်ရိုးတော်ဓာတ် ဇေတီ ပွဲကျင့်ပသည်။ထိုဘုရားပွဲကို
နှစ်စဉ်နှစ်တိုင်းကျင့်ပ၍စည်လေ့ကကောင်းစည်ပါသည်။လူပေါင်းထောင်သောင်းများစွာ ပါဝင်ဆင်နွဲကတ်ပါသည်။ ထိုပွဲတွင် ရခိုင်ရိုးရာယဉ်ကျေးမှု အဖုံးဖုံး၊ အက၊ အားကစား၊ ခရမ်းသီး
ဇာတ် ယင်းပိုင်အစုံပါသည်။ အကျွန်ယင်းပြိုင်လောင်းအကြာင်း အသက် ၁၂ အရွယ်ခန်. ဖြစ်၍ လုံးစိပတ်စိ မမှတ်မိပါ။ယကေလေ့မှတ်မိသလောက်တင်ပြလားပါမည်။ ယင်းကုန်းပြိုင်လောင်း
ကို ပုံဖော်ရာတွင် ပုတ်အဆိုး၊ ဖျာ(၀ါ) ရိုင်လိပ်အဆိုးတိကို လောင်းပုံပိုင် ဓားနန်.ပိုင်းဖြတ်ပုံဖော်ရသည်။ အားကောင်းမောင်းသန်၊ ဖျတ်လတ်သော လှေလော်သားတိ ဘေးတဖတ် တချက်
တွင် ထိုပုံဖော်ထားသော ပုတ်အဆိုး၊ ဖျာ(၀ါ) ရိုင်လိပ်အဆိုးတကို ၀ါး(၀ါ) အသား(သစ်သား) ဒဂုံတိနှင့် ပူးချိုင်ရသည်။ ဒဂုံကွင်များမှာ တစ်ခုနှင့်တစ်ခု အကွာအ၀ီး ၁ ပေ ၇ လက်မလောက်
အကွာတွင်ဟိသည်။ လောင်းလျော်သားများ သည် ဒဂုံကွင်းတိ အလယ်တွင် ရပ်လျှက် အနိန်ထားဟိပြီး ကုန်းပြိုင်လောင်းအား ခိုင်မာရေကြိုးတိနှင့်ပက်ခုံးတွင် ထမ်းထားရပါသည်။
လောင်းတစ်လောင်းတွင်ဦးရေ ၁၅ ယေက် မှ ၁၇ ယောက်ထိပါဝင်မည်ဟုထင်ပါသည်။ အ၀ီးကကြည့်မည်ဆိုပါ အလွန်လှပခန်.ငြားသော ကုန်းပြိုင်လောင်းကြီးကိုမြင်နိုင်ပါသည်။ ပြိုင်လောင်း
၏ အပြင်ဘက်နံတိကိုလည်းပန်းချီတိနှင့်အလှဖော်ထားပါသည်။လောင်းလှောင်းသားများအနိန်ထားမှာ ရီ ပြိုင်လောင်းပိုင် တတူတူဖြစ်သည်။ လောင်းလှော်သားများ သူရို.၏ လှော်တက်တိကို
အားမှန်အပြည့်ဖြင့်ကိုင်ထားကတ်သည်။ ပြိူင်ပွဲဝင် အသင်းများသည် တာမထွက်မှီ တစင်းနှင့်တစင်းပြိုင်တူရပ်လျှက် ဒိုင်လူကြီး အချက်ပီး ပလီသံကို စောင့်ကတ်ရသည်။ရီပြိုင်လောင်းနှင့်စည်ကမ်းတိ
တတူဖြစ်ပါသည်။ ပလီအချက်ပီးသံကြားလျှင်ကြားချင်း ပန်းတိုင်ကိုအယင်ဆုံးရောက်ရန် တက်တိကိုလှော်လျက် ပြိုင်တူ ပြီးကတ်ရပါသည်။ ဒေပြိုင်ပွဲကြည့်ရသည်မှာ ရယ်ဖို.၊ပျော်ဖို.ကောင်း
ရေပိုင် အားပါဖို.လည်းကကောင်း ကောင်းပါသည်။ ကုန်းပြိုင်လောင်းသည် ရီပြိုင်လောင်းထက် အဆတစ်ရာလောက် ခက်ခဲ့ သိမ်မွေ.မည်ဟုအကျွန်ထင်ပါသည်။ ကုန်းပြိုင် လောင်းတွင်
အတိုင်ဖောက် ကကောင်းညီရန်လိုအပ်ပြီး၊ လောင်းလှော်သားအချင်းချင်း အဟုန်တတူ ပြီးရန်ကကောင်းအရေးကြီးပါသည်။ မဟုတ်ပါက တစင်းလုံး ဂဂြမ်းပြို လဲကျမည်ဖြစ်သည်။
ပန်းတိုင်သို. စဗြီး( ပြီး) ရာတွင် လှော်တက်တိကိုလည်း တပါတည်းလှော်ရပါသည်။ ယင့်ချင့်သည် balance ဖြစ်ဖို.တွက်ကကောင်းခက်ခဲ့သောအလုပ်ဖြစ်ပါသည်။ အကျွန် ရွီ.(ရှိ) မှာပင်
တချို.သော လောင်းများ ဂဂြမ်းပြို လဲကျကတ်ပါသည်။အကျွန်သည် အချေ ဘာသာ ဘာဝ အလျောက် အအူပိန်အောင်ရယ်မိပါသည်။ အသင်း သသင်းနှင့် သသင်းလည်း မနာ နာအောင်း
သံကျပ်တိ ထိုးကတ်ပါသည်။ ရခိုင်ရိုးရာကုန်ပြိုင်းလောင်းပြိုင်ပွဲ မျိုး သည် ကမ္ဘာ့ မည်သည်.နိန်ရာ မှာ တွိနိုင်မည်မဟုတ်ပါ။ ရခိုင်ပြည်တွင်လည်းပျောက် ကွယ်လားယာဟုထင်ပါသည်။
ယင်းပိုင် ချစ်ဖို.ကောင်းရ ၊သိမ်မွေ.နက်နဲသော ရခိုင်ရိုးရာ ယဉ်ကျေးမှုအမွီနှစ်များအား ထိမ်းသိမ်းဖော်ထုတ်ကတ်ပါရန် ရခိုင်တမျိုးသားလုံးကြိုးပမ်းကတ်စီချင်ပါသသည်။

(ရခိုင် ကုန်းပြိုင်လောင်းပွဲအကြောင်းသည် ဒေစာတိုချေ တပိုဒ်ဖြင့် မလုံလောက်နိုင်ပါ။ အကျွန်မှတ်မိသလောက်တင်ပြခြင်ဖြစ်ပါသည်။ သိရေလူဆက်ရွီးကတ်စီချင်ပါသည်။)

အေးမောင်( ရင်အုံတော်ဓာတ်)


(ဘုရင်မာရယုဘလော့မှ)

ရေးသားတင်ပြသူ ထွက်နီလင်း အချိန် 8:34 AM

Read more »

သင်္ကြန်လ ရခိုင်ပြိုင်လောင်းပွဲ

သင်္ကြန်လ ရခိုင်ပြိုင်လောင်းပွဲ
--------------------------------
ရခိုင်ပြည်တွင် သင်္ကြန်လ၌ ရီလောင်းပွဲကိုလည်းကောင်း၊ ကျင်ပွဲ (ခေါ်) လက်ပန်းလုံးပွဲကိုလည်းကောင်း၊ လှီပြိုင်ပွဲ (ခေါ်) ပြိုင်လောင်းပြိုင်ပွဲကိုလည်းကောင်း ရာသီပွဲများအဖြစ်ကျင်းပလေ့ဟိသည်။ ဤဆောင်းပါး၌ ပြိုင်လောင်းပွဲသဘင် ဆင်ယင်ကျင်းပပုံကို တင်ပြလိုပါသည်။

ပြိုင်လောင်းပွဲကို သင်္ကြန်လတွင်ကျင်းပကြောင်း စာဆိုဥက္ကာပျံ ရွှန်းလိုက်ရတု၌

"ရက္ခမှန်ဖူး၊ မြောက်ဦးရွှီပြည်သာ၌
များစွာသည် ရွှီလှီပေါင်း
သိင်္ဂနဒီ နန်းတောင်ဆီဝယ်
ရွှီလှီမင်းဆိပ်ချောင်း၌
တသောင်းသောင်းပျော်စဉ်တွင်
တူစုံရှုကြည့်ချင်သည် သင်္ကြန်အခါတည်းလေ"

ဟု ရွီးဖွဲ့ထားသည်ကိုတွိရသည်သာမက တန်းခိုးဆရာထွန်းကြီးကလည်း -

"လှီပွဲသဘင်၊ ရီထဲတွင်၌ ၊ ပျော်ရွှင်မြူးထူး၊ မင်းလွင်ကျူးလျှက်၊ တန်ခူးခါမှီ၊ လရာသီဝယ်၊ လောကီဘာသာ၊ ဓမ္မတာဖြင့်၊ နာဝါချင်းယှဉ်၊ လောင်းချင်းပြိုင်လျှက်၊ ငါနိုင်သူယှုံး၊ တပြုံးပြုံးနှင့်၊ ဖက်နှုန်းလှီလှော်၊ ရီအပေါ်၌၊ ရွှင်ကာပျော်မွိ၊ လုပ်ကြံမိအောင်၊ လှီဖွဲ့သံချို၊ ဆိုသူတဖြာ၊ လှော်သူတဝ၊ ကသူအပေါင်း၊ တသောင်းသောင်းနှင့်၊ မောင်းတဟီးဟီး၊ ခတ်တီးမညံ၊ အောင်လံဝီဝီ၊ ပြိုင်လှီပြိုင်လောင်း၊ ရီချောင်းမလပ်၊ ပရိသတ်များ၊ ပွဲကြည့်သားရို့"

ဟူ၍ စပ်ဆိုထားခသည်။ ပြိုင်လောင်းပြိုင်ပွဲကို သင်္ကြန် (သို့မဟုတ်) သင်္ကြန်လွန်၍ ကဆုန်ညောင်ရီမသွန်းမှီကာလအတွင်း ကျင်းပရခြင်း၏အကြောင်းမှာ လူထုပွဲလမ်းသဘင်အားဖြင့် လူထုအားလပ်ချိန်ကို ရွီးချယ်ရခြင်းဖြစ်သည်။ လူထုဆိုသည်မှာလည်း တောင်သူလယ်သမားများသာလျှင်ဖြစ်သဖြင့် လယ်သမားအဖို့ တလင်းပွဲစပါးရောင်းပြီးချိန် အားလပ်ချိန်ဖြစ်သည်။ ဤပြိုင်လောင်းပြိုင်ပွဲသည် ဆင်းရဲသားများ၏ပွဲလမ်းသဘင်ဖြစ်ပြီး အများစုပေါင်း၍ အားကြိုးမာန်တက်လုပ်ဆောင်ရသည့် အားကစပ်ပျော်ပွဲရွှင်ပွဲတရပ်လည်းဖြစ်သည်။ စုပေါင်းညီညာ၊ အောင်ကြောင်းဖြာဆိုသည့်ဆောင်ပုဒ်အတိုင်း ညီညွတ်ရေးကိုရှိရှုသော ပွဲလမ်းသဘင်ဖြစ်ပေသည်။

ပြိုင်လောင်းလျာ

ပြိုင်လောင်းပြိုင်ပွဲ ကိုကျင်းပနိုင်ရန်အတွက် "ပြိုင်လှီ၊ ပြိုင်လောင်း" ခေါ်သည့် ပြိုင်ပွဲဝင်မည့် လောင်းကောင်းရဟိရေးမှာ ပထမအရေးအကြီးဆုံးဖြစ်သကဲ့သို့ လောင်းကောင်းရရေးကို ရှိရှု၍ သစ်ပင်ခွတ်လှဲရန် တရပ်လုံးတရွာလုံး အားပီးပါဝင်လေ့ဟိသည်။ သန်သန်မာဟိသော ယောက်ျားများကဦးဆောင်ပြီး တောသုံးတောင် ကုန်အောင်လားကာ သစ်ကောင်းရှာရသည်။ သစ်ရှာမထွက်မှီကပင် ဓလေ့အတိုင်း ဗေဒင်ဆရာနှင့် ရွာကျောင်းဆရာတော်ရို့ သြဝါဒကိုခံယူပြီး ရက်ကောင်းနိသာရွီးချယ်၍ သစ်ခွတ်ရသည်။

လိုက်ပါရသည့်သူများအထဲတွင် ကိုယ်အင်္ဂါချို့တဲ့သော၊ မသန်စွမ်းသူများ မပါဝင်ရ။ အများအားဖြင့် ဆယ့်ခြောက်လံဟိသည့် ပြိုင်လောင်းများကို ပြိုင်ပွဲ၌ အသုံးချလေ့ဟိသဖြင့် အဆမတန် အသက်ကြီးသည့်သစ်ပင်များကို တွိအောင်ရှာရသည်။ သစ်အကြောင်း ကောင်းစွာနားလည်သည့်ဆရာများနှင့်တိုင်ပင်ပြီး အနာအဆာမပါသော သစ်ကိုခွတ်ယူရသည်။ သစ်ပင်ခွတ်ကတည်းက သစ်ပင်လဲပုံကို နိမိတ်ကောင်းယူလေ့ဟိသည်။ သစ်ပင်သည် သစ်ငုတ်နှင့် အနီးကပ်ဆုံးလဲလျှင် လောင်းလှော်၍လားမည့် လောင်းမဖြစ်ဟုယူဆသည်။ သစ်ငုတ်နှင့် ဝီးရာသို့ကျသည့်သစ်ကိုမှ ပိုပြီးနှစ်သက်သည်။ တချို့ရွာများမှ ပြိုင်လောင်းများမှာဆိုလျှင် တောင်တလုံး၊ နှစ်လုံးကိုပင် ကျော်၍လှဲသည်ဟု အဆိုဟိသည်။ ထို့ကြောင့် ပြိုင်လောင်းရှာထွက်ကတည်းက -

"သုံးတောင်ကျော်လို့ လဲလတ်တေ
ထူးကဲလှရေ ထိုနိမိတ်ကြောင့်
မောင်ရို့ပြိုင်လောင်း လှော်ရေခါ
လျှင်မြန်ရာမှာအတုမဟိ
နီလရထားပုံပမာ
ယုဇနာတာ လွန်မြောက်အောင်
တမဟုတ်ချင်း ရောက်နိုင်ရေ
အမှန်ပြောမည် မြင်းသိန္ဓော
တိမ်ညွန့်စားနှင့်နှိုင်းစရာ
သုံးလူ့ဆရာ လောင်းသိဒ္ဓတ်က
လှေးတော်တင်လို့ ပစ်လွှတ်ရာ
မြှားတံပမာ အဟုန်ပြင်း
ဂဠုန်မင်းလည်း မတုနိုင်
ပြိုင်ဖို့လာရေ လှီတော်သားရို့
ဝီးကယှောင်ယှားပါကတ်လီ
ဇာမထီ ဇာနီပြိုင်လောင်း"

ဟူ၍ မိမိရို့ပြိုင်လောင်းသည် သစ်ခွတ်ကတည်းက တောင်သုံးလုံးကျော်၍လဲသည့် သစ်လောင်းလျာကို ပြုလုပ်ထားသောလောင်းဖြစ်သဖြင့် နီလရထားကဲ့သို့ လျှင်မြန်လှသည်ဟု ပြိုင်လောင်းဂုဏ်ပုဒ်ကိုဖော်ကျူးပြီး တဘက်သားမခံချင်အောင် သံကျပ်ကြီးထိုးထားခြင်းဖြစ်သည်။

ပြိုင်လောင်းပုံသဏ္ဍာန်

ရခိုင်ပြည်တွင် ရီလမ်းခရီးများလှသဖြင့် လောင်းလှီကိုအသုံများသကဲ့သို့ ရှိရခိုင်ဘုရင်များလက်ထက်က လှီအမျိုးမျိုးဟိခသည်။ ဘားမဲ့၊ သက္ကဒါန်၊ ဂျွတ်၊ ကရဝိတ်၊ ရိတော်စပ်တင်၊ လှော်ကား ၊ လွန်းကြင်၊ ပြာဿဒ်၊ ဖောင်လှီ၊ ရွှီလောင်း၊ ရွှီမီးကျောင်း၊ ရွှီကြက်၊ ရွှီကျီ၊ ရွှီစာမရီ စသည်ဖြင့်ဖြစ်သည်။

ယခုအများသုံးလောင်းလှီရို့မှာ "ထွင်းလောင်း၊ စပ်လောင်း" ဟူ၍နှစ်မျိုးဟိသည်။ ယင်းရို့ကို အသုံးချသည့်အတိုင်း ပြိုင်လောင်း၊ စီလောင်း၊ လောင်းကြီးလှီကြီးဟူ၍ အမျိုးမျိုးခေါ်သည်။ ပြိုင်လောင်းမှာ ထွင်းလောင်းမျိုးဖြစ်သည်။ ပြိုင်လောင်းမှာ (၆) လံမှ (၁၆) လံထိ အရှည်ဟိသည်။ ဦး၊ ပဲ့၊ ရီစားဟူ၍ အစိတ်အပိုင်းများကို စနစ်ကျအောင်၊ အချိုးကျအောင် လုပ်ရသည်။ လောင်းထွင်းပြီးသောအခါ မီးပွတ်တိုက်၊ ဆီချောတိုက်၊ မိုဟင်းခေါင်းနှင့်တိုက် အစဟိသည့် တန်းဆာဆင်ခြင်းများပြုလုပ်ရသည်။ (၁၆) လံရှည် ပြိုင်လောင်းမှာ ဦးနှင့်ပဲ့ကို တလံလောက်စီ အရှည်ထားရသည်။ ဦးက သပြီအိုးအပြင် နဂါးရုပ်၊ ကိန္နရာရုပ်၊ နယားရုပ်၊ ဟင်္သာရုပ်၊ ပန်းကနုတ်များကို ထုဆစ်တပ်ဆင်ထားသည်။ ဆီးခြယ်သပ္ပါယ်ထားသည်မှာ ကြည့်၍အလွန်လှသည်။ ပဲ့ဆိုလျှင် "မြာဒင်" ခေါ် တက်မခုံကို ကျီး၊ ကျား၊ ငှက်ရုပ်၊ ကြာပန်းရုပ်များဖြင့် မွမ်းမံထားသည်။ တက်မဆိုလျှင် "မြာတံရှည်" ဟုခေါ်သော တက်မကို အသုံးပြုသည်။ လောင်းဝမ်းမှာဆိုလျှင် လောင်းလှော်သားများထိုင်ရန် "ဒဂုံ" တပ်ပြီး "ပင်းကန်'' များကို (၂) လံလောက်တွင် (၃) ခုလောက် တပ်ဆင်ထားရသည်။ လောင်းကို လူအများက ထမ်းချထမ်းတင်ပြုလုပ်ရသည်။ အမျိုးသမီးများကျော်မတက်ရန် စည်းကမ်းသတ်မှတ်ထားသည်။

လောင်းလှော်သားများ

ဆယ့်သျှစ်ယောက်စီးရသည့် (၆) လံ ပြိုင်းလောင်းမှာဆိုလျှင် နောက်ဆုံးက တက်မကိုတဦး၊ တက်မကိုင်ရှိက ပဲ့ထောင်နှစ်ဦး၊ ရှိတွင် ဦးစီဦးပေါက်ခေါ်သည့် ပန်းဆွဲတဦး၊ ဦးစီးနောက်က "လိုင်ဆစ်တောင်ဖျံ" ခေါ်သည့် ဦးထောင်စီးနှစ်ဦး၊ ကျန်ဆယ့်နှစ်ဦးမှာ တပင်းကန်နှစ်ယောက်တတွဲစီ အလှော်သမား (၆) ဆိုင်းထိုင်ရသည်။ (၁၆) လံ ပြိုင်လောင်မှာဆိုလျှင် လူလေးဆယ်ယောက် တက်စီးရသည်။ လောင်းလှော်သားများမှာ အဝတ်ဆင်တူ၊ ဂေါင်းပေါင်းစွန်ထောင်၊ ရင်စည်း၊ စလွယ်သိုင်း၊ ရင်သိုင်းအမျိုးမျိုး ဝတ်ဆင်ရသည်။ လောင်းလှော်သူများသည် ဦးစီးတက်ချသည်ကိုကြည့်၍ တက်ညီအောင်လိုက်လှော်ရသည်။ ဦးစီးလုပ်သူက တက်လှော်သည်ကို ကြီးကြပ်ရသကဲ့သို့ ပဲ့ကိုင်ကလည်း လောင်းတည့်တည့်လာားအောင် တာဝန်ယူရသည်။

ဦးစီးလုပ်သူမှာ အလွန်တော်ဖို့လိုသည်။ ကိုယ့်လောင်းအလားအလာကိုကြည့်ပြီး တက်ချရသည်။ ပြိုင်လောင်းတာအထွက် တက်ကိုရီမြှုပ်ပြီး အရှည်ဆွဲလှော်ခတ်ကာ ပန်းအဝင် တက်ကို သွက်သွက်ယင်ယင်လှော်ရသည်။ တနည်းဆိုလျှင် ပြိုင်လောင်းယင်ဖို့အင်အားမှာ ဦးစီး၏လှုပ်လျှားမှုအပေါ်၌ တည်သည်။ ပြိုင်လောင်းအသျှိန်ယူ၍ တာထွက်လာသည့်အခါ မတိမ်းမစောင်းရန် အရေကြီးသည်။ တာအထွက်တွင် လောင်းဦးစီးလုပ်သူက စောင်းလိုက်မည်ဆိုလျှင် ပြန်၍တည့်အောင်လုပ်ရသဖြင့် အချိန်ကြာတတ်ပြီး နောက်ကျကျန်ရစ်မည်ကို စိုးရိမ်ရသည်။

ပြိုင်လောင်းလှော်၍ အင်တန်အသျှိန်ရလာသည့်အခါ အပြီးမြန်၍မှန်လာသည့်အခါ တက်မကိုင်လုပ်သူက တက်မကို ရီထဲနစ်ရုံလောက်ရာ ချထားလေ့ဟိသည်။ တော်သည့်ကျွမ်းသည့် တက်မကိုင်များဆိုလျှင် တက်မကိုရီပေါ်ဖော်၍ ယူလာတတ်သည်။

ထို့ကြောင့်

"ကိုးစိပ်ကိုးလံ၊ ကိုးပင်းကန်
ကျင်သန်တိရာ တက်ပျာစီးလို့
မဟာလောင်းကြီးထွက်လို့လာ
ဇမ္ဗူဒီပါ လက်ယာကျွန်းမှာ
ထွန်းရေနီလ ပုံပမာ
သတင်းကြေညာ နာမည်ကြီး
ပြိုင်လောင်းဦးစီး "ဆရာအောင်"
သူကရှိဆောင် လမ်းညွှန်ပြလို့
ပြိုင်လောင်းဝမ်းမ ပင်းကန်မှာ
ရှိနောက်ဘယ်ညာ နီရာစိအောင်
လူစိတက်စိ ထိုင်ပြီးသကာ
ဦးစီးဆရာ ချရေတက်နှင့်
မပျက်မကွက် ညီညီညာ
ရီပန်းဖွားအောင် တက်ကိုစွဲလို့
တဟုန်တည်းနှင့် ထွက်လီခါ
ပြိုင်လောင်းပဲ့မှာ "ဆရာထွန်း"က
ရပ်စောက်ထလို့ ရှိကိုမျှော်
သူ့လက်စွဲတော် ထိုတက်မကို
မြာဒင်ထက်က နောင်းနောင်းကိုင်
မယိမ်းမယိုင် လှီမစောင်းအောင်
ဖြောင့်ဖြောင့်တန်းတန်း ကိုင်လို့လာ
ဇာသူတခါ ပြိုင်ဝံ့ဖို့လဲ
အပွဲပွဲ နွှဲလို့လာ ယှုံးရေဆိုစွာ သူရို့မသိ”

ဟူ၍ "ကျင်သန်" ခေါ်လူသန်များစီးသော မဟာလောင်းကြီးမှာ နာမည်ကြီးသည့် ဆရာအောင်က လောင်းဦးစီး၊ ပဲ့ကိုင်မှာ နာမည်ကျော်ဆရာထွန်းဖြစ်သည့်အကြောင်း၊ လူစိတက်စိလှော်လာသည့်ဤမဟာလောင်းကြီးကို ဇာသူပြိုင်ဝံ့ပါမည်နည်းဟု သံကျပ်ထိုးထားခြင်းဖြစ်သည်။

လောင်းပြိုင်ပွဲ ကျင်းပပုံ

ပြိုင်လောင်းပွဲကို ရပ်ရွာအချင်းချင်း (သို့မဟုတ်) မြို့နယ်ခရိုင်အလိုက် ကျင်းပလေ့ဟိသည်။ ရာသီပွဲအဖြစ်သာမက ဘုရားပွဲ၊ မင်းပွဲစိုးပွဲများနှင့်တွဲဖက်၍လည်း ကျင်းပသည်။ ပြိုင်ပွဲဝင်မည်ဆိုလျှင် မပြိုင်ခင်ကပင် ရွာသျှင်မ၊ ချောင်းသျှင်မများကို လောင်းဦးခိုက်ပြီး အတီးအမှုတ်၊ အဆိုအကများဖြင့် ပ,သပူဇော်လေ့ဟိသည်။ လောင်းပြိုင်ပွဲကို ချောင်းများ၌ ကျင်းပလေ့ဟိပြီး ဖျားရီကမ်းနဖူးပြည့်နီသော လဆန်းစ၊ လဆုတ်စအခါများ၌ ကျင်းပသည်။

လောင်းပြိုင်ပွဲကို ဖြားတလတ်ထောက်တက်သော မိုးထက်သား (၁၀) ချက်တီး၊ (၁၁) ချက်တီးလောက်ကအစပြုပြီး ဖြားကျချိန် ညဇာ (၃-၄) ချက်တီးခန့်လောက်တွင် အဆုံးသတ်သည်။ ပွဲကို (၃) ရက်အထိ ကျင်းပသည်။ နိုင်သူအား နောက်ဆုံးနိမှာ ရွှေလောင်းနှင့် အောင်ဆုအောင်လံကို ချီးမြှင့်သည်။ ရပ်ရွာလူကြီးများကို ဒိုင်လူကြီးများအဖြစ် ရွီးချယ်တင်မြှောက်လေ့ဟိသည်။ အငြင်းမပွားရအောင် အရပ်ရပ်ကပြိုင်လာသည့် လောင်းဦးစီးများစုပေါင်းဆွေးနွေးပြီး စီစဉ်ရသည်။ ဆုံးဖြတ်ရသည်။

ပြိုင်လောင်းပြိုင်ပွဲအတွက် တာအထွက်အစကကပင် အဆုံးပန်းဖူးတိုင်အကွာအဝီးကို သတ်မှတ်ထားရသည်။ ပြိုင်သည့်အခါ ရိုးရာဓလေ့အတိုင်းဆိုလျှင် တာအညီထွက်နိုင်ရန် သံတုံးကို စင်မြင့်က ကြိုးနှင့်ဆွဲပြီး ရီကိုချ၍ အချက်ပီးရသည်။ ယခုအခါ ခေတ်အလျှောက် သေနတ်ပစ်ဖောက်သည်။ ပန်းဖူးအဝင်မှာလည်း အနိုင်အယှုံးကို စက်ဖြတ်ပန်းဆွဲနည်းဖြင့် ဆုံးဖြတ်လေ့ဟိသည်။

စက်ဖြတ်နည်းမှာ လောင်းဦးကဓားကိုစိုက်ထားလျှက် ပန်းဖူးက တားထားသည့်ကြိုးကို အလိုအလျောက်ဖြတ်လားသည်နှင့်တပြိုင်နက် ပန်းဖူးမှာညွတ်ကျလာပါသည်။ ပန်းဆွဲမှာ ဝါးလုံးကိုဖောက်ပြီး ကြိမ်နွယ်တခုခုထိုးသွင်းထားသည်။ ယင်းကို ဦးစီးပန်းဆွဲအစ လောင်းသမားရို့အထိ ဆွဲယူရပါသည်။ ဤသို့ ပန်းဖူးကိုစီစဉ်ထားပြီး အနိုင်အယှုံးဆုံးဖြတ်သည်။

ပြိုင်လောင်းသံကျပ်ကြီး
-------------------------------
ပြိုင်လောင်းနိမှာ ချောင်းကမ်းပါးတဘက်တချက်တွင် ရပ်ရွာအလိုက် မဏ္ဍပ်များထိုးပြီး ဧည့်ခံကျွေးမွီးသည်။ ကမ်းထောင်းအပြည့် ပရိသတ် စည်ကားလှသည်။ မိမိရို့ရပ်ရွာ၌ ရှိသမျှလောင်းလှီများနှင့် ချောင်းရိုးတလျှောက် ပြည့်ကျပ်နီအောင် ပွဲကြည့်ပရိသတ် များပြားလှသည်။ တချို့မှာ နပျိုးပင်များကိုဖောင်လုပ်၍ ကြည့်တတ်သည်။

လောင်းပြိုင်ပွဲမစမှီ ကိုယ့်ရွာကိုယ့်လောင်းဂုဏ်ပုဒ်ကိုဖော်ထုတ်၍ သံကျပ်ကြီးများ ထိုးလေ့ဟိသည်။ အိုးစည်ဗုံမောင်းတီးမှုတ်ပြီး သံကျပ်ကြီးများထိုးသည်မှာ အလွန်သာယာနာပျော်ဖွယ်ကောင်းသည်။ သံကျပ်ကြီးများကို "ပြိုင်လောင်း သံကျပ်ကြီးများ" ဟု ခေါ်တွင်လာလတ်သည်။ ပြိုင်လောင်းပွဲများမှာ သံကျပ်ကြီးများပေါ်ပေါက်လာသည့် အောက်ခြီရီသောက်မြစ်များဖြစ်သည်ဟု ယူဆရသည်။

ပြိုင်လောင်းမပြိုင်မှီ "လှီစိုင်း" လည်းပြုသည်။ မြင်းစိုင်းသည့်သဘော ကမ်းထောင်းတလျှောက် သံကျပ်ကြီးများထိုးကာ အသာအညင် လူးလာခေါက်ပြန် ကခုန်တီးမှုတ် လှော်ခတ်လားကတ်သည်မှာ ပျော်စရာပကတိဖြစ်သည်။ နားထောင်၍ စိတ်ကြွစီသည်။ လောင်းသမားအချင်းချင်း မိမိဂုဏ်ပုဒ်ဖော်၍ သံကျပ်ထိုးသည်များကို အနည်းငယ်ဖော်ပြပြီးဖြစ်သည်။ သံကျပ်ကို ပြိုင်လောင်းသမားအချင်းချင်း ထိုးသည်သာမဟုတ်၊ ပွဲကြည့်ပရိသတ်ကိုပါ စောင်းချိတ်ထိုးလေ့ဟိသည်။

''ဂေါင်းပေါင်းထီထီး ဘကြီးလေ
ကျန်းခန့်သာ မာပါယင့်လား
မိတ္တာဟိလို့ မီးစွာရာ
စိတ်ဆိုးမာန်ပါ မဟိပါကဲ့။

နှခွမ်းဗက်လန် ကန်တော်ကြီးနှင့်
ပြိုင်လောင်းကြည့်ဖို့ လာလတ်တေ
မောင်ရို့လှော်မည် အားမငယ်ကဲ့။

ပြိုင်လောင်းလှော်လို့ လက်မောင်းနာ
တချက်ဖျစ်ပါ အိုမမရို့။

မက္ကလာကို ဂေါင်းမှာဆောင်း
ကမ်းထောင်းထက်က အရီးလေ
သမက်လောင်းချေ နိုင်စီကြောင်းကို
ဆုမွန်တောင်းဖို့ ကောင်းပါရေ။

ကညာပျိုချေ အိုမမရို့
ကမ်းထောင်းထက်က လူးကျမည်
စေတနာနှင့် ပြောခပါယင့်။ ” စသည်ဖြင့်ဖြစ်သည်။

လက်လံအလိုက် ယှဉ်ပြိုင်ရေးအစီအစဉ်များကို လူကြီးများက စီစဉ်ပီးရသည်။ အနိုင်ရသည့် ပြိုင်လောင်းများကို နောက်ဆုံးနိ၌ ရွှေမောင်းငွေမောင်းများနှင့် အောင်ဆုအောင်လံ ချီးမြှင့်သည်။ နောက်ဆုံး ဆုရသည့်ပြိုင်လောင်းဦးစီးက ရွှေမောင်းကိုဆွဲ၍ လှီတော်သားများက အောင်လံကိုင်ပြီး ချောင်းရိုးတလျှောက်စုံဆန်စိုင်းလျှက် ကခုန်တီးမှုတ်သီဆိုကာ ပရိသတ်အားနှုတ်ဆက်လေ့ဟိသည်။

လူထုပွဲလမ်းသဘင် လယ်သမားလုပ်သားများ၏ ပွဲလမ်းသဘင်၊ စုပေါင်းညီညွတ်လုပ်ဆောင်မှ အောင်သည့် ပွဲလမ်းသဘင်ဖြစ်သည်။ ရခိုင်ပြိုင်လောင်းပြိုင်ပွဲကို ရိုးရာမပျက် အစဉ်အမြဲကျင်းပနိုင်စီရန် တောင့်တမျှော်လင့်ကာဖြင့် နိဂုံးချုပ်လိုက်ပါသည်။

(အစံမောင်)

နားထောင်ရန်-လောင်းပြိုင်ပွဲ Click
(ရက္ခိတရို့ဆုံရပ်မြီဘလော့မှ)

ရေးသားတင်ပြသူ Arakan Indobhasa အချိန် 3:27 AM

Read more »

ရက္ခိုင်တူရိယာနှင့်ဂီတ

ရှေးအခါက ထီးနန်းကြငှန်းနှင့် အဆက်မပြတ် စည်ပင်ထွန်းကားလာခဲ့သည် ရခိုင်ပြည်ကြီးဝယ် ဘဇာ
ကြောင့် တူရိယာကဗျာမရှိခဲ့ဘဲ ဖြစ်ရမည်နည်း။ထီးခမ်း၊နန်းခမ်း၊မင်းခမ်းညီလာခံတို့တွင် တူရိယာတီး
စမြဲ ဖြစ်သည့်အကြောင်းရင်းကိုပေါ်တူဂီ ဘုန်းတော်ကြီး သာသနာပြုမန်နရိတ်သည် သီဝိသုဓမ္မမင်း၏

ဘိသိတ်တော်မင်္ဂလာအခမ်းအနား၌ ရခိုင်တူရိယာတီးမှုတ်သီဆိုကခုန်သည်ကို အကျယ်တ၀င့်ရေး
ထားသည်။ တူရိယာမျိုးတို့တွင်ကား တစ်မျိုး၊နှစ်မျိုး တို့ကိုသာ ဖော်ပြထားသည်။ယင်းကြောင့် လက်
တွေ့သာဓကရစေရန် မြောက်ဦးခေတ် သီရိသူရိယစန္ဒရမဟာရာဇာခေါ်၊တနည်းကား အိန္ဒိယတိုင်းသား
တို့၏အမည်ဖြင့်(ဇောက်ဘောက်သျှာလ်)ခေါ် မင်းဗာကြီးတည်းထားကိုးကွယ်ခဲ့သည့်(Temple of
Victory)ရန်အောင်ဇေယျ ပုထိုးတော်ကြီး ခေါ် သျှစ်သောင်းပုထိုးတော်ကြီး၏လှိုဏ်ဂူတော် ဒုတိယ အထပ်၊အင်္ဂါထောင့်၊ရာဟုထောင့်တို့မှ ရခိုင်တူရိယာများကို တီးမှုတ်နေသူတို့သည် တီးမှုတ်လျက်ပင်
ကခုန်ဟန်တို့ကို တွေ့ရပါမည်။တီးမှုတ်သူတို့၏ အနီးအနားဝိုင်းအုံရဲ ကခုန်နေကြဟန်တို့ကိုလဲတွေ့
ရပါမည်။အများအားဖြင့် ယခုကာလ(ဘဲလေး)ခေါ် အကမျိုးနှင့်တူလေသည်။များသောအားဖြင့် ရခိုင်
ပြည်တွင်စည်ရှည်မျိုးကိုတီးမှုတ်ကြသည်။ထိမ်းမြားမင်္ဂလာပွဲ၌ ပန်တျာခေါ်ပန်းတျားကိုတီးကြသည်။
ရှင်ပြုမင်္ဂလာပွဲ၌ ဗျောစည်ခေါ်စည်ဗျောကိုတီးကြသည်။ တပို့တွဲလ ရထားပွဲတွင် တဘက်ပိတ်စည်
ခေါ်အိုးစည်ကိုတီးကြသည်။ဘုရားထီးတင်ပွဲ၌လည်းအိုးစည်ကိုတီးကြသည်။သီဆိုသော ဂီတကဗျာတို့
မှာရက္ခိုင်တို့၏ တူရိယာနှင့်ကဗျာဂီတတို့သည် တပြိုင်နက်ပျောက်ဆုံးသွားခဲ့၏။ထို့ကြောင့် အမျိုးသား
၏ ရိုးရာယဉ်ကျေးမှုတို့ကိုရင်းနှီးဆက်ဆံခြင်းဖြင့်ဖော်ထုတ်ကြကုန်လော့။
ဦးသာထွန်(ရခိုင်တန်ဆောင် ၁၉၅၇-၅၈)
သျှစ်သောင်းပုထိုးတော်ဆိုင်ရာဆောင်းပါးပေါင်းချူပ်မှကောက်နုတ်ဖော်ပြပါသည်။

              ဝန်ခံချက် ။ ကျွန်တော်၏ ဘလော့ တွင်ဖော်ပြထားသောအကြောင်းအရာများသည် 
               ကျွန်တော်၏ ကိုင်ပိုင်စိတ်ကူး ကိုင်ပိုင်အိုင်တီ နဲ့ ဖန်တီးထားတာ မဟုတ်ပါကြောင်း ... 
                           ကျွန်တော်ရဲ့ ဘလော့ ဧည့်သည်များကိုအမြဲခင်မင်လျှက်ပါ။ 
                                                   ကျေးဇူးတင်ပါတယ်

Read more »

ရခိုင်ရိုးရာသင်္ကြန်

ဒီကဏ္ဍမှာတော့ ရခိုင်ပြည်နယ်ရဲ့ပွဲတော်ဓာတ်ပုံတွေကို ဖော်ပြပေးထားပါ။ 

အချို့ပွဲတော်ပုံတွေကျွန်တော်ကိုယ်တိုင် ရိုက်ခွင့်မကြုံခဲ့လို့ သူများဆီက ယူပြီးတော့ တင်ပေးထားပါတယ်။

စစ်တွေမြို့၊ မိဇံရပ်ကွက်မှ ကြီးမှူးကျင်းပသော ဒုတိယအကြိမ်မြောက် ရထားဆွဲပွဲတော် (2009 ခုနှစ်)    (ဆင်ကူးလမ်းရပ်ကွက် အမျိုးသမီးများ သံချပ်ပြိုင်ပွဲဝင်နေဟန်)

စစ်တွေမြို့၊ မိဇံရပ်ကွက်မှ ကြီးမှူးကျင်းပသော ဒုတိယအကြိမ်မြောက် ရထားဆွဲပွဲတော် (2009 ခုနှစ်)    (ရွှေပြားရပ်ကွက်)

စစ်တွေမြို့၊ မိဇံရပ်ကွက်မှ ကြီးမှူးကျင်းပသော ဒုတိယအကြိမ်မြောက် ရထားဆွဲပွဲတော် (2009 ခုနှစ်)    (ဆင်ကူးလမ်းရပ်ကွက်)

စစ်တွေမြို့၊ မိဇံရပ်ကွက်မှ ကြီးမှူးကျင်းပသော ဒုတိယအကြိမ်မြောက် ရထားဆွဲပွဲတော် (2009 ခုနှစ်)

စစ်တွေမြို့၊ မိဇံရပ်ကွက်မှ ကြီးမှူးကျင်းပသော ဒုတိယအကြိမ်မြောက် ရထားဆွဲပွဲတော် (2009 ခုနှစ်)    (ရူပမြောက်(သို့)ရှင်ဦးဥတ္တမရွာသား အဖွဲ့)

2009 ခုနှစ်၊ သီတင်းကျွတ်ဆွမ်းတော်ကြီးလောင်းလှူပွဲ (စစ်တွေ) 

2009 ခုနှစ်၊ သီတင်းကျွတ်ဆွမ်းတော်ကြီးလောင်းလှူပွဲ (စစ်တွေ) 

စစ်တွေသင်္ကြန် (2009 သင်္ကြန်)

Read more »

ရခိုင်ရိုးရာသင်္ကြန်ပွဲတော်

ရခိုင်ရိုးရာသင်္ကြန်ပွဲကို နှစ်စဉ်နှစ်တိုင်း ဧပြီလတွင်ကျင်းပပြုလုပ်ကြပါသည်။ ရခိင်ဒေသအလိုက် သင်္ကြန်ပွဲတော်ရက်များကွဲပြားခြားနားပါသည်။ သင်္ကြန်ပွဲတော်ဆင်ယင်ကျင်းပ ရာတွင် ရခိုင်လူမျိုးတို့မျာ အယင်ဆုံး နံသာသွေးပွဲဆင်ယင်ကျင်းပရသည်။ ၄င်းကိုသင်္ကြန်အကြိုနေ့ တွင် ရပ်ကွက်၊ မြို့တိုင်းတွင် ပြုလုပ်ကြသည်။ နံသာသွေးရန်အတွက် ရခိုင်သူများသည် မိမိအိမ်မှ သနပ်ခါး ကျောက်ပျဉ်များ၊ နံသာဖြူ၊ နံသာနီစသည့် အမွေးနံသာ စသည်တို့ကိုယူဆောင်လာပြီး  စုဝေးညီညွတ် ပျော်ရွှင်စွာဖြင့်နံသာသွေးကြရပါသည်။ ကာလသားလူငယ်တို့မှာက ရိုးသာသံစဉ်တီးမှုကခုန်ခြင်းများ၊ သံချပ်တိုင်ခြင်းများဖြင့် သီဆိုဖျော်ဖြေမှုများပြုလုပ်ကြပါသည်။

နောက်တစ်နေ့ဘုရားရေသပ္ပါယ်(ဘုရားရီချိုး)ပွဲနေ့တွင် မိမိတို့ရေသပ္ပါယ်ပွဲပြုလုပ်မည့် ဘုရားကျောင်းကန် တို့ကို စီတန်း၍ ခြေလျင် (သို့မဟုတ်) ကားများဖြင့် စုဝေးသွားကြပါသည်။ ဘုရားကျောင်းကန်များသို့ ရောက်သောအခါ ဘုရားဆင်းတုတော်များအား နံသာရေများဖြင့် ရေသပ္ပါယ်ခြင်း၊ ဘုရားကျောင်းကန် ၀န်ကျင်များအား အမှိုက်များလှဲကျင်းခြင်းတို့အားပြုလုပ်ကြပါသည်။ 

နောက်တစ်နေ့မှစ၍ သင်္ကြန်ရေကစားခြင်းကို နှစ်ဆန်းတစ်ရက်နေ့ထိ ဆင်ယင်ကျင်းပကြပါသည်။ ရခိုင်ရိုးရာရေလောင်းမဏ္ဍပ်တွင် ရခိုင်လှပျိုဖြူများက တူညီဝတ်စုံဝတ်ဆင်ပြီး မဏ္ဍပ်ခုံပေါ်တွင် ငွေဖလား ကိုယ်စီကိုင်လျှက်ထိုင်နေကြပါသည်။ မဏ္ဍပ်ထဲတွင် ရေအပြည့်ဖြည့်ထားသော လောင်းကြီးထားရှိပါသည်။ မဏ္ဍပ်တွင် မဏ္ဍပ်အုပ်ချုပ်သူ (မဏ္ဍပ်ရှင်မ)ငါးဦးခန့်ရှိပါသည်။ ရေလောင်းသူများသည် မိမိ ရေလောင်းချင်သည့်လှပျိုဖြူအားတွေ့လျှင် မဏ္ဍပ်ရှင်မထံတွင်ခွင့်တောင်းရပါသည်။  မဏ္ဍပ်ရှင်မက ခွင့်ပြုမှသာလျှင်ရေလောင်းရပါသည်။ ကာလသားလူပျိုအနေဖြင့် မိမိကြိုက်နှစ်သက်သူအမျိုးသမီးငယ်အား ရွေးချယ်ပြီးရေလောင်းနိုင်ပါသည်။ လူပျို၏ရွေးချယ်မှုကိုငြင်းဆန်ခြင်းမပြုရပါ။ 

နှစ်ဆန်းတစ်ရက်နေ့တွင် သက်ကြီးပူဇော်ပွဲကိုကျင်းပကြပါသည်။ သက်ကြီးပူဇော်ပွဲကျင်းပါရတွင် အဘိုး၊ အဘွားများကို လက်သည်းခြေသည်းများလှီးဖြတ်ပေးခြင်း၊ ခေါင်းလျှော်ပေးခြင်းများ ပစ္စည်းများနှင့်ငွေသားများ လှူဒါန်းပေးခြင်းများပြုလုပ်လေ့ရှိပါသည်။ ၄င်းသက်ကြီးပူဇော်ပွဲတွင် သက်ကြီးဘိုးဘွားများအား ရခိုင်ရိုးရာအကများဖြင့်ဖျော်ဖြေလေ့ရှိပါသည်။ 

 

Posted by dnweoo

Read more »

လှေပြိုင်ပွဲ (လောင်းပြိုင်ပွဲ)

မြောက်ဦးသျှစ်သောင်းဘုရားပွဲမှာ ကျင်းပတဲ့ လှေပြိုင်ပွဲပုံတွေကိုတင်ပေးလိုက်ပါတယ်။ လှေပြိုင်ပွဲ အကြောင်းကို ဒီနေရာမှာ ဖော်ပြပေးခဲ့ပြီးပါပြီ။ လှေပြိုင်ပွဲပုံတွေကိုတော့ ကိုသန်းဆွေ(ရခိုင်အဆိုတော်)မှ ကူညီပေးပါတယ်။

 Posted by dnweoo

Read more »

ရခိုင်ရိုးရာ ကျေးလက်ဓလေ့တစ်ခု ဒိုးကစားခြင်း

ရခိုင်ရိုးရာ ဒိုးကစားခြင်းကို ရခိုင်အမျိုးသမီးငယ်များ၊ အပျိုအရွယ်များက အထူးနှစ်သက်ကြသည်။ လသာသောညများတွင်လည်းကောင်း၊ နေ့လည်နေ့ခင်း အားလပ်ချိန်များတွင်လည်းကောင်း အုပ်စုဖွဲ့ကာ တစ်ဘက်နှင့်တစ်ဘက် ယှဉ်ပြိုင်ကစားကြသည်။ အသက်အရွယ်ကြီးပြီး အတွေ့အကြုံရှိသည့် အမျိုးသမီးကို အုပ်စုခေါင်းဆောင် (ဂေါင်လူကြီး) အဖြစ် ထားကြသည်။ ကျန်းမာရေးအတွက်သာမက အချင်းချင်း စည်းလုံး ညီညွတ်ရေးကိုလည်း ဖြစ်ပေါ်စေသည်။ ဒိုးကစားခြင်းကို ပထမဆုံး "ညှို့မေ"ဖြင့် စ,ရသည်။

ညှို့မေ။ ။ မိမိ၏ပစ်ဒိုးကို လက်ဖြင့်လှိမ့်၍ လွှတ်ပြီး သတ်မှတ်သော စည်းကို မကျော်မီ မိမိပစ်၍ ထိနိုင် မည့် နေရာတွင် ဖမ်း၍ ထောင်ဒိုးအား ထိအောင်ပစ်ရသည်။

ဖူးမှုတ်တောက်တဲ့။ ။ ဒိုးကိုပါးစပ်ထဲက "ဖူး"ဟု မှုတ်ပြီး လွှတ်လိုက်၍ ကျသည့်နေရမှ လုံးဝမရွေ့စေ ဘဲ ထောင်ဒိုးကိုထိအောင် ပစ်ရသည်။

ဆင်ခြေလှမ်း။ ။ ဆင်ခြေလှမ်းတာမှနေ၍ ညာဘက်ခြေဖမိုးပေါ်တွင် ဒိုးကိုတင်ပြီး ဘယ်ဘက်ခြေဖြင့် တစ်လှမ်းလှမ်းကာ ညာခြေထောက်လွှဲ၍ ပစ်ရသည်။

လျှပ်ထိုး။ ။ ဒိုးကိုခြေဖျားလေးများ အောက်၌ထား၍ အပြားလိုက်ဖိညှပ်ကာ ကျန်ခြေတစ်ဘက် မြှောက်ပြီး လျှင်၊ လျှပ်တိုက်၍ သွားရသည်။ ထိုသို့သွားရန် တာမှစ၍ ထောင်ဒိုးကို သုံးပတ်စေ့အောင် ပတ်ရသည်။ အကယ်၍ ဒိုးသည် ခြေဖ၀ါးအောက်သို့လျှော၍ ၀င်သွားပါက "သေသည်"ဟု ယူဆ၍ "အပိုင်"ဟု ခေါ်သည်။

ခြေတင်ခုံ။ ။ ခြေဖမိုးပေါ်တွင် ဒိုးကိုအပြင်းလိုက်တင်ရသည်။ ဒိုးတင်ထားသောခြေကို မ၍၊ ကျန်ခြေတစ်ဘက်ဖြင့် မြေကြီးပေါ်တွင် ဒေါက်ခုန်ဒေါက်ခုန်ဖြင့် ထောင်ဒိုးကို သုံးပတ် ပတ်ရသည်။

ခြေတင်သွေ။ ။ ခြေတင်ခုံ ပြုလုပ်နည်းအတိုင်း ဒိုးကို ဒေါက်ခုန်ဒေါက်ခုန်ဖြင့် ယူသွားကာ သတ်မှတ် ထားသော ထောင်ဒိုးစည်းတွင်ရပ်၍ ဒိုးတင်ထားသောခြေကို လွှဲယူကာ ခြေမဒိုးဖြင့် အောင်ဒိုးကို ထိအောင် ပစ်ရသည်။

မြင်းစလွှတ်။ ။ ဒိုးလွှတ်သောတာမှ ပစ်ဒိုးကိုလက်ဖြင့်ထိန်း၍ ထောင်ဒိုးကို မလွန်အောင် ပစ်ရသည်။ ဒိုးရောက်သည့်နေရာမှ ထောင်ဒိုးနှင့်နီးစပ်စေရန် ခြေတစ်ဘက်ဖြင့် ကောက်၍ ကျန်ခြေတစ်ဘက်ကို မ,ကာ ဒိုးကို တိုးကာတိုးကာ ယူသွားပြီး ပစ်ရသည်။

ပေါင်ရင်းကြီး။ ။ ဒိုးကို ပေါင်ရင်း၌ညှပ်ကာ တာမှလွှတ်ပြီး ထောင်ဒိုးကိုမကျော်မီ လက်ဖြင့်ထိန်း၍ ပစ်ရ သည်။

ပေါင်ရင်းလတ်။ ။ ပေါင်ရင်းကြီးပစ်သကဲ့သို့ ဒိုးကိုပေါင်လယ်၌ညှပ်ကာ ပစ်ရသည်။

ပေါင်ရင်းချေ။ ။ ဒိုးကိုပေါင်အောက်ဘက်တွင်ညှပ်၍ ပေါင်ရင်းကြီးကဲ့သို့ ပစ်ရသည်။

ဒူးငုတ်(ဒူးငေါင်း)။ ။ ဒူးနှစ်ခုကြားတွင် ဒိုးကိုညှပ်၍လွှတ်ပြီး ပေါင်ရင်းကြီးနည်းအတိုင်း ပစ်ရသည်။

ဒူးလိမ်။ ။ ညို့မေပြုလုပ်သည့်အတိုင်း တာမှမှန်း၍လွှတ်ကာ လက်ဖြင့် လုံးဝမထိန်းဘဲ ရောက်သည့်နေရာ မှ ထောင်ဒိုးကိုထိအောင် လက်ဖြင့်ပစ်ရသည်။

ခြေမျက်စိညှပ်။ ။ ခြေမျက်စိနှစ်ခုကြားတွင် ဒိုးကိုညှပ်ပြီး မတ်တပ်ရပ်လျက် လွှတ်၍ ပေါင်ရင်းကြီးပစ်သကဲ့ သို့ ပစ်ရသည်။

ဖနောင့်ဆွဲ။ ။ ဖနောင့်နှစ်ခုကြားတွင် ဒိုးကိုညှပ်၍ ခြေမျက်စိညှပ်ကဲ့သို့ ပစ်ရသည်။

ဖ၀ါးလယ်။ ။ ဖ၀ါးလယ်တွင် ဒိုးကိုညှပ်၍ ခြေမျက်စိညှပ်အတိုင်း ပစ်ရသည်။

ခြေမညှပ်။ ။ ခြေမနှစ်ခုကြားတွင် ဒိုးကိုညှပ်၍ ယခင်နည်းအတိုင်းပစ်ရသည်။

ခြေမကြားညှပ်။ ။ ခြေမနှင့် ခြေလယ်ကြား ဒိုးကိုညှပ်ကာ မတ်တပ်ရပ်ပြီး တာမှလှိမ့်ရသည်။ ထို့နောက် လှိမ့်လာသည့် ဒိုးကို လက်ဖြင့် ဖမ်းပြီးပစ်ရသည်။

ခြေလယ်ညှပ်။ ။ ခြေလယ်နှင့် ခြေသူကြွယ်ကြား ဒိုးကိုညှပ်ကာ ခြေမကြီးအတိုင်း ပစ်ရသည်။

ခြေသန်းညှပ်။ ။ ဒိုးကို ခြေသန်းနှင့် ခြေသူကြွယ်ကြားတွင် ညှပ်ကာ အထက်ပါနည်းအတိုင်း ပစ်ရသည်။

ခေါင်းတင်။ ။ ဒိုးကို ခေါင်းပေါ်တွင် အပြားလိုက်တင်၍ လက်ဖြင့် လုံးဝမကိုင်ဘဲ တာမှ တဖြည်းဖြည်းလျှောက်လာပြီး ထောင်ဒိုးအနီးသို့ ရောက်သောအခါ ဦးခေါင်းညွတ်၍ ပစ်ရသည်။ (ယင်းသို့ ပစ်သောအခါ ခါးကိုလုံးဝမညွတ်စေရ။)

ပါးတင်။ ။ ခေါင်းကိုအနည်းငယ်စောင်းကာ ဒိုးကို ပါးပေါ်တွင်တင်၍ ခေါင်းတင်အတိုင်းပစ်ရသည်။

နားတင်။ ။ ဒိုးကို နားပေါ်တွင်တင်၍ အထက်ပါနည်းအတိုင်း ပစ်ရသည်။

နဖူးတင်။ ။ မျက်နှာကိုမော့ကာ ဒိုးကို နဖူးပေါ်တင်၍ လမ်းလျှောက်သွားပြီး ပစ်ရသည်။

ထမင်းပို့။ ။ ဒိုးကို ခြေခုံတွင်တင်၍ ခြေတစ်ဘက်တည်းခုန်ပြီး ထောင်သွားကာ ထောင်ဒိုးကို တစ်ပတ် ပတ်ရသည်။

နံနံတို့စား။ ။ ဒိုးကို ခြေမကြားတွင်ညှပ်ပြီး ခြေတစ်ဘက်တည်းဖြင့် ခုန်သွားကာ ထောင်ဒိုးကို တစ်ပတ် ပတ်ရသည်။ ယင်းသို့ပတ်ရာတွင် စိုက်ထားသော ထောင်ဒိုးကို မြေ၌ မလဲစေရဘဲ မိမိခြေမကြား၌ ညှပ်ထားသော ဒိုးဖြင့် ထောင်ဒိုးကို သုံးကြိမ်တိတိတို့ပြီး ပြန်လာရသည်။ ယင်းကဲ့သို့ သုံးကြိမ်ပြုလုပ်ရသည်။

ပုလင်းထောင်။ ။ ထောင်ဒိုးနှင့်ထိအောင် တာမှနေ၍ လက်ဖြင့်ပစ်ရသည်။ မိမိပစ်သော ဒိုးနှင့် ထောင်ဒိုးကို ထိပြီး၊ ထောင်ဒိုးလဲကျသွားလျှင် မူလစည်းမှ ရှေ့သို့ တစ်တောင်စီတိုး၍ ပစ်ရသည်။ ယင်းကဲ့သို့ တစ်တောင် စီတိုး၍ ပစ်ခြင်းဖြင့် တဖြည်းဖြည်းဒိုးနှင့် နီးလာပြီး နောက်ဆုံးတစ်တောင်အကွာတွင်ပစ်ပြီးပါက ဒိုး ကစားခြင်း တစ်ပွဲပြီးစီးလေသည်။

တစ်ဘက်နှင့် တစ်ဘက်တစ်လှည့်စီ ကစားခြင်းဖြင့် ပထမဦးစွာ ပြီးစီးသူက အနိုင်ရသည်။ ဒိုးကစားသည့် အခါ မိမိအတွက် သတ်မှတ်ထားသော ဒိုးကိုမထိဘဲ အခြားသူများ၏ ဒိုးကိုသွားထိပါက "လျှောက်ခိုး သည်"ဟု ဆိုကြသည်။ "လျှောက်ခိုးသည်"ဆိုသည်မှာ တစ်နည်းအားဖြင့် သူများသားမယားကို ပြစ်မှား မိခြင်း၊ မိမိ၏ ခင်ပွန်းအပြင် အခြားသူတစ်ဦးဦးနှင့် တိတ်တဆိတ် ဖောက်ပြန်ခြင်းမျိုးကို ခေါ်သည်။ ယင်းသို့ ဒိုးကစားရာတွင် တစ်ဦးဦးလျှောက်ခိုးမိပါက တစ်ဖွဲ့လုံးသေပြီး ကျန်အဖွဲ့က ကစားရသည်။
Photo: ရခိုင်ရိုးရာ ဒိုးကစားခြင်း ရခိုင်ရိုးရာ ဒိုးကစားခြင်းကို ရခိုင်အမျိုးသမီးငယ်များ၊ အပျိုအရွယ်များက အထူးနှစ်သက်ကြသည်။ လသာသောညများတွင်လည်းကောင်း၊ နေ့လည်နေ့ခင်း အားလပ်ချိန်များတွင်လည်းကောင်း အုပ်စုဖွဲ့ကာ တစ်ဘက်နှင့်တစ်ဘက် ယှဉ်ပြိုင်ကစားကြသည်။ အသက်အရွယ်ကြီးပြီး အတွေ့အကြုံရှိသည့် အမျိုးသမီးကို အုပ်စုခေါင်းဆောင် (ဂေါင်လူကြီး) အဖြစ် ထားကြသည်။ ကျန်းမာရေးအတွက်သာမက အချင်းချင်း စည်းလုံး ညီညွတ်ရေးကိုလည်း ဖြစ်ပေါ်စေသည်။ ဒိုးကစားခြင်းကို ပထမဆုံး "ညှို့မေ"ဖြင့် စ,ရသည်။ ညှို့မေ။ ။ မိမိ၏ပစ်ဒိုးကို လက်ဖြင့်လှိမ့်၍ လွှတ်ပြီး သတ်မှတ်သော စည်းကို မကျော်မီ မိမိပစ်၍ ထိနိုင် မည့် နေရာတွင် ဖမ်း၍ ထောင်ဒိုးအား ထိအောင်ပစ်ရသည်။ ဖူးမှုတ်တောက်တဲ့။ ။ ဒိုးကိုပါးစပ်ထဲက "ဖူး"ဟု မှုတ်ပြီး လွှတ်လိုက်၍ ကျသည့်နေရမှ လုံးဝမရွေ့စေ ဘဲ ထောင်ဒိုးကိုထိအောင် ပစ်ရသည်။ ဆင်ခြေလှမ်း။ ။ ဆင်ခြေလှမ်းတာမှနေ၍ ညာဘက်ခြေဖမိုးပေါ်တွင် ဒိုးကိုတင်ပြီး ဘယ်ဘက်ခြေဖြင့် တစ်လှမ်းလှမ်းကာ ညာခြေထောက်လွှဲ၍ ပစ်ရသည်။ လျှပ်ထိုး။ ။ ဒိုးကိုခြေဖျားလေးများ အောက်၌ထား၍ အပြားလိုက်ဖိညှပ်ကာ ကျန်ခြေတစ်ဘက် မြှောက်ပြီး လျှင်၊ လျှပ်တိုက်၍ သွားရသည်။ ထိုသို့သွားရန် တာမှစ၍ ထောင်ဒိုးကို သုံးပတ်စေ့အောင် ပတ်ရသည်။ အကယ်၍ ဒိုးသည် ခြေဖ၀ါးအောက်သို့လျှော၍ ၀င်သွားပါက "သေသည်"ဟု ယူဆ၍ "အပိုင်"ဟု ခေါ်သည်။ ခြေတင်ခုံ။ ။ ခြေဖမိုးပေါ်တွင် ဒိုးကိုအပြင်းလိုက်တင်ရသည်။ ဒိုးတင်ထားသောခြေကို မ၍၊ ကျန်ခြေတစ်ဘက်ဖြင့် မြေကြီးပေါ်တွင် ဒေါက်ခုန်ဒေါက်ခုန်ဖြင့် ထောင်ဒိုးကို သုံးပတ် ပတ်ရသည်။ ခြေတင်သွေ။ ။ ခြေတင်ခုံ ပြုလုပ်နည်းအတိုင်း ဒိုးကို ဒေါက်ခုန်ဒေါက်ခုန်ဖြင့် ယူသွားကာ သတ်မှတ် ထားသော ထောင်ဒိုးစည်းတွင်ရပ်၍ ဒိုးတင်ထားသောခြေကို လွှဲယူကာ ခြေမဒိုးဖြင့် အောင်ဒိုးကို ထိအောင် ပစ်ရသည်။ မြင်းစလွှတ်။ ။ ဒိုးလွှတ်သောတာမှ ပစ်ဒိုးကိုလက်ဖြင့်ထိန်း၍ ထောင်ဒိုးကို မလွန်အောင် ပစ်ရသည်။ ဒိုးရောက်သည့်နေရာမှ ထောင်ဒိုးနှင့်နီးစပ်စေရန် ခြေတစ်ဘက်ဖြင့် ကောက်၍ ကျန်ခြေတစ်ဘက်ကို မ,ကာ ဒိုးကို တိုးကာတိုးကာ ယူသွားပြီး ပစ်ရသည်။ ပေါင်ရင်းကြီး။ ။ ဒိုးကို ပေါင်ရင်း၌ညှပ်ကာ တာမှလွှတ်ပြီး ထောင်ဒိုးကိုမကျော်မီ လက်ဖြင့်ထိန်း၍ ပစ်ရ သည်။ ပေါင်ရင်းလတ်။ ။ ပေါင်ရင်းကြီးပစ်သကဲ့သို့ ဒိုးကိုပေါင်လယ်၌ညှပ်ကာ ပစ်ရသည်။ ပေါင်ရင်းချေ။ ။ ဒိုးကိုပေါင်အောက်ဘက်တွင်ညှပ်၍ ပေါင်ရင်းကြီးကဲ့သို့ ပစ်ရသည်။ ဒူးငုတ်(ဒူးငေါင်း)။ ။ ဒူးနှစ်ခုကြားတွင် ဒိုးကိုညှပ်၍လွှတ်ပြီး ပေါင်ရင်းကြီးနည်းအတိုင်း ပစ်ရသည်။ ဒူးလိမ်။ ။ ညို့မေပြုလုပ်သည့်အတိုင်း တာမှမှန်း၍လွှတ်ကာ လက်ဖြင့် လုံးဝမထိန်းဘဲ ရောက်သည့်နေရာ မှ ထောင်ဒိုးကိုထိအောင် လက်ဖြင့်ပစ်ရသည်။ ခြေမျက်စိညှပ်။ ။ ခြေမျက်စိနှစ်ခုကြားတွင် ဒိုးကိုညှပ်ပြီး မတ်တပ်ရပ်လျက် လွှတ်၍ ပေါင်ရင်းကြီးပစ်သကဲ့ သို့ ပစ်ရသည်။ ဖနောင့်ဆွဲ။ ။ ဖနောင့်နှစ်ခုကြားတွင် ဒိုးကိုညှပ်၍ ခြေမျက်စိညှပ်ကဲ့သို့ ပစ်ရသည်။ ဖ၀ါးလယ်။ ။ ဖ၀ါးလယ်တွင် ဒိုးကိုညှပ်၍ ခြေမျက်စိညှပ်အတိုင်း ပစ်ရသည်။ ခြေမညှပ်။ ။ ခြေမနှစ်ခုကြားတွင် ဒိုးကိုညှပ်၍ ယခင်နည်းအတိုင်းပစ်ရသည်။ ခြေမကြားညှပ်။ ။ ခြေမနှင့် ခြေလယ်ကြား ဒိုးကိုညှပ်ကာ မတ်တပ်ရပ်ပြီး တာမှလှိမ့်ရသည်။ ထို့နောက် လှိမ့်လာသည့် ဒိုးကို လက်ဖြင့် ဖမ်းပြီးပစ်ရသည်။ ခြေလယ်ညှပ်။ ။ ခြေလယ်နှင့် ခြေသူကြွယ်ကြား ဒိုးကိုညှပ်ကာ ခြေမကြီးအတိုင်း ပစ်ရသည်။ ခြေသန်းညှပ်။ ။ ဒိုးကို ခြေသန်းနှင့် ခြေသူကြွယ်ကြားတွင် ညှပ်ကာ အထက်ပါနည်းအတိုင်း ပစ်ရသည်။ ခေါင်းတင်။ ။ ဒိုးကို ခေါင်းပေါ်တွင် အပြားလိုက်တင်၍ လက်ဖြင့် လုံးဝမကိုင်ဘဲ တာမှ တဖြည်းဖြည်းလျှောက်လာပြီး ထောင်ဒိုးအနီးသို့ ရောက်သောအခါ ဦးခေါင်းညွတ်၍ ပစ်ရသည်။ (ယင်းသို့ ပစ်သောအခါ ခါးကိုလုံးဝမညွတ်စေရ။) ပါးတင်။ ။ ခေါင်းကိုအနည်းငယ်စောင်းကာ ဒိုးကို ပါးပေါ်တွင်တင်၍ ခေါင်းတင်အတိုင်းပစ်ရသည်။ နားတင်။ ။ ဒိုးကို နားပေါ်တွင်တင်၍ အထက်ပါနည်းအတိုင်း ပစ်ရသည်။ နဖူးတင်။ ။ မျက်နှာကိုမော့ကာ ဒိုးကို နဖူးပေါ်တင်၍ လမ်းလျှောက်သွားပြီး ပစ်ရသည်။ ထမင်းပို့။ ။ ဒိုးကို ခြေခုံတွင်တင်၍ ခြေတစ်ဘက်တည်းခုန်ပြီး ထောင်သွားကာ ထောင်ဒိုးကို တစ်ပတ် ပတ်ရသည်။ နံနံတို့စား။ ။ ဒိုးကို ခြေမကြားတွင်ညှပ်ပြီး ခြေတစ်ဘက်တည်းဖြင့် ခုန်သွားကာ ထောင်ဒိုးကို တစ်ပတ် ပတ်ရသည်။ ယင်းသို့ပတ်ရာတွင် စိုက်ထားသော ထောင်ဒိုးကို မြေ၌ မလဲစေရဘဲ မိမိခြေမကြား၌ ညှပ်ထားသော ဒိုးဖြင့် ထောင်ဒိုးကို သုံးကြိမ်တိတိတို့ပြီး ပြန်လာရသည်။ ယင်းကဲ့သို့ သုံးကြိမ်ပြုလုပ်ရသည်။ ပုလင်းထောင်။ ။ ထောင်ဒိုးနှင့်ထိအောင် တာမှနေ၍ လက်ဖြင့်ပစ်ရသည်။ မိမိပစ်သော ဒိုးနှင့် ထောင်ဒိုးကို ထိပြီး၊ ထောင်ဒိုးလဲကျသွားလျှင် မူလစည်းမှ ရှေ့သို့ တစ်တောင်စီတိုး၍ ပစ်ရသည်။ ယင်းကဲ့သို့ တစ်တောင် စီတိုး၍ ပစ်ခြင်းဖြင့် တဖြည်းဖြည်းဒိုးနှင့် နီးလာပြီး နောက်ဆုံးတစ်တောင်အကွာတွင်ပစ်ပြီးပါက ဒိုး ကစားခြင်း တစ်ပွဲပြီးစီးလေသည်။ တစ်ဘက်နှင့် တစ်ဘက်တစ်လှည့်စီ ကစားခြင်းဖြင့် ပထမဦးစွာ ပြီးစီးသူက အနိုင်ရသည်။ ဒိုးကစားသည့် အခါ မိမိအတွက် သတ်မှတ်ထားသော ဒိုးကိုမထိဘဲ အခြားသူများ၏ ဒိုးကိုသွားထိပါက "လျှောက်ခိုး သည်"ဟု ဆိုကြသည်။ "လျှောက်ခိုးသည်"ဆိုသည်မှာ တစ်နည်းအားဖြင့် သူများသားမယားကို ပြစ်မှား မိခြင်း၊ မိမိ၏ ခင်ပွန်းအပြင် အခြားသူတစ်ဦးဦးနှင့် တိတ်တဆိတ် ဖောက်ပြန်ခြင်းမျိုးကို ခေါ်သည်။ ယင်းသို့ ဒိုးကစားရာတွင် တစ်ဦးဦးလျှောက်ခိုးမိပါက တစ်ဖွဲ့လုံးသေပြီး ကျန်အဖွဲ့က ကစားရသည်။

အာရကန် ဂျန်ဆန် FB မှ

Read more »